المساعد الشخصي الرقمي

مشاهدة النسخة كاملة : حملة إحياء الامثال المغربية



اميرة مغتربة
02-10-2009, 02:35
السلام عليكم ورحمة الله وبركاته

محبات الامثال اجيوا نديرو حملة لاحياء الامثال المغربية



الي كتعرف شي مثال تكتبوا


يالله نبدا انا و نفتح الباب


* ملي بغيتك أ وجهي قمشوك ليا لمشاش

* ميات تخميمة و تخميمة و لى ضربة بالمقص

* لو كان الخوخ يداوي كان داوى غير راسوا

* للا زينة أو زادها نور الحمام

نكمل ان شاء الله الا حمستوني :7:

سماء105
02-10-2009, 03:09
السلام عليكم انا اختي نكمل ما بديتي
*حتى غلا عاد حلا
*الزين كيحشم على زينو والخايب غير لهداه الله
*لي بغى العسل يصبر لقريص النحل
*قال لو اش خصك العريان قال لو خاتم امولاي
*ملي شاب علقو لو حجاب
نكتفي بهدو الان لي عودة من بعد

wijdan19
02-10-2009, 04:19
هانا نكمل مابديتوا
قالوا زمان :
زين المراة ف ضياها...............وزين العاتق ف حياها
مراة المنحوس..................... ما هي مطلق ما هي عروس
حلفت العروسة ما تحب الحماه.......حتى تبياض الفحمة ! !
لا عجوزة تفلق......................ولا راجل يطلق
الى شفتي موكة خطابة..............عرف بلارج عريس
الى درتيها ف الرجالة ترجاها......والى درتيها ف النسا لا تنساها ! !
حديث النسا يونس ويعلم الفهامة
يعملوا من الريح قلادة و يحلقوا لك بلا ما! !

أم سامي
02-10-2009, 10:32
المثال اللي كيعجبني

ديرها في الرجال ونساها، وإلى درتيها في النسا تسناها

دعاء مسلمة
02-10-2009, 14:51
- ايلا تكبر عليك شي عيفة قول ما كيتنفخ غير الجيفة .

- اللي ما دي منو فايدة و تكلس معاه على مايدة رفاكتو عا زايدة .
- اللي تلقا ايدو في جيبك عمرو ما يكون حبيبك
- رحم الله من زار وخفف
- ماتيجي المصايب الا من الحبايب
-لي حبه ربه واختاره جاب له رزقه على باب دراه
- الخواف ماتخاف عليه امه

بنت جابر
02-10-2009, 15:04
* السلطان بالتاج و كيحتاج.
* اللي حبك حبو و لقلبك زوجو و اللي جفاك جفيه و تعداه و دوزو.


* يلى شفتيهم دورو علينا عرف حاجتهم فينا.
* اطلع تاكل الباكور انزل شكون قالهالك.
* الحر بالغمزة و العبد بالدبزة.
* دوز على الهرهوري و لا دوز على الساكوتي.
* دابزو يا الفيران على خميرة الجيران.
*ههههههههههههههههههه
لي عودة ان شاء الله
دمتن بخير*

princesseh01
02-10-2009, 15:57
الجديد لو جدة و البالي لا تفرط فيه
الشبكة تعوج في الغربال و تقولو عينيك صغار
دوز علا الواد الهرهوري لا دوز علا الواد السكوتي
سنعود انتظرونا هههههه

tayouret
02-10-2009, 15:58
شكرا كيعجبوني الامثال الشعبية اضيف لكم هده الامثال كنتمنى يعجبوكم
حسدوا العمى على عكازو
رضينا بالهم والهم مارضا بينا درناه عند راسنا اصبح عند رجلينا
ماتشري حتى تقلب وماتصاحب حتى تجرب
اللي اناني كيبقى وحداني
اللي مجابتو المحبة ماتجيبو احزارة
الا بغيتي توحش صاحبك سلفو
الا كان خوك عسل متلحسوش كلو
جالس على الزبالة ويحكم على الدبانة

اميرة مغتربة
02-10-2009, 16:19
تبارك الله علي التفاعل هكا يكونو المغربيات والا فلا

* مندبة كبيرة والميت فار
* الكرش ملي كتشبع كتقول لراس غني
* الله ينجيك من الساكت الا دوا
* قطع الواد و نشفو رجليه
* لبس الكتان و نسى ما كان
* كطيح البقرة كيقواو جناوا
* باش عاش بزيز حتجاه بلارج

ولي عودة ان شاء الله

ام ليلى وسلمى
02-10-2009, 16:23
زين الزين الفعال:69:

لاتعلق فين تفلق
حضي وجهك لايقمشوهلك القطوط

الي تصحر مع الدراري يصبح فاطر

لادير خير ميطرا باس
دير مادار جارك او حول باب دارك

الي بغا نونو يسهر اليل كولو

النوطة متبغي نوطة غي عوره او مزلوطا

ههههههههههه

الرمضانية
02-10-2009, 16:57
السلام عليكم



الله عليكم وعلى صاحبة الموضوع والله ايلا كنقرا هاد االمثال وكنضحك مرة وكنتمعن مرة في المعاني الجميلة اللي ما كتخلاش من كل دار مغربية
ويلا لاحضتو كاينة بعض الاختلافات في كلمات شي امثال
الحاصول لهلا يخطي علينا ثقافتنا الاصيلة
اللي ولينا كنفتقدوهافي هاد الايام الي اختلط فيها الحابل بالنابل


ما نكترش عليكم وندوز لامثالي
شكون يشكر العروسة غير امها وخالتها والحزارة د مرت اباها
اللي قال ليك لا تقول ليه
اللي قال ليك قال عليك
الزين تيحشم على زينو والخايب غي يلا هداه الله
لي عودة

أم الزهرتين
02-10-2009, 17:05
اللي دار راسو فب النخالة تينقبو الدجاج

اللي فيه شي طبيعة مايبيعها

ماقد اينوض قاله عقلوه

أم الزهرتين
02-10-2009, 17:08
المندبة كبيرة والمييت فار

الزين فالدفلة وحار

احبكن فى الله
02-10-2009, 18:31
هانا معاكم عزيز عليا الامثال المغربية

:82:

الدراري ماكلتهم نجارة و كسوتهم خسارة
دخلناهم يشربو الرايب قالو حقنا فالزرايب
درجة بدرجة حتى يحن مول الرجا
الدنيا دراعة كل واحد كيلبسها ساعة
الدوام كيتقب الرخام
اللي لقا على من يتخنث وماتخنتش تحاسبو نفسو

ايوا كيجيتكم و عكوزة و صافي شكرا اختي على الموضوع

اميرة مغتربة
02-10-2009, 19:37
* البس قدك يواتيك
* لفياق بكري بالذهب مشري
* مكسي بديال ناس عريان
* قاليه اش كان باك قليه نفار قليه هرمضان تقضى
* الى طردك البخيل عند الكريم تبات
* انا في همو كندادي وهو فتقلاع وتادي

princesseh01
02-10-2009, 19:44
اقلب البرمة على فمها تطلع البنت لامها
الى مشا الزين يبقاو حروفو
طاح الحك و لقا غطاه

wijdan19
03-10-2009, 00:17
هنا رجعت بالامثال :
قالو زمان :
راح ديك الزمان وناسه............وجا هذ الزمان بفاسه
الي يتكلم بالحق ................يهرسو له راسه
وريه وريه.................ولى عما سير وخليه
الفقيه اللي ترجينا بركته ..... ..دخل الجامع بلغته
الناس ف الناس .............و القرع ف مشيط الراس
الزين كيحشم على زينه........و الخايب الى هداه الله
قالوووووووووو زمان:
العين صعيبة تتقتل الكسيبة وتخوي الزريبة
لهلا يسلطها على الحبيب و الحبيبة
لو كان الصفيحة ترد العار..........كن رداتو عل الحمار

wijdan19
03-10-2009, 00:18
قالو زمان :
اللي زيانت ايامه..........تيشير بكمامه
دابا كلينا وشربنا ......ونسينا الحرابل باش سعينا
دخانهم عمانا...........وطعامهم ما جانا

فــيــروووز
03-10-2009, 00:25
السلام عليكم ورحمة الله وبركاته
* السفيه ما كينطق غي بلي فيه.
* ما تشري حتى تقلب و ما تصاحب حتى تجرب.
* اللي حبك حبو و لقلبك زوجو و اللي جفاك جفيه و تعداه و دوزو.
* يا الطامع في الزيادة رد بالك من النقصان.
* الحنة حرشة و الحناية عمشة و العروسة فيها بو تفتاف.هههه
* حسدو العمى على عكازو.

لؤلؤة بحجابي
03-10-2009, 02:22
المرا تمد الدواقا وعين بنتها فيها
لي بغا لعسل يصبر لقريص النحل
لي ما جال ما عرف حق الرجال
ضياقت السما على القوبع
علمناهم السعايا سبقونا للبيبان
الى عطاك العاطي الجبال تواطي
نوض بكري ولا سير تكري
اوا براكا عليكم نتمنا يعجبوكم
غي قبلو عليا .

فــيــروووز
16-10-2009, 20:59
السلام عليكم ورحمة الله وبركاته
* يلا بغيتي اتوحش صاحبك سلفو.
* تيدور الزرع حتى كيدور وكيرجع لعين الرحى.
* يلا امشا الزين كيبقاو حروفه ويلا امشا المال كيبقاو خروقه.
* كيبيعو الارض ويضحكو على من شراها.
* اللي ما جابتو المحبة ما تجيبو الحزارة.

ميرال
16-10-2009, 21:44
*شْحَال مَا طَالْ اللِّيلْ كَيْطْلَعْ النّهار
*الخُبْز والمَا مَا تْخَلِّي عَلَى القَلْبْ غُمَّه
*اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ
*دِيرْ عِينْ شَافَتْ وَعِينْ مَا شِافْتْ
*اللِي حْفَرْ شِي حُفْرَه كَيْطِحْ فِيهَا
*رَجْعَتْ حْلِيمَه لْعَدَتْهَا القَدِيمَه
*اللِّي كَيْعَمْلُه يَبْلِيسْ فْعَام تْعْمله العْكُوزَة فْسَاعهْ
*ربّي كَيَرْزَقْ كُل رُوحْ بَاش تْرُوح

anousa08
16-10-2009, 23:25
السلام عليكم ورحمة الله وبركاته

لفياق بكري بالذهب مشري
اللي فيه شي طبيعة مايبيعها
ألف تخميمة و تخميمة ولاضربة بالمقص
دخلناه للدار شرك معنا البقار
لو كان الخوخ يداوي كان داوى غير راسوا
البس قدك يواتيك
تفكر حبيبك واهواه واتفكر فعايله وانساه

راه عزاز علي الامثال... نتمنى يعجبكم ليكتبت...
دمتم بألف خير


اللهم صل على محمد وعلى آله وصحبه أجمعين

ام ياسين1
17-10-2009, 19:48
انا معرفة حتى مثال ولكن بغيت نقول ليكم
تبارك الله عليكم كاملين

سجدة لله
28-10-2009, 17:16
ابنتي وحبيبتي وفي الغربة مشتركات موضوع الامثال المغربة فكرة جيدة حتي نحافظ علي ثراتنا القديم واليك بعض الامثلة المغربية لاتخمم ولاتدبر لاتحمل الهم ديمة-الفلك ماهو مسمر ولا الدنيا مقيمة--راح داك الزمان وناسه وجاء هدا الزمان بفاسه---كل اللي يتكلم بالحق يهرسو لو راسه---الشر مايظلم حد غير من جابه لنفسه--في الشتاء يقول البرد وفي الصيف يغلبو نعاسه--نوصيك ياواكل الراس في البير ارم عظامه--------اضحك والعب مع الناس-فمك متن له لجامه والي لقاء اخر ان كان في العمر بقية

zawji hayati
28-10-2009, 17:43
-درينا القمح وطار غباروو والقلب المهموم الوجه يعطيك اخبارو
- الي جاب الطبق يدي التمر والي جا بالمعروف يدي الفضل
-اللي بغا يدفع البلا يتوضأ للصلا
-ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
-السن يضحك للسن والقلب فيه لخديعة
-احضي راسك من اللي قريب ليك اما عدوك فراه باين ليك
-بويا مانا بوك خويا مانا خوك كلها في همو محبوك
-الى طردك البخيل عند الكريم تبات
-الدجاجة غسلات رجليها نسات ماداز عليها
-انا في همو كندادي وهو فتقلاع وتادي
-لفياق بكري بالذهب مشري
- لو كان الخوخ يداوي كان داوى غير راسوا
- القرع بفلوسوا آرا ديك الراس نبوسوا
- كور واعطي نلعور
- البس قدك يواتيك

fouziaana
28-10-2009, 17:57
الطامع فزيادة رد بالك لنقصان
الزواج والموت هم لا يفوت
لي جاب مرتو لجماعة طلقها
رخي عبستك وشد خبزتك
خبزي تحت باطي ماسمع حد عياطي
لي شفتيه راكب علي قسبة قولو مبروك العود
ارا يديك نتسالمو ولي فلقلب الله عالمو

mari haboba
29-10-2009, 14:35
الحنة حرشة و الحناية عمشة و العروسة فيها بوتفتاف ـ طاح الحك و لقا غطاه ـ يا ويح من وقع في بير و صعب عنو طلوعو يرفرف ما وجد جناحين يبكي سالو دموعو

om ilyasse
29-10-2009, 16:41
-كردة سعدها وردة أوملات سوالف سعدها تلف

-الناس في الناس ولقرعة في مشيط الراس

-لبغا زين يصبر لتقيب الودنين

ميرال
29-10-2009, 19:21
كيدور الزرع حتى كيدور و كيرجع لعين الرحى

ما كايتزاد بالصوف غير الخروف

باب الصبر ما عليها زحام

bsmhi
29-10-2009, 22:39
جى يعونو فى قبر باه هرب ليه بالفاس

فــيــروووز
30-10-2009, 00:10
السلام عليكم ورحمة الله وبركاته
*ثلاثة من علامات الهبال: الغادي السوق بلا مال و الغادي البير بلا حبال و الكالس وسط الجماعة و ما رادش البال .

*اللي تلقا ايدو في جيبك عمرو ما يكون حبيبك .

* الفم ما بقات فيه حتى سنة وما بغا يتهنا .

*الضيف كيسلم و مول الدار كيخمم .

ميرال
30-10-2009, 00:27
السلام عليكم ورحمة الله وبركاته

omoryan wa adam
30-10-2009, 02:09
لعروسة فوق الكرسي ماعرفها حد فين ترسي
غير بلمهال كايتنكل بدنجال
نهيه نهيه و يلا عما سير و خليه
ضيف ما يتشرط و مول دار ما يفرط
ستيل في جيب و لعقل الله يجيب
لهيالا غلبت السحرة
عزبة يلا بارت على ساعدها دارت
لالا و نت بخير من شطب لقاع لبحر
نقطة نقطة كيخمل لواد
دير مدار جارك ولا حول باب دارك

loulou-caty
31-10-2009, 20:55
بسم الله الرحمن الرحيم
* خليها فل القلب تجرح ولا تخرج وتفضح
*غير بركم وانا نفهم
*لي دارها بيديه يفكها بسنيه
*لي بغا العسل يصبر لقريص النحل
*فاعل الخير هنيه بالفرح والشكر ديما
*الارض فدان ربي والخلق مجموع فيها
*في الشتا يقول البرد وف الصيف يغلبو نعاسو

فــيــروووز
01-11-2009, 22:47
السلام عليكم ورحمة الله وبركاته

· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.

· اللي قال ليك العرس ساهل يسقي لو غير الما.

· عيات موت الحمق ما تعض فشاربها, قاليها من جهتي غير قطعيه.

· الشوف ما يبرد الجوف, والناقة ما ترضع الخروف.


· الحرفة الى ما غنات تستر, أو واقيلا تزيد فالعمر.

safir-bleu
01-11-2009, 23:30
السلام عليكم ورحمة الله وبركاته

الحنة حرشة حرشة و النقاشة عمشة و يدين العروسة فيهم بو تفتاف
لي حبك ما بنى ليك قصر و لي كرهك ما حفر ليك قبر
لي بغا يتعلم يحدر راسو للمعلم ما يهضر ما يتكلم
لي مو فالكشينة ما يبات بلا عشا
سوق النسا سوق مطيار يا الداخلو رد بالك يوريوك من الربح قنطار و يديو ليك راس مالك
قال ليه الشيخ باغي الوقر قال يشدو من راسو
شد ولدك قتل ما يبات أما الى بات والف جولات

ومضات
06-11-2009, 22:08
بسم الله الرحمن الرحيم

100تخميمة وتخميمة ولا ضربة بمقص
اللي جا لدارك جا لعارك
قالو شمتك قاليه عرفتك
الفضيلة كتبان من العصر
اذا كان حبيبك عسل متلعقو كلو...(خلي شويا لدواير الزمان)

نبع الوفاء
06-11-2009, 22:16
شكرا اختي على الموضوع راني تونسية ونفهم برشا في الامثال المغربية شوينة تونس ولا زوينة تهمس

رحاب الجنان
06-11-2009, 23:03
الفياق بكري بالدهب مشري +في ركني وعركني+كل قرد في عين مو غزال+جاك الموت يا تارك الصلا+ما يحكلك ظهرك غير ضفرك+

محبة فاطمة الزهراء
07-11-2009, 01:19
douk dawka wrod l ma3on

chkoun chkar fik al 3rossa ma wkhalti wl hazara jarti

daz dwazi wthars 3okazi

rajl dshour wl hajb dlkhoul 3omro ma ydom

chkoun chafolk almkahla f dlma

drra mrra wkha ghir fl hadra

jark lkrib hssn mn khak lb3id

mawdou3 ghzal li 3awda incha allah

مندرينة
07-11-2009, 01:56
السلام عليكم

تبارك الله عليكم البنات

*راسي عندي و الناس عينا بيه
*اللي دار راسه في النخاله نقبوا الدجاج
*شكون اللي داها فيك الزميتا نهار العيد هههههه
*اللي خاف نجا


هادشي اللي عندي مشكلتي تنسا ههههه

محبة فاطمة الزهراء
07-11-2009, 02:59
khobzi tht bati massma3 had 3yati

liwfar ghdah l 3chah rbi 3tah w ma3raf lkhir mnin jah

lmzyan yhchm 3la zino ama lkbih ghir ila hdah llah

lmakla bl ma mn kalt lfhama

dayfa
07-11-2009, 21:29
فكرة جميلة

- عام وهو يختار وتزوج بنت المختار.
- الفقيه اللي كنتسناو بركتو، دخل لجامع ببلغتو.
- الجبلي أدا تبلد، فحال الطبل إذا تجلد.
- حتى يخلاق ونسميوه عبد الرزاق.
- ادا حلفوا فيك الرجال بات ناعس، وادا حلفوا فيك النسا بات جالس.
- فران وقاد بحومة.
- جنازة كبيرة والميت فار.

استمروا حتى أعود وفي جعبتي المزيد.

محبة فاطمة الزهراء
07-11-2009, 21:33
sam sam wftar 3la bssla

nhih nhih wila 3ma sir w khalih

almzwak mn bara chkhbark mndakhl

mn bara mbahja wmn dakhl mkhmaja

fouziaana
07-11-2009, 23:33
go3i fi karchi w3nayti fi rasi
lidarjak bkhit darjo bhit

محبة فاطمة الزهراء
07-11-2009, 23:48
li ba3k bl ghali bi3o b rkhis

tah lhok w sab ghtah

bni w 3ali w sir w khali

mol l 3ors y3ars wmol, lmchmom ythars

ومضات
21-11-2009, 01:26
بسم الله الرحمن الرحيم

الخيل واقفة والحمير كتبورد(حاشاكن اخواتي)..لقيتها فواحد الاستجواب..صراحة عمري سمعتها ولكن معناها اعجبني

ام يوسف11
21-11-2009, 17:25
السلام عليكم ورحمة الله وبركاته
*لي حفر شي حفرة احفرها كبيرة لا يطح فيها
*عرس ليلة تدبيرو عام
*قاليه شمتك قاليه عرفتك
*مع من شفت مع من شبهتك
*لي قاليك قال عليك
*حوت واحد تخنز الشواري
*الحيط المحدور ديما محكور
*باش عشتي يا بو عميرة حتى جاك الجراد
*نهيه نهيه والا مبغا سر او خليه
*تحابو الكلاب على رجلين الطلاب
*حسبتو موسى وصدق فرعون
*ما من المحبة الا بعد العداوة

هاد المثل باللغة العربية:

*احبب حبيبك هونا ما عسى ان يكون بغيظك يوما ما وابغظ بغيظك هون ما عسى ان يكون حبيبك يوما ما


:74::84::74::84::74::84:

sousi_333
09-01-2010, 01:50
السلام عليكم أخواتي. حتى أنا نشاركم فالأمثال:

-العود الي تحقرو يعميك
-تبع حرفة بوك لايغلبوك
-جري يا التاعس من سعد الناعس
-خلي الكداب حتى ينسى و سولو
-ماعمر الشطاح ماينسى هزة الكتف
-اللي جاور الحداد يتكوى بنارو
-الشمس المدفونة من سعد المرا المعفونة
-عند رخسو تخلي نصو
-تا زين ماخطاه العيب
-كون كان الحمام كايبيض كون بيض قبابو
-البكا[/URL] ورا الميت خسارة

[URL="http://vb.lm3a.net/t10437.html"]http://up.lm3a.net/uploads/34f12129d1.gif (http://vb.lm3a.net/t10437.html)

oum_raje
21-01-2010, 21:41
مشكورات يا أنيقات على الأمثال الشعبية موروثنا الشعبي فانا من عشاق الأمثال و الألغاز،تقبلوا هذه المساهمة.



1 / شافونا كندخنو سحابلهم فالتريد كنسخنو .

2/ لو كنت عرفت الكلب يعضني كن رخيت لو شرويطة.

3/ ما دارو الرحى حتى عياو من تغزازو .

4/ ما كيعطي الدرا (منديل الرأس) غير ألي قطعاتلو امو ليزار.

5/ اللي مولف بالسعاية ما كيبغيش خبز الدار.

6/شد كلبك قبل ما يذوق خبز الناس.

7/سبعة ديال النسا والقربة يابسة .

8/اللي ما صابهاش فشلو النعاس حسنلو.

9/الغيوان فيا والشغل نكري عليه.

10/اللي غرسوها يديك يفرح لها قلبك .

11/سير عند المطلقة تسحر ليك.

12/ اللي معلق الحجاب بلا أجرة،بحال الليمعلق حجرة.

13/ الغابة كيحرقها عود منها.

14/ عزيز النفس يعطي ألحق ما يطلبو.

15/ درجة درجة حتى يحن مول الرجا.

16/ أقل ما فالزواج يعري .

17/ أحسن عون اللي قتل ،أما اللي تقتل دار علاش.

18/ ما قداوش اللي باتو عساك اللي جاو فالصباح.

19/ قلة النية فيا ولا فيك دابا يطول الزمان ويبان الخداع.

20/قد الكسوة قد اللي تسوى.

ام عبد العزيز
24-02-2010, 17:59
حتى انا بغيت نشارك
قالوا زمان
سيدي حرامي للا اكثر منو سيدي يحسب القديد وللا تقطع منو
سبع نسا والقربة يابسة
ربط حمارك مع الحمير يتعلم الشهيق والنهيق وخرجان الطريق
نخدم بشفاري وظفاري ولا نسعى بالدراري
الله ينعل كاس البلار اللي نشرب فيه لمرار
اللي ما عندو سعد وخا تسميه امو مسعود
مشات دجيب القزبور وجات حاملة بسبع شهور
ثلاثة من علامات الهبال المشيان للسوق بلا مال والمشيان البير بلا حبال والجلاس وسط الجماعة او مارادش البال
الحرام ما نبغيه او بلولو نسقي بيه
زيف صفية جيت نمسحيه فيه مسح فية
دخانها عماني وطعامها ما جاني
وجه الشارفة ما يخفى وخى تحكوا بالحلفا
بركا اليوم ولنا عودة باذن الله

ام يوسف11
25-02-2010, 13:17
- تلحفت بإزار وجبت لبلى الدار
- جالس على الزبالة ويحكم على الدبانة
- الحمار حماري والركوب من الخلف
- لولوش فوق الهدروش
- على دخول الحمام بحال خروجو
- قبتنا مزلقة وكلها معلقة
- لعض الحنش ايخاف من الحبل
دارنا ساترة عوارنا.

oum_yahya
25-02-2010, 13:24
ليدار الثقة فالناس يدير الثقة فالما فالغربال

ام عبد العزيز
25-02-2010, 13:57
ها انا رجعت
ضربة بلموس ولا مرات اللوس
ما كيسيل ديما غير القب المهتوك
كترت عطيني ما تخلي من يبغيني
طرف من النفخة تيعيش
الله ينجيك من المشتاق الى داق ومن البايرة الى ضربت الصداق
سيحت مت العريس بالخفة دخلت براني
اللي قال العرس ساهل يسقي لو غي ماه
الفقيه دحمان قرا البرا سبع ايام وقال الخط عيان
حج وزمزم وللبلا جا محزم
حماتي وجه الدلو هي حارة وولدها حلو
العمش في بلاد العميان سلطان
ولنا لقاء اخر باذن الله

takorkdante
25-02-2010, 15:37
دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا قي النخالة ينقبوه الدجاج

ام يوسف11
25-02-2010, 16:56
* اللي قالك لا تقولو و اللي سولك لا تعطيه خبار.

* معرفة الرجال كنوز.

* الفراق مبعوت بالحي او بالموت.

* يلى شفتيهم دورو علينا عرف حاجتهم فينا.

* اللي زرع الشوك تيحير فاحصادو.

* اطلع تاكل الباكور انزل شكون قالهالك.

* دوام الحال من المحال.

* حوتة كتخنز شواري.

* العمش فدار لعمى بعينيه.

* الحر بالغمزة و العبد بالدبزة.

* ما مور الشدة الا الفرج.

هبوبة
08-04-2010, 01:51
الي دار الدنب يستاهل العقوبة
الدار بالا ولاد بخال الخيمة بالا وتاد