المساعد الشخصي الرقمي

مشاهدة النسخة كاملة : الطبخ أسرار أدخلي لتفيدي و تستفيدي



الصفحات : [1] 2

ام الاميرة وصال
09-06-2009, 16:39
ثبت من طرف أم آدم 2007


اخواتي العزيزات والله يحز في نفسي منشاركش معاكم بوصفاتي بالصور لان الظروف ممساعدانيش داعاو معايا يفرج عليا الله باذن الله ودعاو معايا غادي نتهلا فيكم كيف ما نتوما مهلين فيا بهاد الموقع الرااااائع
وعندي اقتراح متردوني عليه
هو كل وحدة فينا متميزة فشي اكلة وتتجيها غزااالة وتتعجب كلشي تقول كيفاش تتعمل ليها وخا تكون غير البيض لانه كيف ما تتعرفو كل وحدة كفاش تتعمل الوصفة ديالها ولكن كاين التمسز والاسرار هاد الاسرار اجي نعتارفو بيهم ويكونو فميزان حسناتنا باذن الله.
وانا غادي نبدا ليكم
الى بغيتي تحمري الدجاجة وتحد ميعرفك كدرتيها وتجي حمممممرا وتتبري
ذهنيها بخليط فيه الزبدة .شوية عسل صفار بيضة .وردي علي

سلمىى
09-06-2009, 16:48
الله يعطيك الصحة على المعلومة ربي يخليك لينا وانا في الدجاج لمحمر في المرقة كندير غير بزاف ديال المعدنوس والقزبور مكندرش فيه البصل وكتجي لصوص ديالو واعرة وكهنيك بزاف على النصائح ديالك تارك الله عليك

حياة 75
09-06-2009, 16:51
تبارك الله عليك فكرة ممتازة
هادي فكرة ديال فلفة مقلية كاتجي مقلية وطايبة مزيان ومافيهاش نقطة وحدة كحلة كانزول لها الراس والزريعة ملي كانديرها تقلى كانغطيها وكانقليها على عافية مهييييلة السر هو ملي كاتغطى كترطاب من الفوق قبل ماتقلبيها

fifinette
09-06-2009, 16:59
الله يعطيك الصحة على المعلومة او كنتضروالمزيد

الخالة نجاة
09-06-2009, 17:06
انا كندير للدجاج
الملح ولبزار الزعفران
وسكين جبير والثومة والبصلة بزايد باش كيطيب
فالما ديال البصلة والربيع وشوية ديال السمن
وملي كيطيب كندهنو بالزبدة مخلطة مع الزعفران
وكندخلو شوية للفران يتحمر وطبعا المرقة فيها الزيتون وتكون واقفة
وبالصحة

khidmat din
09-06-2009, 17:43
lah i3tikom sa7a ana ba9a jdida fmtbekh nt3elem mnkom
de7ekounni
tbarklah 3likom

صفاء القلب 2000
09-06-2009, 17:46
وااااااااااااو فكرة زوينة هادي
انا كبدة مقطعة فيلي او ستيك مين نقليها باش تبقا مسرحة مزيان و ممعوجاش ندوزها اولا فالفورص نقليها عاد نعملها شوية ف صوص{زيت العود_ثوم_ربيع-عطرية}
تشحر شويا او تاخد بنة

brichida
09-06-2009, 17:52
Allah ye3tikom seha kameline
menine netfeker chi haja n9ouleha likom

ام الاميرة وصال
09-06-2009, 17:56
شكرا ليكم على التفاعل والنصائح :83:
وانا غادي نقول ليكم هاد المرة على اللحم الى كان قاسح مبغاش شكيتي فيه او مطابش مزيان
عملي معاه 2 او 3 عطم ديال التمر تلقايه ولا فتي بسرعة
اولا خمارة حمراء
وهدي غريبة شوية ولكن حتى هي تتفتيه اسبرو ديال الراس ** لحم ودوا ههههه:64:
ولكن 70 مشاهدة و 8 اللي سخات بالعلم ديالها مشي مشكل الله يهدينا تنتمنى منكن المزيد من التفاعل

noraliman
09-06-2009, 18:18
chokran akhti fikra mazyana

حياة 75
09-06-2009, 23:23
هادي نصيحة للمبتدات باش المرقة تجيهوم بنينة احسن حاجة هي الخضرة تكون طرية وملي ينصبو المرقة مايكثروش الما على حسب الخضرة باش مخضرين واش كاتشرب الما او كاتزيد طلق الما لان الى كترات الما خاصها تعاين حتى تختار المرقة وباش تختار المرقة كاتهرى الخضرة وكايفوت فيها الطياب وكاتجي باسلة
على حسب اشنو عاملين واش الدجاج ولى اللحم بالاضافة للعطرية ماتاخدش بزاف وطول عندها حتى تفقد النكهة لي فيها
نعطيكوم مثال بحال الكرعة فيها نسبة كبيرة ديال الما بالاضافة انها مكتاخدش وقت فالطياب لدا خاصنا نوضعو هاد الاعتبارات فراصنا واحنا كانصبو الطنجرة مانكثروش الما
والبصلة تاهي نفس الشيء
وكاينة خضرة لي كاتحتاج وقت فالطياب بحال الخرشوف
تفكرت واحد الحاجة الخرشوف عندو نكهة زوينة وكاين لي كايضيعها بكثرة العطرية بالنسبة للنصيب ديالو كايبغي اللحم وبصلة وحدة مشلظة ليبزار بيض ماشي لحكل والزعفران والحامض مسير لي كانضيفوه فالتالي كايجي روعة كايتواتى بزاف مع ليبزار الابيض وكاين لي كايقولو سكنجبير
سمحولي مكانعرفش نوصل مزيان كانتمنى تكون فهمتو قصدي
واهم حاجة ماتنساوش دكر الله وتسميو الله وطيبو من قلبكومههههههه يعني وانتما حابين طلعو احسن ماعندكوم للاسرة ديالكم وكولشي يكون بنين بادن الله وخا غير بصيلة وماطيشة

malak sahrawiya
10-06-2009, 11:41
سلام عليكم انا عضوة جديدة في هاد المنتدى اوهادي اول مشاركة ليا وخا انا ماشي حدقة بزاف ولكن بغيت نفيدكم كيما فدتوني
لمهيم الا طيبتي شي حاجة اخويتي فيها لقرعة ديال الملحة يعني جات مالحة قشري واحد لبطاطة وزيديها في الطنجرة او خاليها واحد ربع ستعة او نصف
راها كتمس هاديك الملحة
اتمنى اكون افدتكم

rajay
10-06-2009, 12:02
li bghate l cake dialha ytla3 maziane, match3al l farrane hta dakhal lou lcake dialha
wli bghate l cake dialha ykoune noir bezaf b chocolat khasseha mli dawab chocolat f hammam mariam tzid m3ah m3al9a dial lhlib f blasset m3al9a dial lma w tzid m3ahoum m3al9a dial l9ahwa mat7ouna :)

ام الاميرة وصال
10-06-2009, 12:56
اهلا اختي malak sahrawiya تنمنى انك تبقاي ديما معانا ;lومرحبا بيك وشكرا على النصيحة
واختي rajay شكرا بزاف هدي نصائح غزااالة ولكن تيقولو ان من اسرار الكيك انك تشعلي الفران هو الاول هاد الطريقة مجرباها احبيبة
وانا عندي ليكم نصيحة للكيك ايضا لبغيتيه يطلع مزيان طربي البياض بوحدو بحال التلج والصفار بوحدو وضيفيهم على المقادير الاخرى ونت تتحركي وترجعي ماشي تحركي دائريا باش يدخل الهوا وتجيك طالعة مزيان

صفاء القلب 2000
10-06-2009, 14:35
الانيقات السلام عليكم ياريت يتفاعلو الاخوات و يتبت الموضوع
بغيتي الكيكة تجيك متقبة من الداخل اوا ديري قبيصة الملح مع الدقيق

rajay
10-06-2009, 14:37
chokrane bezaf al okhet احب زوجي اعشقه:)
ana doukalia f l2asel walakine zyada f rabat :) w 3aycha fiha lahla ykhatik a hbiba :)
ghir ti9i bya ana f lawal kounet hta kansakhane l farane 3ad kandir l kika diali w wahed nhar jate sahebet mama w jabet wahed l kika tal3a bezaf w sawaltha w galt li 3lik b lfarrane bared fl7a9i9a falawal masada9etch walakine fach jarrabet cheft natija zwiina :)

ام الاميرة وصال
10-06-2009, 16:44
شكرا اختي rajay اكيد غادي نجربها الله يحفظك
اختي ام ادم شكرا على التتبيت ولكن فين المشاركة ديالك احنا تنتساناو اختي ربي يخليك

halawato.arroh
10-06-2009, 16:46
انا بغيت غير نشكرك على الموضوع
اكثر من رائع..على الاقل كل الاسرار يتجمعو ف موضوع واحد
شكرا للجميع وجزاكن الله خير الجزاء

rajay
10-06-2009, 17:40
hana jite 3awed na3tikoum wahed tari9a sahela
bach tnadfou lavabo dial lcousina ana cheftha f l mountada w jarabtha
f lil 9bal matna3ssou ghadyine tchadou lghassoul w tfazgouh b lma w tliw bih lavabo w khalliweh ynchaf laghada lih ghaslou lavabo men lghassoul w nadfouh bsaboune kaykhrej kaych3al b7ala ba9i jdid yallah rakabtih (kanhder 3la lavabo dial inox)

w sayidate li kay3aniw men ri7a dial lbassla wla l7oute li katb9a f lyadine ma3likoum ghir fach tssaliw men l cousina tghslou ydidatkoum w thoukoum chwya b l7amed w manba3ed ghaslouhoum ghadyine tla7dou k mab9atch ri7a dial l basla wla l7out
wla makanech l7amed NIVEA katnfa3 makatkhallich ri7a f lyidine :)

emanas04
10-06-2009, 18:15
الا بغيتي اجيك لمسمن هشيش اعجنيه بالحليب

ام محمد و اية
10-06-2009, 18:17
باش نتفادى القليان لانه غير صحي كنعمة السردين بالعطرية و الثوم و الربيع و كندهن اللاطة بالزبدة و ندخله الفران يتحمر من كل جانب و كيجي لذيذ بلا ما يكون مثقل بالزيت.

hamama.z
10-06-2009, 19:44
تبارك الله عالحادكات كلهم
شكرا عالنصائح الرائعة
انا غنقوليكم كيفاش تطلعليكم الكيكة ديال دانون منفوخة و بخمارة وحدة فقط
اولا تشعلي الفرن قبل يسخن مزيان
و تعملي الكيكة تطيب على عافية مجهدة ربع ساعة
و من بعد تنقصي العافية و تخليها تطيب 20د على عافية مهيييييييييييلة
كتطيب على خاطرها و كتنفخ مزيااااااااااااان و الي قلتله راني عاملة فيها خمارة وحدة مكيصدقش

hamama.z
10-06-2009, 19:46
الا بغيتي اجيك لمسمن هشيش اعجنيه بالحليب
هدي اول مرة نسمعها
ان شاء الله نجربه
شكرا على المعلومة;)

ام الاميرة وصال
10-06-2009, 21:02
شكرا الاخوات على التفاعل لهلا يحرمنا من بعض
الروز بالحليب بزاف تنعملوه فالعشاء وباش يبان مفركس هههه مني ترمي الروز رمي معاه الزبيب ومني تحطيه خلطي الكاوكاو مهرمش وشوية القرفة وسنيدة وزوقي بيها من الفوق هادي لعيبة من اختراعي الخاص تنتمنى تعجبكم

hamama.z
10-06-2009, 21:05
و الله الا روز مفركس
تبارك الله عليك الزين

حسناء الرودانية
10-06-2009, 21:07
بوركتِ حبيبتي
اللهم اجعل عملها كله في ميزان حسناتها

fatima zahra1
11-06-2009, 07:31
i3tik saha
fima rani ntfkar chi haja khti ranii nktbha lik oki

ام الاميرة وصال
11-06-2009, 07:47
ok حنا في انتظارك الله يعطيكم الصحة

ام معتز
11-06-2009, 09:26
السلام عليكم ورحمة الله وبركاته
مبرووووووك من الاعماق التثبيت والى الامام وبالتوفيق يارب ..الادبالك الجزر كبيى عليه الماء جامد وخليه شوية عاد صفيه...

أم توأم
11-06-2009, 11:29
بارك الله فيك فكرة رائعةهكدا كلشي نستافدو٠المهم باش نتفادو رائحة شفلورفالدار من نفوره نرش عليه ملعقة صغيرة ديال كمون مطحون من يكون يتفور

ام الاميرة وصال
11-06-2009, 12:44
الله يبارك فيك ام معتز ويحفظك ام التوام ونضيف ليك باش ريحة الشفلور متبقاش مجهدة نعملوه فالماء مدة قبل ما نستعملوه ونضيفو لهاد الماء لبابة ديال الخبز

oumlaila
11-06-2009, 15:29
شكرا على الافكار المفيدة.
اضيفي الى اصفر البيض قليل من الخل وخلطي ثم ادهني به الحلوى او الكروص فالخل يزيل زفرة البيض

tuliperouge
11-06-2009, 15:42
السلام عليكم ورحمة الله وبركاته
مشكوووووور والله يعطيك الف عافيه

FADMA64
11-06-2009, 22:54
Cokran likom
ana mnich hadga
o bagha nt3lem
tbarklah 3likom

ام المتقين
12-06-2009, 01:36
السلام عليكم ورحمة الله تعالى وبركاته
بالنسبة للدونات ملي تعمليهم يتقلاو خاصك تحطيهم فالزيت غليانة وكي تحطيهم بداي تقلبيهم يعني يدك مايوقفش عن القلاب ديالم واخا باقين ما تحمرو هادا هو السر باش تيجيو منفوشين من داخل ومحمرين من كل الجهات

نورة أم آدم
12-06-2009, 05:52
بسم الله الرحمن الرحيم السلام عليكم ورحمة الله وبركاته
مني تنبغي نطيب الدجاج محمر و يجيني الجلد ديالو ما مقطعش و محمر فحال ديال لعراس نشرملو بليلة قبل الطياب شرمولة مثلا إلا استعملت نصف ملعقة بزار تنضيف ملعقة كاملة ديال سكين جبير و تنضيف أيضا شوية ديال الزعفران الحر شعرة تنسخنو ونفركو بين إيدي و نضيفو على التوابل و الربيع و الثومة و السمن و أيضا لب الحامض المصير تنطحنو و نضيفو و ما تنديرش الملحة بل تنستعمل ماء الترقاد ديال الحامض المصير حيت تايكون مالح بزاف و تنفرك بكل هاد العناصر الدجاج و تنحاول ندخلهم ما بين اللحم و الجلد و ندخلو الرجيلات ديال الدجاج في ثقب خاصنا نعملوه من البطن مني نكونو تنظفو فيه أو فقط نربطو الرجيلات بخيط و توضع الدجاج فشي إناء و تنخليه مرقد فالشرمولة ليلة كاملة في الثلاجة بعد ما تنغطيه بالبلاستيك الغذائي و في الغد تنشنف البصل شوية بزايد حيت حتى أنا من عشاق الدغميرة و الكبدة ديال الدجاج تنطحنها و نضيفها حتى هي تاتعطي واحد اللذة ممتازة و نحطهم فطنجرة عادية و نضيف كمية كافية من الماء شوية بزايد المهم حتى يتغطاو و نصب هداك الشي لي بقى لي من الشرمولة ديال الدجاج و ملي تغلى الطنجرة تنقص النار و نخليها تطيب فالماء و البصل فحال إلا تتصلق هههه عرفتي علاش ماتنقليهاش حيت تاتكون شربات الشرمولة ديالها مزيان و أيضا باش نحافض على الجلد ديالها لي هو حاجة مهمة جدا للدجاج محمر لأنه مني تانقليه تيلصق لي الجلد في قاع الطنجرة وتايتقطع. المهم نخليوها تطيب واحد نصف ساعة بلا ما نغطيو عليها الطنجرة باش ما يتطرطقش لينا الدجاج و مني تانتأكد أنه طاب تانهزو بشوية و نسقطرو من المرق و ندهنو بشوية الزبدة و السمن و ندخلو الفران مسخن على أعلى درجة حرارة باش يتحمر غير الجلد و ما يبسش لي الدجاج من الداخل و فهاد الأثناء تانجهد النار على المرق و نضيف القدر الكافي من زيت الزيتون تانكون غليت شوية الزيتون في الماء تانصفيه و نضيف عليه شوية من مرق الدجاج و نغليه فيه شوية تاني و نضيف الحامض المصير و نخليهم مع بعض شي خمس دقائق تقريبا صافي نبقاو نحركو فمرق الدجاج بملعقة خشبية فوق نار مجهدة حتى كاتوقف الدغميرة ديالنا و تبان لينا الزويتة بوضوح ونصبو الدغميرة في طبق التقديم و نوضعو فوقها الدجاج و نزينوه بالحاض مصير على شكل x و نوزعو الزيتون فوق الدغميرة حول الدجاج و تنقدمو مرفوق بالبطاطس مقلية أو الشيفلور مصلوق و مشرمل و مقلي بالبيض أو المعقودة أنا و اللي قسم الله و السلطات بطبيعة الحال و اللي ذاقو فعلا تايحماق عليه.

ام الاميرة وصال
12-06-2009, 08:08
لهلا يحرمني منكم الاخوات كلهم وشكرا ام المتقين وام ادم على تشريفكم لموضوعي ونصائحكم راها فنة بحالكم واكيد فوق ما طيبت الدجاج غادي نتفكرك والدونات حتى يانا تنعمل لم هاكا تنقلبهم من الحطة الاولى فالزيت وتيجيو منفوخين وغزالين لهلا يخطيكم
اللي تتبغي البريوات والبسطسلة ومتتعرفش لورقة تعمل عجينة عادية فحال ديال المسمن وتعملخا كويرات صغاااار وتورقيهم مزياااااااااااااااان حتى تولي تبان ليك القصرية وتعمليهم على عافية كيف تحطيها تقلبيها وتهزيها من المقلة وتذهنيها بالزيت او زبدة باش متيبسش وتعملي بيها بريواتك اولا بسطسلة تتجي غزاااالة وانا دايما تنجربها

fitoo
13-06-2009, 08:58
الكبدة مقلية
كتقلي الكبدة عادي في زيت بلا ملحة بلا عطرية وتقليهاش بزاف حتى تيبس
وجدي شرمولة في إناء الثوم مهروس، المعدنوس، حصير الحامض، الكمون، إبزار، تحميرة، ملح كبيهم على الكبدة لي فوق النار وحركيهم وطفي نار مباشرة، وخلي شرمولة والكبدة مرقدين غير سخونية ديال المقلة تكفي باش تدبل الشرملة
لي كلاها عندي كيسولني على الوصفة

ام الاميرة وصال
13-06-2009, 12:23
الله يعطيك الصحة باينة غزالة ولكن تقليها فزيت كتير او قليل

أم أيمن1
13-06-2009, 21:07
الله يعطيكم الصحة كلكم
تبارك الله عليكم حادكات
صراحة حتى انا الدجاج محمر كايجيني ممتاز
و كيفما قالت اختي ام ادم 2007 تانبيتو مشرمل و فصباح تانصبو بنفس الطريقة الماء و البصل
و و تانبدا نتقب فالدجاج من بعد ما سخن بقطيب ديال الحديد لي تانستعملو لبولفاف
و تايبقى يخرج منو الماء و هاد العملية مهمة باش يجي ناشف و زوين و من بعد كانضيف الزيت ونخليه يطيب على نار مهيلة
ملي يطيب نحيدو من الطنجرة و نحمرو يا اما فالفرن او فالزيت
و نخلي المرق يتلبى مزيان
و ايلا لاحظت ان البصل باقي كيبان بزاف و منظره مازوينش تانصفي المرق بصفاية كبيرة وانا تانضغط على البصل بملعقة خشبية
حتى كاتدوب كلها و كاتكون المرقة ثقيلة و ممتازة و مابايناش فيها البصلة
نتمنى نكون فدتكم و اكيد غادي نرجع للموضوع
شكرا لك اختي على الفكرة الممتازة جعلها الله في ميزن حسناتك

ام الاميرة وصال
13-06-2009, 22:05
ام ادم الله يحفطك اختي هادي فكرة مزيانة للتخلص من البصلة باينة لهلا يحرمنا منك

عزتي في ديني
13-06-2009, 22:12
تبارك الله عليك اختي
السردين لبغيتي تحيدي ليه الجلدة ديالو بسهولة
غسليه من الزوائد وديريه على الحاشية ديال الشبكة يتسقطر ملي ينشف
بداي تسلخي في باباه راه بسهولة تتحيد

ام الاميرة وصال
13-06-2009, 22:16
الله يحفظك افاطمة الزهراء فكرتيني فالسردين الى بغيتي الدخان ديلو يقل مني تكوني تتقلي فيه والريحة عملي قشرة ديال الحامض معاه فالمقلة وسر البنة ديالو هو متكتريش فيه القوام اللهم عملي معاه غبر الحامض والملح شوية والكمون تيجي غزال

السيدة كريمة
14-06-2009, 13:53
شكرا على هاذ الفكرة وانا راح نشارك معاكم بهذه الفكرة
اذا كان عندك اللحم كبير او شارف كيما نقولو في الجزائر وخفتي ماتوجديش الغدا ولا العشا في وقته وبالخصوص اذا كانو عندك ضياف ماعليك سوى انك تحطي داخل المرقة ملعقة نتاع اينوكس واحتشوفي النتيجة رغم انها تظهر غريبة

saida12
14-06-2009, 15:17
السلام عليكم ورحمة الله وبركاته

مشكوووووور والله يعطيك الف عافيه


انا اذا اردت نحمر الدجاج تنذهنو بالزبدة +زعقوان الحر+كنور

صفاء القلب 2000
14-06-2009, 15:56
الحوت باش يجيك ناشف او يتنفخ مين يتقلى و حتى زيت القلي تتبقى نقية بعد ما ترقد فشرمولتو عمليه ف الطحين او خليه مدة نصف ساعة او اكتر عاد قليه ف زيت سخونة
انا حتى نجمع روينت كوزينتي و نوجد شلايضي عاد نقليه

ام امين 2009
14-06-2009, 16:24
chokran likooom kamlin nasay7 momtaza

أم أيمن1
14-06-2009, 20:58
شكرا لكن اخواتي على النصائح المفيدة خصوصا المتعلقة بالحوت
ان شاء الله نطبق كل النصائح و الافكار

بالنسبة للمسمن ديالي انا تانعجنو
بالدقيق القمح و الفورص و القمح هو لي كثير
و تانضيف مع الخليط شوية الزبدة صحيحة و سنيدة و الخميرة و الملح و ساشي فاني
و تانعجنو مزيان بالماء الدافئ و نورقو بالزبدة دايبة مخلطة مع خمارة حمراء و السميدة الرقيقة او الدقيق القمح
تايجي غزال و مورق و محمر
هدي نصيحة من ام ايمن1

أم أيمن1
14-06-2009, 21:01
اه نسيت
ايلا كنت كاتقلي الحوت و بقات لك الريحة فالدار
خودي كاسرولة و ديري فيها نصف حامضة و شوية نعناع و قليل من الماء و خليهم فوق البوطة يطبخو مزيان
و ماغاديش تبقا ريحة الحوت مخنزة الدار

omjamil
15-06-2009, 04:21
السلام عليكم و رحمة الله و بركاته

- الا كنتي زربانة و بغيتي العجينة تخمر بالزربة ديريها في كيس بلاستيك , راها تتخمر بالزربة مقارنة مع الى غطيتيها بزيف
- باش الدنجال ما يشربش الزيت اثناء القلي , قبل ما تقليه رشي عليه الملح و حطيه في الشمش شوية و عاد قليه
- الى تحرق لك الطياب , قلبيه فيه طنجرة اخرى و حطي فيه طرف ديال الخبز , راه تيمص مذاق الحراق و ريحته
- باش تتخلصي من ريحة الشوفلور في الطياب قبل ما تمرقي به صلقيه نص صلقة بوحدو في الماء و زيدي عليهم طرف ديال الخبز , او زيدي شوية الخل, او معلقة ديال الكمون , راه الريحة تمشي
- الا عندك بزاف ديال الحامض و بغيتيه يبقى لك مدة طويلة , شدي كل حامضة و لفيها في ورق ديال الجورنال مزيان و حطيها في التلاجة
- الا شي مرة درتي شي مرقة فيها الزيت بزاف و بغيتي تتخلصي من الزيت الزايد حطي في المرقة طرف ديال الخبز راه غادي يمتص الزيت الزايدة
او حطيها في فريكو حتى تجمد عاد تخلصي من الطبقة الاولى للي تكونت الفوق هاديك هي الزيوتات تجمعت الفوق

ام الاميرة وصال
15-06-2009, 07:51
لا ادري كيف اوصفكم عزيزاتي تبارك الله عليكم واحس ان الاستفادة بدات تعم كل اسرتنا الانيقة دابا الصباح باقا مدوخة ههههه تانتفكر شيحاجة مني نفيق ونقولها لكم

samar85
15-06-2009, 08:55
sbah alkhir okhti tbarkalah 3lik rani tanastana anasa2ih dyalak

ام ضحى بدر
15-06-2009, 10:05
السلام عليكم باش تيجي الفلن زوين بزاف 2\1 لتر حليب+4\1 لتر سيروبارد= الماء+سكر على نار حتى يعقد +الفلان+ملعقة كبيرة نشا نخلطو كلشي مزيان ويوضع على نار مع التحراك حتى يغلى كنديرو فزلافات منها كيجي بنين او حتى الكمية كبيرة

ساجدة لله
15-06-2009, 11:30
فكرة زوينة

أم خالد 55
15-06-2009, 11:46
أسميت الخرشوف بالخليجي

ام الاميرة وصال
15-06-2009, 13:44
وقيلة اختي اسميتو ارض شوكي هو الخرشوف

ام الاميرة وصال
15-06-2009, 13:47
السلام عليكم باش تيجي الفلن زوين بزاف 2\1 لتر حليب+4\1 لتر سيروبارد= الماء+سكر على نار حتى يعقد +الفلان+ملعقة كبيرة نشا نخلطو كلشي مزيان ويوضع على نار مع التحراك حتى يغلى كنديرو فزلافات منها كيجي بنين او حتى الكمية كبيرة


شكرا عزيزتي لكن ارجو توضحي شوية مفهمتش مزيان :82:

ام الاميرة وصال
15-06-2009, 13:51
سلاطة العدس تتجيني غزالة بزاف اللي داقو عندنا تيعجبو والسر ساااااهل تنصب كلشي فمرة 2 او 3 مطيشة محكوكة على حساب القدر - بصيلة صغيرة محكوكة - بزار فلفل -سكنجبير -تحميرة -تصفيرة -كمون -وتومة وقزبر ومعدنوس وتنسد الى كنت عاملة اللحم تخلي العدس تال الاخير والى كان غير شلاضة رميه العدس وسر البنة مني تيطيب تنخوي عليه نص كاس صغييير ديال زيت العود تيطلع بنيييين

halawato.arroh
15-06-2009, 15:25
السلام عليكم باش تيجي الفلن زوين بزاف 2\1 لتر حليب+4\1 لتر سيروبارد= الماء+سكر على نار حتى يعقد +الفلان+ملعقة كبيرة نشا نخلطو كلشي مزيان ويوضع على نار مع التحراك حتى يغلى كنديرو فزلافات منها كيجي بنين او حتى الكمية كبيرة


فكرة تحفة..ان شاء الله نجربها
جزاك الله كل الخير

ام ضحى بدر
15-06-2009, 15:36
الطريقة العادية باش كتصوبي الفلان غير تنحيدو السكر او تنزيدو السيرو بالطبع فهو حلو و ملعقة النشا باش يعقاد او حتى المذاق تيجي غرال بزاف غير جربيها

أم هبة وإلياس
15-06-2009, 15:49
واحد السلام عليكم المهم شدوا من عندي وحد الوصفة راها كتهبل وراجلي ولا دائما تيطلبها ليا ندمت علاش طيبتها لبه ههههههههههه
بالنسبة للحوت كفتة خدي واحد كيلو حوت سردين نقيه من الشوك وزولي ليه الجلدة وخوي عليه الخل تركيه ختى يتبقطر وطحنيه وضبفي عليه العطرية ديالة انا كنشريها مجموعة السر في لصوص خكي مطيشة اضيفي كاس نصف زيت العود ونصف الاخر زيت المائدة +شوية حبات قرنفل ورقة سيدنا موسى ملح ملقعة مطيشة مصبر شوية لبزار كاس الماء كبيبر وخليهم يطيبوا وردي عليا الخبار

ام الاميرة وصال
15-06-2009, 16:08
غادي نجربها شكرا على مشاركتك

عزتي في ديني
15-06-2009, 22:12
اختي باش تستافدي من الربيع ومتجمديهش
ديري بحالي كنشد القزبر والمعدنوس
ونقيهم وكنخد القياس لي يقدني نجمعهم مع بعض يعني نكون حزيمة صغيرة
وتعمليهم في بلاستيكة وتحتافضي بيهم في التلاجة وقت لي بغيتي جبدي حزمة
وكيصبر سيمانة

samar85
16-06-2009, 08:52
lhadgat tbarkalah a3likoum bghit nsawalkoum 3lach taykharjo downat t9al o3amrin machi hchach okhfaf 3afakoum jawboni

وردة وردية
16-06-2009, 11:18
سر كيكتي تنضيف للمقادير ربع كأس عنبة ماء سخون بزاف
تيخليها تطلع وتتكون مفشفشة

ام المتقين
16-06-2009, 12:31
okhti samar ana kanaamal donat kayjiw hchach w khfaafff yamkan kad3amli ajin qasah??

samar85
16-06-2009, 12:31
شكرا أختي ولكين انا سولت على الدونات منتن تنقليهم تيخرجو تقال وفيهوم لعجينة الداخل مشي خفاف مخاويين

ام الاميرة وصال
16-06-2009, 12:39
حبيبة الدونات دلكيهم مزيان وخليهم يخمرو مزيااااان ومتعمليهم فالتكراص غلاض والى سمحتي قولي لينا طريقتك بالتفصيل باش نعرفو فين الخطا :74:
ok samar

om adam1
16-06-2009, 19:59
تبارك لله عليك أختي موضوع رائع إن شاء لله كل لأخوات يستافدو

om adam1
16-06-2009, 20:01
أنا من تانحمير الدجاج تاندهنوو بالزبدة أو السمن مخلط معا التحميرة و إلى لفرن تيجي زوين في المنظر

samar85
17-06-2009, 10:07
choukran aokhti la3ziza احب زوجي اعشقه 3la arad adyalak

ام الاميرة وصال
17-06-2009, 16:09
عملت كيكة وعملت طريقة وردة وردية ديال الماء سخون بالحق انا يسحابلي كاس ماء سخون ولكن جات غزاااااااااااااااالة ومفشفشة كيف ما قالت وحتى طريقة rajay مشعلت الفران تادخلتهالو جات طالعة وفنة بالحق طابت فوقت اقل من العادي تكانت غادي تحرق ردو بالكم الى بيت تجربو والاختين الله يعطيهم الصحة

fatine8
19-06-2009, 00:10
many thanks

ام شموسة
19-06-2009, 01:33
الله يعطيكم الصحة انا غير وجدو ونا انساعدكم في الاكل باش ميضيعش واخة هههههههههههههههههههههه

ام شموسة
19-06-2009, 01:40
ايوا احشومة ندخل بلا من ساعد

لما اطيبي الكسكس بطيب المرقة ديالو قبل مطحطيه بشي ربع ساعة ضفي شوي الكمون معلقة صغيرة راها كتبنن الكسكسو هدى الطريقة وراتها لي واحد الصحراوية ايوا نتمنى انكون تانا اعطيت شي معلومة والى المرة المقبلة

ام شموسة
19-06-2009, 01:43
سلاطة العدس تتجيني غزالة بزاف اللي داقو عندنا تيعجبو والسر ساااااهل تنصب كلشي فمرة 2 او 3 مطيشة محكوكة على حساب القدر - بصيلة صغيرة محكوكة - بزار فلفل -سكنجبير -تحميرة -تصفيرة -كمون -وتومة وقزبر ومعدنوس وتنسد الى كنت عاملة اللحم تخلي العدس تال الاخير والى كان غير شلاضة رميه العدس وسر البنة مني تيطيب تنخوي عليه نص كاس صغييير ديال زيت العود تيطلع بنيييين


تبارك الله عليك ولازديه خيزو مقطع خلاص الفن والمذاق ايوا جربي وردي لخبار

ام شموسة
19-06-2009, 01:49
السلام عليكم الا بغيتو اطيبو البني الغير المثقوب بحال الخبيزات في الزيت ويجي زوين بحال عند مول الشفنج بيترمي الخبيزة في الزيت بقاي تسقيها من الفوق بالزيت من المقلة نفسها بالمعلقة باش اتجي منفوخة وخاوية من داخل

ام شموسة
19-06-2009, 02:01
لما اطيبي الباسطا او ليباط متزيديش الزيت في ليباط غير الماء طايب والملح باش بيطيب تشرب لاصوص مزيان لان الزيت تغطي سطح الباسطا متخليهاش تشرب لاصوص

سلمىى
19-06-2009, 02:27
هادي فكرة للمبتدءات ملي تبغي طيبي دجاج محمر وكيخرجو الرجلين ديال الدجاجة من بلاسطهم او كتقطع ليك ديك البلاصة فى الاول الا غسلتي الدجاج وتقطر عقديه بشرائط من الميكا بيضاء ديال الكوزينة من الرجلين عاد شرمليه وطيبيه مع ديك الميكا ودخليه الفران وهيا مزال معقودة في الرجلين راه مكتحرق ومكيطرا ليها والوهكا كتبقى ليك الدجاجة زوينة مافيها حتى عيب

yasmine22
19-06-2009, 02:51
mawdo3 raii3 مشكوووووور والله يعطيك الف عافيه

سلمىى
19-06-2009, 02:54
عندي معلومة اخرى يلاه تفكرتها دبا فهاد الصيف ملي تنشرو البنان دغيا كيخصر انا كنديرو في ورق الجرائد يعني جرنال كنلفو مزيان حتى مكيبان فيه والو وكنحطو في الثلاجة ووقت المكلة كنخرجو وناخد فيه داكشي لي بغيت ونعاود نغلفو مزيان ونردو كيبقى البنان مزيان مدة طويلة مكيخصرش حتى الا كحالت القشرة ديالو الداخل كيبقى جديد مفيهش ولا طبعة

issraa
19-06-2009, 03:17
موضوع غزال بزاف وحتى انا زعما درت راسي كنعرف في الكوزينة
المهم نصيحتي هي الا بغيتي العدس منين تطيبه ميتفسخ من جلد ديالوا رقديه في الماء ليلة كاملة قبل ما طيبه بحالو بحال اللوبيا
ولا بغيتي الفريت مايشرب الزيت قطعيه وخوي عليه الماء طيب + الخل وخليه فيه حتى تبغي تقليه شي نصف ساعة
ولا بغيتي تعرفي البيض واش صالح اولا لا دريه في ابانوي فيه الماء والي طلعت فوق الماء هي الي خاصرة
الا تخرقت ليك الكوكوك وخويتها ولصق عليها الحراق بزاف ديري فها جفيل ودريها فوق البوطا وخليها تغلا وغادي تشوفي بعينك شنو غادي يطرا
كنتما نكون فدكم وخا غير شوية بما نتفكر شيحاجة اخرى نكتبها ليكم

أم أيمن1
19-06-2009, 15:25
هادي فكرة للمبتدءات ملي تبغي طيبي دجاج محمر وكيخرجو الرجلين ديال الدجاجة من بلاسطهم او كتقطع ليك ديك البلاصة فى الاول الا غسلتي الدجاج وتقطر عقديه بشرائط من الميكا بيضاء ديال الكوزينة من الرجلين عاد شرمليه وطيبيه مع ديك الميكا ودخليه الفران وهيا مزال معقودة في الرجلين راه مكتحرق ومكيطرا ليها والوهكا كتبقى ليك الدجاجة زوينة مافيها حتى عيب

شكرا اختي على النصيحة
و لكن من الافضل نعقدوه بخيط
الخيط حسن من الميكة

ღحنـــــــــــــينღ
19-06-2009, 22:13
فكرة جيدة اختي
ساساهم بهده المعلومات :



في الحلويات عموما نصف مقدار البيض يساوي مقدار الخميزه الكيماوية
اي متلا في وصفة عندك 6 بيضات اتديري معها 3 خمارات حمراء

http://57.img.v4.skyrock.net/57f/kedlamerdeuh/pics/340939060.jpg

البطاصس فاش تقطعيها عل شكل فريت ديريها في ماء دافئ بها خميرة حمراء بضع دقائق قبل ماتقليها ومن بعد صفيها وقليها كاتجي بحال ديال ماكدونالد .
http://tbn0.google.com/images?q=tbn:5mYYqkt1V0Pj-M:http://www.ec-hopital-strasbourg.ac-strasbourg.fr/pageperso/alexandre/poulet.jpg (http://www.ec-hopital-strasbourg.ac-strasbourg.fr/pageperso/alexandre/poulet.jpg)



االدجاج فاش
تشريه جديد غسليه بالحامض والالملح والمعلومة الاضافية هيا الدقيق الفورص خلطيه مع الملح وبقاي تحكيه باش تزول ليه الريش
:84:
نهائيا وتم غسليه وحكيه بالحامض والملح وغسليه وهاهو جاهز للاستعمال

http://atable.a.t.pic.centerblog.net/vftq0cpd.jpg (http://atable.a.t.pic.centerblog.net/vftq0cpd.jpg)

فاش تبغي تحمري الدجاج دهنيه بالموتارد ودخليه للفرن يتحمركايجي لونه دهبي ومداقه رائع.

http://3.bp.blogspot.com/_eIejT_fOQPY/SNpOuEoiY5I/AAAAAAAAGb8/Uzk5AF_g1Sk/s400/Ma_soupe_poulet_et_nouilles.JPG (http://3.bp.blogspot.com/_eIejT_fOQPY/SNpOuEoiY5I/AAAAAAAAGb8/Uzk5AF_g1Sk/s1600-h/Ma_soupe_poulet_et_nouilles.JPG)


فاش تبغي تستعملي شوربة الشعرية
كاتدهني الشعرية وتفوريها تم كاتضيفيها عل المرق حتا تطيب هاكدا كاتبقا صحيحة وماكاتعجنشاي.



اللوبيا الخضراء باش تبقاليك في لونها الاخضر
كاتسلقيها في ماء+ملح وتصفيها وتحطيها في اناء به ماء بارددد تم تصفيها هاكدا كاتحافض عل لونها الاخضر الطبيعي.

http://casseroles2nawal.canalblog.com/albums/blog_appetit_edition___2_____agneau_aux_petits_poi s_en_sauce____/m-Blog_app_tit_II_2.jpg
الجلبانة باش تحافضت عليها مدة طويلة في الكونجيلاتور
نقيها رشي عليها قطرات خل ودهنيها بها تم ديريها في بلاستيكا ودخليها للمجمد غادي تبقاليك مدة طيلة وماغاديش تخسر.


http://www.megamart.cc/images/5-15-766.jpg
الا عندك شوايا كهربائية وبغيتي تشوي فيها الكباب شدي نضف حامضة زولي ليها اللب وحطي وسطها طرف فاخر وكبي عليه شويا ديال الزيت وردي عليها غطاء الرجاج هكدا غادي يجي بحال الا شويتيه في الفاخر .




الا بغيتي تعرفي الكيك واش طابت ليك من الداخل شدي موس ودخليه في الكيكة وقسيه الا نشف راه طابت اما الا مازال فازك راه مازال خاصها الطياب
http://tbn3.google.com/images?q=tbn:bgMbuc2VnbMknM:http://recette.supertoinette.com/22261/thumb/800/-/cake-a-l-ananas-22261.jpg (http://recette.supertoinette.com/22261/thumb/800/-/cake-a-l-ananas-22261.jpg)


اما الا تحمرات ليك ومازال الداخل ماطابش غطيها بورق الومنيوم وهكدا اعودي يطيب الداخل ديال الكيك

متمنياتي لكم بدوام الصحة والعافية
حتا نتفكر ونفيدكوم ان شاء الله :84:

ام الاميرة وصال
19-06-2009, 23:20
تبارك الله عليك والله عجبوني بزاف النصائح ديالك والطريقة المتولة في العرض

nour alfirdaws
20-06-2009, 00:10
اوا كلشي يحط حنت اديه حتى ليا انا نبدى الى طيبت شي مرقة ابان ليك زيت تعزل على لصوص كتقشري واحد بطاطا اتحكيها فحكاكة رقيقة اتخليها تبخ مزيان . اما بالنسبة لكسكس حتى طيب لخضرة زدي علها طرف ديال لقرعة لحمرا محكوكة ا مطيشة محكوكة حتى هي

ام المتقين
20-06-2009, 11:18
ايلا طيبتي شي مرة ولقيتي طيابك ماااالح ماعليك غير تقشري بصلة ولوحيها فالمرقة.
ايلا بغيتي طيبي البيض فالماء ...لي كتجي بحال جيب.... عملي ميكة نايلون لي كنغطيو بها الطباسل..فالطاسة وكسري فيها البيضة وجمعيها من جناب ولويها وعمليها فالما سخون فوق العافية حتى طيب وملي تحطيها فالطبسيل زولي الميكا

ام محمد الصديق
20-06-2009, 17:00
تبارك الله عليكم

mounia maaroufi
27-06-2009, 11:12
موضوع رائع افيد واستفيد باش كيجيني الدجاج محمر مزيان كندرليه الزبدة مع الموطارد

om nawaf
27-06-2009, 16:49
موضوع رائع أختي جزاك الله خير
اتذا بغيتي الحمص يطيب دغيان و يجي لذلذ بزاف
ملي تنقعوا في الماء خليه 2 ساعات فقط مع ملعقة صغير أو نص ملعقة من بيكن بودر " الخمارة"
و من بعد 2 ساعات غسلو صفيه و بدلوا الماء بماء آخر و لا تحطي معه بيكن بودر في المرة الثانية
و لغدا استعمليه عاذي بعد ما تغسلوا كيجي لذيذ بزاف و بسرعة كيطيب

بالنسبة للدجاج أو اللحم اذاا اطبختيه سواء بوحدهم أو مع الخضار
ملي يطيبوا و قبل ما تطفي النار ب5 دقايق ضف له ثمن راس ملعقة صغير كمون كيعطي نكهة غزالة
و ملع أكل زيت بلدية""""" و تعصيرة ديال نص حامضة بشرط منتكونش عملتي الليمون مصير""
و خليه الطنجرة على النار عالية حتى ينقص الرق
و بصحتكم و رحتكم جربوا الطريقة و ردوا علي

نورة أم آدم
27-06-2009, 17:53
بسم الله الرحمن الرحيم السلام عليكم ورحمة الله وبركاته
إلا اكتشفتي فآخر لحظة أن الكرعة الحمراء اللي شريتي باش تخضري بها الكسكس طلعت باسلة / ماشي حلوة:
صلقيها نصف صلقة فماء مغلي مع شوية السكر حسب الكمية ديال الكرعة اللي عندك صفيها و ضيفيها لمرق الكسكس فالأخير كالعادة حتى تطيب و سقي و خضري بها

fifi25
01-07-2009, 10:51
نصائح قيمة مشكوووووووووووووووووورات حبيباتي

بستان ورود
01-07-2009, 12:38
مشكورين يا حلوات أو عفوا يا حدكات ، ملي نتفكر شي حاجة زوينة نكولها ليكم ، تبارك الله عليكم

ام ليلى وسلمى
03-07-2009, 16:58
تبراك الله عليك هادي فيكره زوينة انا دجاج مين كنبغي نحمرو كندهنو بزبدة ولموطارد وكيجي الدييد تيحمق

ikrtouil
03-07-2009, 19:02
اود ان اشارك بوصفة جد لذيذة نأخذ فلييه ديال بيبي ونذهنه جيدا بشرمولة ديال الحوت التي تتكون من القسبور الثوم الفلفل الاحمر الكمون عصير الحامض او الخل الملح نترك الفيليه حتي يشرب الشرمولة بعدها نقليه في الزيت الساخن اتمنى ان تروقكم هذه الوصفة .

jowaryiya
05-07-2009, 23:25
chokran bzzaf a7biba

نائلة
06-07-2009, 19:05
تبارك الله عليكم كاملين موضوع زوين بزاف
يلا سمحتو لي نشارك ببعض النصائح
بالنسبة للكرعة قبل مانخضرو بها او نديروها فالكسكس نغسلوها ونقطعوها على الشكل المرغوب فيه ونرشو عليها شوية دالملح و لالبزار و نخلوها شوية
وعلى دكر الكسكس ملي يطيب و نبغيو نسقيوه نهزو غالمرقة بوحدها بالمغرف ونوزعها على الكسكس كامل عاد نديرو اللحم و الخضر لالن شحال من مرة كيجيو الجوانب ناشفين
نتمنى نكون افدتكم

نائلة
06-07-2009, 19:23
بالنسبة للدجاج نصحتني واحد الطباخة الله يجازيها بخيرفبداية زواجي . منين نبغيو نديروه محمر كنشرملوه مزين بالتومة مدقوقة و الملح وسكين جبير و الزعفران وغير شوية الابزار و يلا كان ابيض احسن ونحكو الحامض مصير ونضيف شوية السمن وزيت المائدة و نحكو بصلة صغيرة و نردوه يطيب وناخدو شكوكوط وحداخرى و نقطعو فيها البصلة بزايد و نخويو عليه نصف كاس ديال الماء ونسدو الكوكوط و نردوها حتى طيب البصلة
منين يطيب الدجاج نزولوه من الطنجرة ونخليوه ينشف و ندهنوه بالزبدة و لاموطارد و نحمروه فالفران .نخويو البصلة لطابت على المرقة لطاب فيها الدجاج ونخلوها ختى تتحمر مزيان مع التحيك المستمر و المراقبة تم نضيف فالاخير شوية القرفة مدقوقة اختيارية .هادي هي الطريقة الفاسية المحضة
وبالصحة و الراحة

ام الاميرة وصال
07-07-2009, 14:12
تبارك الله عليكم عمت الفائدة الحمد لله

fatima78
16-07-2009, 20:36
مشكورة اختي على هدا الموضوع الرائع بالنسبة للدجاج يلى بغيت نطيبو مقطع كناخد قطع الدجاج بعدما تغسل مزيان كنخليه يتسقطر وكناخد الطنجرة ديالي كندير فيها القزبر والمعدنوس مقطعين رقاق ثم نحك عليهم 2فصيصات الثوم ونضيف ليهم الابزار سكينجبير الخرقوم الملح ونخلط الكل وناخد قطع الدجاج الصدر مقطع على2 والفخيدات ونعمل فيهم فتحات ونعمرهم بالشرمولة لي وجدنا ونشلظو عليهم بصلة ونعملو معاهم الحامض المصير ونخليوهم على النار يتقلاو مزيان من بعد نضيف الزيت عاد نمرق بشوية الماء ونسد عليهم حتى يطيبو صدقوني كيجي لديد بزاف

korwaki
18-07-2009, 22:19
اختي ام ضحى بدر شحال كمية ديال الماء اللي كديري مع هاد المقادير و حتى الفلان شحال كديري؟

om haroune
28-07-2009, 20:26
شوووووووكرا بزاف لصاحبة الفكرة الله يجعلها في ميزان حسناتك وشوووووكرا لاختي ام ضحى على الفلان جربت رااااااااااااائع بارك الله فيك اما عن تجاربي اختكم زرقة وخصوصا في الطبخ

ام الاميرة وصال
29-07-2009, 19:03
هههههههه مبارك ومسعود والله يهنيك ويحفظك من التجارب والله يخليك شميشة ديالهم انشاء الله اللي خاصاتك سولينا راه بغيناك تحمري لينا حتى حنا وجهنا الف مبروووووووووووووووووووك

botyrose
29-07-2009, 19:14
تبارك الله على الاخوات

om haroune
30-07-2009, 17:16
الف مبروك عليك الحبيبة الله يرزقك الدرية الصالحة .نزدك نصيحة اخرى بالنسبة للبطبوط ولكل الاخوات ملي تكون كتطيب رش بشوي ديال الزيت كيجي مدهب وغزال قي المنطر

الكوثر2
31-07-2009, 19:43
الف مبروك عليك والله يرزقك بالدرية الصالحة وتبارك الله عليكم جميع

مجنونة بس حنونة
02-08-2009, 14:08
merciiiiiiiiiii bzaf

princesseh01
11-08-2009, 08:21
fikra zwina hadi ana mani nabri nakli chi haja makandirch forss kandir smid rkik dyal 3jina akayhazch zit

bellamamia
12-08-2009, 21:44
تبارك الله على مولات الموضوع جد رائع ولكن عندي نصيحة للأخوات ميكتبوش بالحروف الفرنسية من الأحسن بالعربية انا بعدا من الناس فينما نشوف مشاركة بالكتبة الفرنسية كنفوتها مافية ميضيع وقتي في التهجية. وسمحوا ليا

سر وجودي
27-08-2009, 15:17
لالاولالا عليكم الله يعطيكوم الصحة أو سافي حادكات يا ختي ما عندي ما نقول

jayda
29-08-2009, 16:58
تبارك الله عليكم انا جديدة فالمنتدى ....الله ابارك فالمندى و اخليه ديما عامر....

fouziaana
30-08-2009, 15:48
tbarkal 3likomkamlin alhadgate ochokran 3la l2asrar

oumlaila
30-08-2009, 17:37
باش يجيك الخبز اوالكروص محمر من فوق بلا بيض فما عليك الا ان تاخذي قليل من الحليب مع قليل من السكر.
**اوالحليب مع الملح**تخليطي وتدهني به الخبز اوغيره وبهذا نكون قد تخلصنا من زفرة البيض.وانا مجرب الطريقة.

صدى الذكريات
31-08-2009, 12:56
السلام عليكم ورحمة الله وبركاته
تبارك الله عليك اختي
الله يوفقك اختى
اللهم ادمها نعمة و لا تمنعها من ازوال يارب
سبحانك اللهم وبحمدك ، أشهد أن لا إله إلا أنت أستغفرك وأتوب إليك

fifi_83
02-09-2009, 14:09
تبارك الله عليك
تا انا كاندير العظم ديال التمر مع الكرعين الكبار

mounia maaroufi
02-09-2009, 14:54
السلام عليكم ورحمة الله تعالى وبركاته
هادي نصيحة تخص مرق الدجاج الى بغتيها تجيك عاقدة او بنينة ضفيلها ملعقة كبيرة ديال بودرة اللوز

Om Mustapha
05-09-2009, 18:16
السلام عليكم تبارك الله ماشاء الله و لا حول و لا قوة إلا بالله الله يعطيكم الصحة و خلاص هادشي كيفرح سمحو لي نتطفل و مكتب شي حويجات كنديرهم أنا يالله تفرغت للمطبخ حيت مع القرايا و الخدمة قليل فاش كندخل الكوزينة و دابا كندرب على الطبخ مزيان حيت تزوجت و كنتسنى باش نلتحق براجلي إنشاء الله كترت الهدرة المهم فالتفويرة الأخيرة ديال كسكسو كنزيد ليه البزار الأسود كيعطيه مذاق زوين ويلا مابغيتيهش يبان يمكن ديري البزار الأبض و بالنسبة للمرقة لكندير ديما كنحضر فيها القرفة و بعد المرات كنصب بزيت Argan وكنشكركم بزاف استفدت منكم الله يجزيكم بخير غنشاء الله المزيد و المزيد في أمان الله و الأخت صاحبة الفكرة الله يجعلها في ميزان حسناتك

صفية المغربية
06-09-2009, 14:50
تبارك الله عليكم الحادgات والله إستفدنا منكم بزااااف يلا زيدونا مازال هههههههههههه أنا معندي منقول ليكم الخير هو لي عندكم

sonialayali
15-09-2009, 22:38
السلام عليكم ورحمة الله وبركاته
حتى انا نفيدكم بشي حاجة بالنسبة لعجينة ديال بيتزا يمكن ليها تبقا ليك مدة اسبوع فاينما بغيتي ديريها تجبدي لعجينا تاعها انا كنشد فورص+زيت العود+الزعتر+الخميره كانعجنهوم بالما دافي مزيان وكاندلكها من بعد كانسرحها بالمدلك وكلويها عليه باش نحطها فاللاطا منبعد كاناخد شي طبسيل كانحدو فوق العجينة وكنقطعها بالموس وكانحيد لي زايد كانصايب بزاف ديال عجينة كاندخلهم فران غي حتى تجمع العجينة وكنخرجها ماشي حتى الطيب لآآآآآآ كانخرجها كانغطيها بي سولوفان ونديرها في فريڭو حتى نبغيها نجبدها نخليها سويا تطلق ونعمرها ونداخلها فران
و كندير عجينا وخرا ولكن كستعملها فنفس الوقت دقيق+تحميرة فلفل احمر+سمن+خميرة+زاعتر حتى هيا كتجي ممتازة
وكندير عجينة اخرة دقيق+شوية الزبدة+خميرة الحلوة

sonialayali
15-09-2009, 22:44
لي بغات البغرير يجي متقب قوي فيه خميرة وخليه يخمر مزيان وزيدي فيه معلقة سكر باش يتحمر

sonialayali
15-09-2009, 22:48
الكيك باش يجيك زوين ملي تخلطيه وتدريه في مول خليها تخمر حتى تبان ليك طلعات وتضاعفات عاد دخليها فران يكون ماسخونش بزاف و باش متجيكش فيها زفورة ديال بيض ديري فيها قشور الحامض او ليمون

sonialayali
15-09-2009, 22:52
لي بغات تحافض على الحامض مدة طويلة يمكن ليها تجيبو وتحيد ليه جلفة ولعضم طحنو مع شوية ديال لماء وديرو في موربعات ديال تلاجا لي كصيبو بيهم متلجات وتخليه يتجمد من بعد ديرو في ميكات وديرو في فريڭ فينما بغات تستاعملو في اي حاجة تجبد من هادوك مكعبات

sonialayali
15-09-2009, 22:54
الى بقا ليك الخبز بزاف ومبغيتيش ديعيه شديه قطعيه فحال توست وديريه في تفريڭو مرة مرة جبدي منو وديريه في بيض و الحليب وقليه كيجي زوين

sonialayali
15-09-2009, 22:57
اما مسمن باش يجيك فارك ومحلول ملي تعجنيه شدي زبدة دوبيها ديال لدة زيدي فيها خميرت الحلوة و زيت وبداي تصيبي فيه الخميرة كتخليه فارك وزوين

sonialayali
15-09-2009, 23:01
اما وحد ملاتي سفة الا بغتيها تجيك زوينة تفويرة لي قبل من لخرة كتسقيها بالحليب اما لخرة ملي كتبغي تحطيها كاتدهنيها بزبدة وتفوريها كاتجي زوينة بهاد طريقة وراتها ليا واحد جرتنا لاه يكتير خيرها

monisse
17-09-2009, 00:45
شكرا على المعلومات

omhouda
17-09-2009, 12:48
فكرة رائعة ليبغات تعرف السر في الكعك المسفيوى هو نخرجو العجينة من البوق خاص بالكعك تم نرشوه بشوية الطحين عاد نقشوه بالمنقاش السر هو البوق والطحين وياريت تقول لينا كل سيدة اشنو التوابل لكتستعمل فى المرقة تاع كل يوم وشكرا

sihayda
18-09-2009, 19:11
اللهم ارزقني الصبر والذرية الصالحة قلن امين
<A href="http://www.anaqamaghribia.com/up//uploads/images/anaqamaghribia05c56e3942.gif" target=_blank>http://www.anaqamaghribia.com/up//uploads/images/anaqamaghribia3b8bf3cefc.gif (http://www.anaqamaghribia.com/up//uploads/images/anaqamaghribia3b8bf3cefc.gif)

lalasalmma04
19-09-2009, 13:37
مشكوووووور والله يعطيك الف عافيه

ام ابتسام
20-09-2009, 20:36
افكارك مشاء الله عليها بالنسبة اليا انا الدجاجة نتبلهى بشوية ثوم مدقوق ملح وفلفل اسود وزبدة وورقة رند نحكها بيهى وندهنها من الداخل وزيان ومن الخارج نضيف للشرمولة الموطارد ونحكها بيها جيدا ونلفهى في كيس بلاستيكي ونتركهى تبات وبعدها من غد نطبيبها

فراشة الوادي
23-09-2009, 14:19
السلام عليكم مشكورة اختي على الموضوع الرائع اكيد الطبخ اسرار و لكن باش نعرفوها او نستافدوا منها ماشي باش نخزنوها او انا و الله ملي بديت تنقرا فالموضوع ديالك او انا تنخمم على الله نتفكر شي سر او ما عرفتش اش نكول ليكم باش نستافدوا جميع المهم الفكرة ديال اللحم لي تيبقى قاصح انا عندي عليه واحد المعلومة: الى ما بغاش اللحم يطيب ديري ليه طرف ديال الزاج ديال قرعة المونادا ديال كوكا كولا و الله العظيم هادي فكرة اغرب من ديال اسبرو او انا بعد مجرباها غير ا الاخوات لي بغات تجربها عفاكم تغسل الطرف ديال الزاج مزيان راه بعض المرات تيجيوا الضياف على غفلة او كنوليو غير نجريو باش نسربيو راسنا او الله يوفق الجميع او على فكرة النصيحة ديالك على تحمار الدجاج غزالة كون شفتها قبل العيد كون طبقتها لضياف اللي جاو عندنا فالعيد و ليني الايام مزال جايا انشاء الله

nor l9amar
28-09-2009, 13:24
تبارك الله عليكم هادشي غزااااااااال الحدكات

بدوية
29-09-2009, 20:02
مشكوووووور والله يعطيك الف عافيه

merii
04-10-2009, 14:53
lah y3tik sha tbark alah 3likom

chahinda
04-10-2009, 16:14
تبارك الله على الحادكات ديالنا والله يخليلكوم داك اليديدات ويعطيكم الصحة

انا عاد شوفت هاد الموضوع الله يجازي بخير صاحبة الفكرة ....لي عودة اليكم اخواتي انشاء الله كي نستفيد من بعضنا

hay
04-10-2009, 21:12
ياسلام فكرة فمحلها تبارك الله عليك

هدى28
06-10-2009, 17:12
شكرا على هذه النصائح القيمة

tlatig09
07-10-2009, 21:26
السلام عليكم اخواتي في الله
انا مشاركة جديدة
حبيت نشكر كل الاخوات على كرمهم و حب المشاركة من بعد معرفت هاد المنتدى المبارك تغيرت نظرت زوجي لية حيت بفضل الله وفضلكم وليت فنانة ف داري فالمطبخ والديكور متصوروش كيوليت حادقة هههههه باسمي واسم زوجي كنشكركم الله اجعل كل افادة فميزان حسناتكم

omo maryem 5
07-10-2009, 21:57
هلا والله ومليون غلا تو مانور المنتدى

titrite_isfawn
08-10-2009, 22:54
السلام عليكم صراحة انا كايعجبني الطبخ و لكن مبتدئة
الله اجازيكم بالف خير على الافكار المميزة

zawji hayati
16-10-2009, 18:12
تبارك الله عليكم الحادكات
احب زوجي واعشقه راكي حادكة وسعدات راجلك بيك وكنتمنى تفيدينا حنا http://www.anaqamaghribia.com/vb/showthread.php?t=88814 لعريسات وطلي علينا راه حنا مجموعين هنا وكنطلبو النصائح ههههههههه
المهم انا عندي واحد المعلومة هي ملي كنبغيو نديرو محمصة ولا النجمات ولا الشعرية باش يجيو مفرتين وممعجنينش دهنيهم بالزيت فوريهم واحد التفويرة عاد رميوهم فالماء يطيبو

sonbola
18-10-2009, 23:36
الفريت باش يجيك مشربش الزيت قليه غير شوية وخليه يبردمزيان عادكمليه بالطياب كتجى لبطاطا مقرمشة من الخارج و رطبة منالداخل و شكرا بزاف على هده المعلومات القيمة

ام الاميرة وصال
19-10-2009, 08:57
شكرا لك زوجي حياتي وشكرا لكل من شاركت فموضوعي الله يحفظكم وانا عندي نصيحة بخصوص الفريت كذلك الى بغيتوها تجيكم بحال المحلات سلقوها نصف سلقة مع شوية الخل عاد صفيوها وقليها تتجي فننننة

السيدة ملعقة
20-10-2009, 17:10
شكرا على جميع النصائح ونصيحتي هي قبل ماتبدا اي وحدة الطياب تقول باسم الله والاهم هو النظافة والله المعين

om haroune
20-10-2009, 20:05
حتى انا نعطيكم وخ غير هاد المعلومة البسيطة ملي تسلقي البيض عملي فيه شوي الملح بش يتقشر دغيا وبلا ميعدبك

ام الاميرة وصال
21-10-2009, 09:40
الى بغيتي الشكلاط الي تتستعملي مع الحلويات يبقى تيلمع عملي معاه طرف زبدة وهو تيذوب

أمري لله
23-10-2009, 11:00
السلام عليكم ورحمة الله وبركاته
اكيد الموضوع يستحق كل التشجيع و كدالك الاخوات الحادكات تبارك الله عليهم و على النصائح الممتازة جدااااااااااااااااااااااااا - و الشكر لموالت الفكرة الله اجعلها في ميزان حسانتك يارب
عندي لكم مشاركة واخا انا مكندخلشي براف الكوزين و لكن كانشوف الناس صحاب البادية كيديروا واحد الخبز ديال الشعير و هاد الخبر مفيه تمارا يعني داغي اتصاوب كنحتجو غير الدقيق شعير + ملح - ماء عادي بلا منسخوه و الخميرة لا حيت مكيخمرشي كيتعجن و يدلك ثم كيطب بحال البطبوط من كتكملي صبي علية زيت العود و قدميه و هو سخون كايجي لديد جدا و منصاوشي راح له فوائد كثيرة وصحي جداااا و الحمد لله كلشي موجود حتى الزويتة يلاه كيعصروا فيها ههههههههه يعني كلشي بلدي
نصيحة تعشاءو بيه راه سخون فهاد البرد

om haroune
24-10-2009, 20:35
صح اختي هد الخبز كتجي فنا وصحية ولديدة وخصوصا مع زيت العود وكويس داتاي الله يعطيك الصحة

ام الاميرة وصال
24-10-2009, 23:06
وفكرتيني فالماكلة الصحية ماما تتعمل المسمن تتكرصو بالزيت والنخالة تيجي فن مكرمل وصحي اكييييييييييييييييييييييد

سعيدة الطنجاوية
27-10-2009, 18:30
شكرا موضوع مهم حتى الحمص اذا مطبشي نعملو معاه شوية الخميرة الكيماوية وهكا كيولي طايب فحال الزبذةا كيولي طايب فحال الزبذة

أمل بنت عائشة
27-10-2009, 21:34
السلام على كل أنيقات المنتدى:)
أنا عضوة جديدة وهادي أول مشاركة لي ، إلى بغيتي اللحم يطيب دغيا ويجي فتي
ارمي معاه كموسة فيها شوية أتاي حبوب
( مجربة ).

kadida
27-10-2009, 23:27
شكر ا :75: تحياتي

سعاد77
27-10-2009, 23:28
السلام عليكم ورحمة الله وبركاته

ام الاميرة وصال
28-10-2009, 13:37
وعليكم السلام تاختي
سعاد

miss nawal
31-10-2009, 16:11
ana mo3jaba bafkarkoum obhdagtkoum llah i3tikoum saha olihada ana charakt m3akoum obnisba olkhot ligalte 3la l3lfa ana mjrbaha ohiya momtaza

salma tabat
01-11-2009, 21:29
tbarkalah 3likom kamlin kay3jabni nt3alam min nas dwa9a f7alkom ana yalah dkhalat jdida m3akom

ام الاميرة وصال
01-11-2009, 22:19
مرحبا بيك سلمى حنا في الخدمة

صفصف
03-11-2009, 21:06
وانا فى الدجاج محمر ماتنوضعش القزبور والمعدنوس تندير الابزار الزعفران الاسكنجبير+الكبدة الثومالمصير او الحامض نخلط الكل وندهن به الدجاج والسر بش يجى لديد هو يبات فى الشرمولة

azilass
04-11-2009, 21:41
chokran bezzaaaaaaaaaaaaaaaaaaf lahla ykhttiiiiiikom

noha12
04-11-2009, 23:14
شكرا على هد الأفكار أنا راني عضوة جديدة فالمنتدى وراني جربت هديك النصيحة ديال الكيكة لتندخلوها لفران عاد نشعلو عليها ومصدقاتليش جاتني معجنة

zizou-4300
05-11-2009, 00:04
http://www.anaqamaghribia.com/vb/images/icons/icon17.gifباش تطيبي الخبز بدون ما يلصق ف المنديل او يتعوج. عجني العجينة وخليها تخمر ف القصعة,وباش تخمر فيساع غطيها بطبسيل و ديري فوقو غلاي فيه ماء طايب. ثم جيبي لاطة( اي طبسيل ديال الفرن)ما دهنيها ما والو .ديري حداك زلافة فيها زيت المائدة وطبسيل او صينية فيها الدقيق او السميدة او التشيشة .دهني يديك بالزيت قطعي العجينة وكوريها فالدقيق ثم حطيها ف اللاطة حتى تسالي .خلي الكويرات يرتاحو شوية ثم بداي تقرصي ف الصينية لي فيها الدقيق وترديهم للاطةوخلي الخبز يخمر بعد ما تغطيهبمنديل والى كان الحال بارد زيدي من الفوق ميكا.منين يخمر طيبي الخبز فالاطة وماتهبطيهش التحت حتى تأكدي انه طاب مزيان من تحت.اوااااااااا بالصحة والراحة:76:http://www.anaqamaghribia.com/vb/images/icons/icon17.gifhttp://www.anaqamaghribia.com/vb/images/icons/icon20.gif

ام الاميرة وصال
05-11-2009, 14:44
بالنسبة للبيض الي تندهنو بيه الفقاص او كرواصة تنعملو معاه نسكافي متتخلطش مزيان باش تخلط مزيان دوبيها مع البيض قبل ما تبداي العجين تتلقايه ذاب مزان وتيعطي لون رااائع

hanoa
08-11-2009, 00:13
الا بغيتو تقليو الفلفلة شويوها اولا عاد قلىوها كاي جي مداقها احسن

ساميةجمال
08-11-2009, 17:15
الله يعطيكم الصحة

ام الاميرة وصال
10-11-2009, 13:51
اختي نوها انا جربتها وصدقات لي الكيكة خفضي من العافية

GHATGHOUTA
11-11-2009, 16:10
Ela brito reha matbkache dyale lhoute mlli tkliohe 3mlo kasrole fiha lma o lkrfa trli foke lbota hta tkmlo lklyane ya3ni mli thto lmkla tbdao tklio mobachra hto kasrona trli fnfse al wakte

amatolah81
11-11-2009, 20:30
chokran bzaf fidouna yal7adgat fa 7na 3ad tzawjna ya3ni 7aditat fl couzina

amatolah81
11-11-2009, 20:42
khwatati l ani9at ma3louma ila mabghach ytib likom l7am zidou m3ah 7boub mn atay ghir chwiya otl9awh wlla fti ola zidou m3ah chwiya mn khmira dyal l7alwa

ام الاميرة وصال
12-11-2009, 15:59
مرحبا بيك امة الله

zizou-4300
13-11-2009, 19:03
http://www.anaqamaghribia.com/vb/images/icons/icon17.gifالسلام عليكن.


الى بغيتو الحمص يطيب مزيان ف الحريرة او كسكس ديرو حفنة صغيرة ديال الملحة

ف الماء لي تيفزاg فيه.و الى كنتو غدي تنقيوه ردو بالكم فيسع يهبط:70:

سعاد77
14-11-2009, 19:27
مشكوووووور والله يعطيك الف عافيه

chadiaa
14-11-2009, 21:23
اوى شكرا ليك الاخت على هاد الموضوع الرائع مزيان نيت حيت الطبخ اسرار كيف ماتيقولو ولكن انا دبا يالله شفت الموضوع وماعندي ولا فكرة فراسي عييت مانفكر ولكن والو ان شاء الله لما اكتشف سر فالكوزينة نجي نكتبو ليكم بسرعة ههههههههههههههه قبل مايطير فراسي ههههههههههه ولكن حشومة ندخل بلا مانفيدكم بشي حاجة المهم انا نقول ليكم ملي تطيبي والدار فيها ريحة الطياب حلي الشراجم والبالكون شي ساعة وسديهم هههههههه الريحة غتطير الى ماطرتي حتى انتي ههههههههه يلا انا كنضحك معاكم فالحقيقة انا هدشي لي كندير ولكن بارك الله فيكم دبا دخلت واستافدت منكم بزاف وشفت انو فيه طرق كثيرة بلا مانحل الشراجم والبالكون شكرا ليكم الخوت نتمنى حتى انا نفيدكم تسناوني
http://www.anaqamaghribia.com/vb/images/icons/icon20.gif http://www.anaqamaghribia.com/vb/images/icons/icon20.gifhttp://www.anaqamaghribia.com/vb/images/icons/icon20.gifhttp://www.anaqamaghribia.com/vb/images/icons/icon20.gif

AMAL AOUNI
14-11-2009, 23:23
ilabrito lham aw djaj yjikom bnin .lham rakdih flil bchwiya skinjbir olkharkom okalil jidan man lbjar oza3fran ofas dyal toma omarmdi lham mazyan okhalih hata lsbah mrakad ftlaja.ama djaj nasbih bkwam dyalo ma3ada zit okhalih hata ydakhlo tyab 3ad diri chwiya diyal zit hata lham madirich zit flawl bach kadkhalhom twabil mazyann

lamise4
16-11-2009, 15:53
1-زعلـــــــوك

المكونات
-حبتان بادنجان
حبتان فلفل الخضراء وحبة فلفل حمراء
-ملح –ابزار (فلفل ابيض) حسب الدوق
4 فصوص ثم
4-حبات طماطم
5 ملاعق زيت
زعفران
2 ملعقتين كبيرتين من البقدونس والقزبور
1-جومبو او كنور
1ملعقة صغرة من معجون الطماطم

التحضير

يغسل الباذنجان وينقى مع الاحتفاظ بقليل من قشرته وتقطع الى دوائر او قطع صغيرة ،تقطع حبات الفلفل، وكذلك تقطع حبات الطمام ونضع الكل في طنجرة الضغط مع باقي المكونات ونقفل الطنجرة ونتركها فوق النار لمدة 5 دقائق فقط ثم نرفعها من على النار ثم ندعكها جيدا ونرجعا قليلا على الفرن من غير اقفالها لمدة دقيقتين ثم نرفعها ونقدمها.

الله يعطيك الصحة على المعلومة
مشكوووووور والله يعطيك الف عافيه

fatom
19-11-2009, 01:01
نصائح و اسرار مهمة بزاف

تبارك الله عليكم

والله يجعلها بميزان حسناتكم

hanine82
19-11-2009, 12:51
تبارك الله عليكم والله يرحم الواليدين على هده النصائح

NASIMA-700
20-11-2009, 23:29
السلام عليك احتي فعلا ما عندي ما نسالك فكرة روعة خاصة ديال عضم التمر هائلة

غدا يوم اخر
23-11-2009, 23:10
الله يعطيك الصحه اختي افكار رائعه

الساجدة
24-11-2009, 00:36
بسم الله الرحمن الرحيم نصيحتي هي الى اقليتو الحوت وبقتلك الرحة فدار في كسرونة دري فيهااشوية سكر واشوية قرفة وخليهم يغليو اتولي الكزينة فيها رائحة ازوينة

sousi_333
24-11-2009, 21:25
أتبارك الله عليكم، الحادكات كاع تجمعتو هنا، راكم فدتونا بزاف، الفكرة اللي نقول ليكم هي إلا كانت ماطيشة الثمن ديالها هابط ممكن تشري منها بزاف أوتحتافظي بيها فالكونجيلاتور، والطريقة هي كتغسلي ماطيشة مزيان وتخيلها تسقطر وتشديها وتقسميها نصفين وديريها فكسكاس تبخر شي ساعة و نصف من بعد كديريها فالآلة الخاصة بطحين ماطيشة، كطحنيها فيها باش كايتحيدو منها القشور وكاتاخذي هاديك ماطيشة ديري فيها شوية الملح و ديريها فبلاستيكات غدائية وتسديهم مزيان و ديريهم فالكونجيلاتور. هاد الطريقة كاتنفع ملي كاتولي ماطيشة غالية و خصوصا فرمضان، نتمنى نكون افدتكن. :)

ghalia
26-11-2009, 23:40
tbarklah 3likom abnat bladi

mounia maaroufi
03-12-2009, 09:39
عندي واحد النصيحة كتخص زيت الزيتون الى بغيت الزيت تولي بحال لجديدة ديري حبات من الزيتون الاخضر في القرعة لي فيها الزيت و خليها في مكان مظلم 4 ايام غادي تولي بحال لزيت جديدة او فيها رائحة الزيتون

أم نسمة
03-12-2009, 17:33
تبارك الله على أنيقات أناقة مغربية وعلى كل الحادكات الحبيبات وعلى كل المغربيات الحرات
شكرا جزيلا للأخت أحب زوجي وأعشقه على فتح هاد الموضوع الرائع والمفيد حنت كل وحدة فينا وفي أي بيت كتلقى شي سر من أسرار الطبخ والحمد لله هاهما كلشي الأسرار غادية تبان هههه
يالله نوريكم حتا أنا واحد السر : بالنسبة للبطبوط أو المخامر كل وحدة كيفاش كتسميهم باش يجيك البطبوط رطب الا بغبتي تطيبيه ناشف وفي نفس الوقت محمر وبنين ملي تبغي تطيبيه دهنيه بشوية الزيت بإيدك من جهة وملي تحطيها في المقلة دهني الجهة الأخرى قبل متقلبيها وبقاي تدوري فيها في المقلة باش تحمر كاملة ومتجيش محرقة
هيه عندكم الزهر هههه غير بديت نكتب وتفكرت واحد السر أخر حنت ختكم نسايا بزاف
إيلا بغيتي تعملي شليظة مغربية عادية بالمطيشة والفلفلة كتشوي الفلفلة وكتشوي حتمطيشة وتشديهم تقطعيهم رقاق وتزيدي عليهم شوية البصلة والمعدنوس وتنسمسهم بالملح والخل والزيت الزيتون بالزايد شوية وشوية الأبزار وعمليها تبرد في الثلاجة كتجي واعرررة وبنينة
إيوا مرة أخرى إن شاء الله ملي نفكر شي حاجة ونتمنى نكون فدتكم حتا أنا
وكنشكر جميع الأخوات لي في المنتدى الرائع جدا والمفيد

zizou-4300
04-12-2009, 20:14
مطيشة منين تنبغيو نستعملوها تنغسلوها مزيان ومتنرميش القشور تنجمعهوم

ونديرهم في الكونجلاتور حتى نجمع بزاف .ونديرهم على النار حتى يغليو ونخليهم يبردو ومن بعد نطحنهم في الخلاط ونصفي في شي صفاية كبيرة


نرد مطيشة المصفية على نار مهيلة ونخليها تغلي حتى تقصاح كتجي بحال مطيشة د الحك

تنستعملها ف البيتزا الحريرة.................:78:


يمكن ليك ديري فيها الملحة

سمر 30
08-12-2009, 14:43
الا بغيتي تسهال عليك العجينة خلطي الدقيق+الماء+الخميرة+الملح وخليها ترتاح شوية من بعد ماتغطيها بسربيتة نقية
تكوني قضيتي شي غرض خفيف غتلقايها ساهلة فالدليك
وبعدما تسالي العجينة خليها ترتاح شوية فالقصرية عاد كرصيها غيجيك خبز خفيف ومفشفش

سمر 30
08-12-2009, 14:57
ندوزو للطجين هادي طريقتي
كنقول بسمالله وندير اللحم او الدجاج+البصلة مقطعة طويلة +الملح+الزيت ونخليهم يتقلاو مزيان كنكون وجدت زلافة فيها سكين جبير+الخرقوم+البزار+شوية دالماء باش يتخلطو
كنستف الخضرة فالطجين ونكب عليها العطرية اللي خلطت مع الماء ونروي شوية وندير فلفلة حارة ونرش الربيع مقطع الفوق
ملاحظة ردو البال من مطيشة والحامض كيطلقو الما بزاف من الاحسن خليهم حتى للاخير

سمر 30
08-12-2009, 15:02
المرجو من الاخوات يطرحو الطريقة اللي كيصايبو بيها الطجين باش نستفدو جميع

cerise20
09-12-2009, 15:10
ana heta mama tatdir temer l lahem ila mabrach yetib.ana sme3et danon dyal dar tatzidi fih khemira hemera waheda o tayerob dereya mais mazal majerebthach ana tankado hir b 150 g d nido 1litre d ma m3a 3 m3alek sucre o wahed danon tandir kolchi yedefa fok nar o makhassouch yerela.men be3ed tanezlo f kissan o ndirhoum f coucoute m3a ma sekhoun o nessedha o nkhelihoum lila kamela mretyin.o tayji mezian

cerise20
09-12-2009, 15:13
binissba l tajin tandir lehem o zin o melha o bezar fakat felewel heta yetkela mezian o yetlek miheto 3ad kandif bessela o 3etriya o tandir zeri3at kozbor methouna o nekhelih yetkela o lbaki 3adi

cerise20
09-12-2009, 15:15
be3ed lmerat ila mabritech nbelel tajin o nezido l ma tankete3 wahed maticha dwawer bemaha o zeri3etha o neferecheha tehet lahem be3edema ykoun tekela o mahedha tatib o hiya tatlek miha dyalha o hakda mathtajich tzidi l ma l tajinek.

جنان الكرمة
10-12-2009, 13:46
مشكوووووور والله يعطيك الف عافيه

zuba
12-12-2009, 15:46
بسم الله الرحمن الرحيم اللهم صل على محمد وعلى آله وصحبه أجمعين

اعتدال83
15-12-2009, 18:24
السلام عليكم و حمة الله تعالى وبركاته
جزيل الشكر لصاحبة الموضوع

بشرى ام رانيا
15-12-2009, 19:05
واااااو تبارك الله عليكم والله اتى ستفدت بزاااااااااف
انا بلاما نكدب عليكم و نقوليكم حتى نتفكر شي حاجة عاد نقولها ليكم حيت راه انا زرقة ف الطياب و شيحاجة تحت الصفر فكل مايخص المطبخ ههههههه
شكراااااا بزاف ليكم ع الافكار

aziza laaziza
15-12-2009, 19:35
شكرا بزاف على المعلومة
بالنسبة للدجاج المحمر في الزيت باش يجي لونه زوين نضيف الزعفران للزيت

فجر الأمل
16-12-2009, 01:03
مشكوووووور والله يعطيك الف عافيه

الغميصاء
20-12-2009, 15:25
السلام عليكم كيف حالكم يالانيقات واحد الفكرة بالنسبة للوبيا الجافة الى بغيتيها طيب ليك دغيا زيدي عليها خمارة حمرا او دغيا تهرى ..

اعتدال83
22-12-2009, 11:03
http://www.anaqamaghribia.com/up//uploads/images/anaqamaghribia1ac49fb823.jpg (http://www.anaqamaghribia.com/up//uploads/images/anaqamaghribia1ac49fb823.jpg)
اذا ماكاتعجبكش البسيبيسة والنويورة يمكن تسعملي الباديان مدقوقة (انظر الصورة)

صبوورة
23-12-2009, 14:14
اوا هادي شي ساعة وانا كنقلب في الصفحات باش نستافد . و باش نفيد خاصني نبان عليكم يعني نعطي شي نصيحة جديدة.
و مع اختكم عزيز عليها النصائح في الطبخ محال نسالي........
خاصني بزاف د الصفحات غير و سعو بالكم معايا و قراووووو هاد النصائح.


بسم الله
نبداو بالدجاج: الدجاج ملي تغسليه مزيان خدي الحامض تكوني مجمداه في الثلاجة و حكي الجهد لي يكفيك الحامض كله القشرة و الداخل حسب الكمية لي عندك د الدجاج حكيه في الحكاكة غليضة و دهني بيه الدجاج و خليه شي ساعة او أكثر عاد شليه ثم حطيه يتسقطر و ينشف شوي بين ما تو جدي الشرمولة. عملي الربيع + الثوم + لبابة الحامض مصير+ الملح+عصير الحامض طري(او الأرنج الا عندك راه كيجي هائل) عملي هاد المقادير في مولينكس مع شوي د الماء و طحنيها مزيان ثم صفيها و رقدي الدجاج غير في السائل (احتفضي بالربيع المصفي راه ينفع في و صفات أخرى) المهم الدجاج ماتكونش فيه حتى شي وريقة د الربيع.
احسن الا بات الدجاج مرقد في هاد العصير المصفي.
ملي تبغي تنصبيه عملي البصلة محكوكة و التوابل وبلا زيت و حطي الدجاج خلي البصلة طيب شوي و زيدي الماء الكافي و طيبه فوق عافية مهيلة راه داغية كيطيب. في طنجرة أخرى عملي البصلة مشلضة كتيرة و الزيت و التوابل و من بعد ما تشحر مزيان زيدي شوي الماء و خليها تا طيب مزيان . خودي الكبيدات د الدجاج طحنيهم في مولينكس و زيدهم على هاد المريقة باش تجي الدغميرة زوينة و خلطيها مع المرقة لي طاب فيها الدجاج . انا كنت كنحمر الدجاج غير بالزبدة لكن مع كل هاد النصائح غانجرب الأفكار ديال المشاركات.
هدي هي الطريقة لي كنعمل لكمية كبيرة د الدجاج و غير كنقص المقادير الى كانت الكمية قليلة عينك ميزانك.....
لي عودة بنصائح أخرى

صبوورة
23-12-2009, 16:27
او هانا رجعت نزيدكم نصائح:

طحين الشعير مهم يكون عندك في دارك عملي فحالي:
كنكيل القمح و الشعير و الدرة كل عام نغسلو و نقيه و نديه للطاحونة .
الشعير كيطحنوه بطريقة خاصة خاصك تقولي لمول الطحونة انك باغا الدشيشة باش مايرجعوش كله دقيق.
و خاص يكون عندك على الأقل 3 أنواع د الغرابل في الدار 1 عيونو كبار كيعزل غير النخالة الغليضة بزاف و ماصالحة لوالو (خليها عطيها للحولي د العيد الكبيرهههههههه) 2 عيونو متوسطة يصلاح للسميدة و البلبولة 3 للطحين.
بالنسبة للشعيردوزيه فالغربال الرقيق و عزلي الطحين تم دوزيه في المتوسط و عزلي البلبولة الرقيقة و تبقى غير البلبولة الغليضة.
دابا نعطيك واحد الوصفة هائلة صحية و مفيدة انا كنت شحال هادي شفتها في شهيوات بلادي غير زدت عليها بعض التغييرات:
خودي الطحين د الشعير (يمكن تعوضيه بطحين القمح أو الدرة مخلطة مع شوي د الفورص انا جربتها بيهم كلهم) زيدي معاه بصلة محكوكة + شوي د السمن أو الخليع أو غير الزيت البلدية المهم شوي د ليدام + مليحة+ بزار + كامون+ شوي زعتر أو زعيترة محكوكة في اليد و تقدري تزيدي شي عشوب لي كايعجبوك+ شوي الخميرة د العجين و عجني بالما دافي و عملي كريصات بحال البطبوط و طيبيهم في مقلة غليضة و كل وحدة طيبتيها قطعيها مباشرة طريفات صغار حتى تكملي العجين.
عملي شي لتر د الحليب و زيدي فيه شوي الملح و ملي يغلى سقي بيه هاداك الخبز المقطع و خليه يشرب و تقدري تزيدي حتى شوي زبدة بلدية . المهم راها رفيسة رائعة و انا مجرباها شحال من مرة و عملتها لشحال من موحمة.........

صبوورة
24-12-2009, 13:20
وهادي نصائح أخرى نتمنى مانكونش تقلت عليكم.
الخبز ملي يبات و يبرد ماكايتكالش و بزاف د الناس غير كيلوحوه و هدا تبدير نهانا عليه الله.
الكل كيعرف الطريقة د الخبز مغموس في البيض و مقلي . هدي هي الطريقة لي كنت نعمل قبل ما نكتاشف هاد الوصفة.
هاد الوصفة فايت قدمتها في منتدى آخر و غانعاود نقدمها لكم المهم راه انا لي مختارعاها حيت شحال من حاجة كنت نوضعها و نلقى شي وحدا ناقلاها في منتدى آخر أو حتى في اللقاء المفتوح. ما عرفتش كيف نعمل براعة الإختراع باش حتى واحدة ما تسرق لي اختراعاتي. بلا ما نطول عليكم ملي يبقى عندي الخبز كنت نقطعو على شكل معين او مستطيل و نعملو في الفريكو و ملي نبغيه ناخدو و نعملو في خليط البيض و الحليب و نقليه.
واحد المرة غطست طريفات د الخبز في الخليط و تدهيت عليه حتى لقيتو تفرتت و شرب مزيان الخليط . واخا هاكاك عملتو في مقلة و طيبتو و جا على شكل خبيزة و فيه نقيطات فحال بغرير. من هادي وانا فين ما بقى عندي الخبز نفرتتو و نعملو في الفريكو . ملي نحتاجو نخرجو .نطرب البيض و نزيد عليه سنيدة و الحليب ونعمل الخبز في الخليط و نخليه يشرب مزيان و من بعد نعمل مقلة ماكاتلصقش نعمل شوي الزيت و نكب فيها شوي من الخليط و نخليه حتى يطيب و نقلبو في شي طبسيل او غلاقة طنجرة و نرجعو للمقلة يطيب من الجهة الأخرى.
شكل ديالو كايجي كيف أومليت أو بغرير ...
المهم بقيت كنعدل في الوصفة و كل مرة نزيد شي حاجة مثلا كنعمل الفاني مع الخليط و مرة عملت الشكلاط غبرة و شوي القرفة و جات هائلة و مرة زدت البرتقال مجمد و محكوك ( انا عندي ديما منو في الفريكو) ومرة أخرى عملت التفاح محكوك ...المهم انتي و دوقك ها هي الطريقة تفنني كيف بغيتي.
هادي وصفة كتجي رائعة و لي كلاها عندي كتعجبو .و بزاف د الأخوات تاصلو بيا ملي قدمتها في واحد المنتدى جربوها و عجباتهم و كاين لي كيطلبو معلومات و نصائح وانا رهن الإشارة لي محتاجة شي توضيح.
و منها تجددي في وصفاتك و في نفس الوقت تستغلي الخبز البارد و تستافدي منو.....

الغميصاء
24-12-2009, 20:07
الله يعطيك الصحة اختي صبورة تبارك الله عليك

amirat talj
25-12-2009, 23:44
الله يعطيكم الصحة والعافية يالاخوات افكار مدهلة اتمنى لكم المزيد وشكرا جزيلا

amirat talj
25-12-2009, 23:56
اشكركم يا الاخوات كثيرا على هده النصءح القيمة منكم نستفيد ونفيد غيرنا

ام الاميرة وصال
26-12-2009, 00:45
بصحتكم وراحتكم دابا مبقاتش تبقى شي وحدة تقول انا ما شي حادقة هههههههههه تيقولو العيالات الكبار هما الحادقات فالطياب ولكن حنا حسن هههههههههههههه

رهينة الماضي
26-12-2009, 21:03
اولا تبارك الله عليكم
و هادي اول مشاركة لي و هي كتخص البيتزا الهشيشة
نعجنها باللبن و الله ما صدقت فالاول ولكن جربتها و تفاجئت بالنتيجة
و الفران يكون سخون عاد نرموها
جربوها وردو عليا الخبار
تقبلوا مروري

ام هدى78
27-12-2009, 01:00
تبرك الله على نساء المغرب من طنجة حتى لكويرة
مهم فكرة غزالة من امرءة اكتر دكاءا وزدتها حتى بالحداكة وتجمع حدكات كملات وكل واحدة ادلت بدلوها ادمكم الله وحفضكم من كل سوء حتى تبدعن اكتر ويستفيد الجميع من خبرتكن
لنصحة بسيط جدا تخص عجينة خبز ديال دار انا كنعجن بالخميرة لون ديالها اخضر هي ديال
صحاب فرارن ديال الزنقة كتخلي لخبز يخمر بسرعة وكيجي متقب ومنفوخ وخى دكرصيه بزاف
كنشعل الفران هو اول عد نعجن ونكرس فلبلاصة ومن بعد منغسل كصرية ونضف ككون الفران سخن كنتقب عجين ونطيبو فلبلاص اسرع خبز مهم قبلو علي

s-amira
27-12-2009, 10:29
ام هدى 78 عطيني سمية ديال الخميرة الله يرحم الوالدين

ام الاميرة وصال
27-12-2009, 14:35
الى بغيتي ديري لشوصون بلا كترة عجين او معندكش وقت منين تعجني الخبز زيدي شوية الدقيق ومنين تدلكيه وتبغي تكرصيه نقصي كورة وخليها تخمر مزيان تم طلقيها بالمدلك ورقيها وعملي منها لشوصون ديالك ويجيو فنين

ام هدى78
27-12-2009, 19:39
اختي هدك الخميرة سميته جرما بحال عادية غير لون ديالها اخضر ماشي زرق

من احسن تشريها عند مول الفران ولى من متاجر الكبرى مع علم رها كتكون قليلة

salma84
27-12-2009, 21:47
السلام عليكم ورحمة الله
حتى انا كندير العدس كيما كدير ليه الاخت " احب زوجي واعشقه" غير انا كنزيد معاه خيزو مقطع والزيتون احمر كيجي معاه واعر وبالنسبة لكنور كنخليه هو الاخير حتى يبقى لي غير 5 دقائق ونطفي عليه

noura01
27-12-2009, 21:56
الله يعطيك الصحة

ام الاميرة وصال
28-12-2009, 14:07
اختي سلام تبارك الله عليك ولكن انا تنفضل لنك بلا متستعملي ككنور لانها مضرة جدااااااااااااااااا

nadia lma3gaza
28-12-2009, 14:32
اسفة كلشي مشالي من بالي

s-amira
28-12-2009, 16:24
ام هدى78 شكرا على الاجابة والله يجازيك بخير

الوردة الصفراء
28-12-2009, 16:53
انا مزال كنتعلم منكن يا اخوات متتقلقوش مني وماتقولوش بلي راني بلا فايدة كناخد ومانعطيش وخ واحد الوصفة هي قديمة شوي ولكن كيبغيوها لوليدات بزاف
في مقلاة فوق النار كنعمل مقدار من الحليب يسخون شوي ونخفق قدر من البيض ونضيفو عليه ورشة ملح وطريفات دالفروماج احمر اومورتزيلا وتحركي شوي الخليط لحين ماينسجم الكل وتكون نار متوسطة حتى داك البيض كيشرب لحليب وتطفيء النار وتاكلي البيض بالصحة.تنتمنى نكون فيدتكن بشي حاجة.

rhihiba
28-12-2009, 18:26
السلام ويعطيكم الصحة حتى أنا كندير نفس الطريق للدجاج نبيتو فالشرمولة غدا ليه كنقليه مع البصلة مزيان إلى كان محتاج الماء نزيدو بعض المرات البصلة تطلق الماء يعني نزيد غي شوي الماء . وحتى أنا نحمرو فالفرن ونترك المرقة تتشرب مزيان منبعد ما نكون حيدت الزيت الزائد مالفوق
ملاحظة : البصل الأبيض يتشلض أما البصل الأحمر يتحك فالحكاكة لغليضة لأنه مايدوبش.

أم صريا و أميمة
28-12-2009, 19:17
salam o3aliko
ana kana9tara7 3likon ikhwati ila bghito lfrite tjikom hchicha 9bal mata9liwha diroha wahd nas sa3a malma wa wa7ad alsa hamra

salma84
28-12-2009, 19:45
اختي " احب زوجي واعشقه" علاش كنور مضر هادي اول مرة نسمع هاد المعلومة ياريت تقولي لي علاش مضر حيث انا كنستعملو تقريبا ديما و يوميا

ام الاميرة وصال
28-12-2009, 20:17
لان قريت عليها انها مضرة
مكعبات الماجى تحتوى على مادة احادى جلوتامات الصوديوم Monosodium Glutamate وتعرف هذة المادة بـ MSG ويسميها البعض فى امريكا بالسم البطىء !!The Slow Poisoning of America

rachida om lina
28-12-2009, 20:42
allah yerham waldik ala had lmaalouma

yasmin24
02-01-2010, 18:14
أنا جربت فكرة الكيكة ليكديري فلفران عاد تشعليه ومصدقاتش مجاتش منفوخة

saliha75
05-01-2010, 20:55
شكرا لك اختي والله يفرج عليك وعلى المسلمين اجمعين

راضية 6
06-01-2010, 10:41
اختي شكرا ليك بزاف لانك قدمت هاد الفكرة.مشحال وانا بغا يكون شي موضوع على اسرار الطبخ .وخصوصا المطبخ المغربي .والله اختي.وانا كيحيرني

طياب الطباخات الل.كيطيبو في المنسبات.وبغي من الاخوات الكتعرف شي طريقة خاصة او توابل او سر تتعاون معانا بيه وشكرا بزاف.
انا عندي طريقة للدجاج اولا خاصو يتخسل بالماء مزيان ومن بعديترقد في عير الحامض والملح ليلة .ومن بعد تعودي تغسليه . كنقصد الدجاج المحمر.هاد الطريقةكتخليه يطيب دغيا وبلا ميتزلع

منية النفوس
07-01-2010, 16:55
فكرة ممتازة بالنسبة للفلفلة انا تنغسلها نشفها انفتحها شوية انديرها فطاوة فيها شوية الزيت انزيد مزال الزيت فوق الفلفلة املي تنطيب الخبز كنخشيها فالفران ا واخا نطفيه تنخليها بالداخل حتى يبرد الفران والله حتى كتجي كدوب

amina-1990
11-01-2010, 23:34
شكرااااااااااااا حبيبتيالله ينولك ما بغيتي

هيام أيامي
13-01-2010, 22:14
الله يجازيكم بالخير على الأفكار و الأسرار في الحقيقة ما خليتوا للواحد ما يقول
الله ينولكم ما تمنيتوا

رحلة احزان
15-01-2010, 01:42
السلام عليكم ورحمة الله تعالى وبركاته.

تبارك الله على الحادكات والله يحفظكم من العين هههههههه.
فكرة صغيرةتعطينالذة كبيرةاشنو هي

بالنسبة الى سباكيتي بلاصوص د مطيشةضعي في ماء صلقها القليل من الزيت و من3ال4 فصوص من الثوم.
وازيليها عندما تصلق.
كتجي لذيذة مفيهاش ريحة العجائن الغير المرغوب فيها.

رحلة احزان
20-01-2010, 22:56
السلام عليكم.
عندنا وليمة خايفين من البرقوق ميتنفخش ويجي لاسق عظمه على جلده منين نعسلوه عادي بالقرفة والسكر..خليك معيا واستفدي.
اي برقوق ديريه في بلاستيكة بيضاء وديري معه القرفة والساندة وسدي لبلاستيكة وديريها يتفور في الكسكاس غير كثري الماء في البرمة ونسايه كيجي
روعة.
والى كنت تفوري السفة وضعيه في جنب الكسكاس
والسفة عمليها في شبيكة للي كانو يبطنو بها لبلايز
داك الزمان هههههه.
اذن عندك السفة وعندك اللحم بالبرقوق.
ونزيدك حتى الزبيب غدي تزيني به السفة ايوا حتى هو ديريه يفور في بلاستيكة في نفس الكسكاس
وفوري السفة على راحتك هزي الشبيكة من اربعة اطرافها وفوري وعاودي هههههههه. الزبيب في التقديم خلطيه مع السفة.
و نزيدك حا جةاخرى الله يخليك ههههه
ديري شي بيضات يتصلقوا في القدرة
غدي تزيني بهم السفة حكيهم من فوق او اصناف على وجه السفة.
ايوا كيف جاتكم هذ اللعيبات
تحياتييييييييي.

Om Mustapha
20-01-2010, 23:28
السلام عليكم تبارك الله عليكم لعيبات واشمن لعيبات الله يعطيك الصحة اختي

رحلة احزان
21-01-2010, 00:11
شكرا على المرور العطر

كنتمنى تكون الردود اكثر غدا ان شاء الله غدي نشوفكم واش غدي تشجعونا ههههههههه.
غدا غدااااااااااااااااااااااااااااااااااااااااا.

تودا
21-01-2010, 16:49
تبارك الله عليك اختي رحلة احزان راكي مطورة مع راسك واقتصادية وهاد الافكار راهم اسرار وشمن اسرار .
اوا سيري الله ينولك لي بغيتي فخاطرك.

آلاء الرحمان
21-01-2010, 17:22
موضوع ممتاز بزاف شكرا بزاف ليكم أول مرة نشوفو ولكن غادي نبقى نشارك بللي كنعرفو

آلاء الرحمان
21-01-2010, 17:29
بالنسبة اللي كتععجبها لفلفة مقلية ولكن كتكرفص فقلي ديالها
هادي طريقة كتجي كتحمق بزاف قطعي لفلفلة على شكل طولي رقيقة ونشفيها
وعملي ليها تشرميلة لحوت ثومة ربيع كمون إبزار ملح تحميرة و سوطيها فالمقلة مع الزيت وغطيها حتى تطيب.بعد لمرات كنزيدحتى صوص صوجا

وحيدي لغطاء وخليها تنشف

ام دعاء
21-01-2010, 18:14
تبارك الله عليكم افكار سهلة ورائعة
ان شاء الله الى عندى شى فكرة نفيدكم بها

رحلة احزان
22-01-2010, 23:47
مرحبا بك الاء الرحمان وكذلك ام دعاءونتمنى نستفيد منكن وتستفيدن منا.
وشكرا على الردود من الاخوات الكريمات. وامين ربي يسمع منك يا اخت تودا .
ايوا نضحككم شويا نزلت ليكم لعيبات مزيونين ولاكن النت علق وهرب ودا لي كل ما كتبت ههههههه.
ان شاء الله نزليكم للي عندي .

نور القرآن
27-01-2010, 13:48
السلام عليكم ورحمة الله وبركاته

حياكن الله جميعا أخواتي الحادكات وجزى الله خيرا كل من ساهمت بسر من أسرار مطبخها في هذا الملتقى الطيب

بالنسبة لمساهمتي تتعلق بالخبز : إذا كنت قد عجنت كمية كبيرة من الخبز وتريدين الاحتفاظ به لمدة طويلة ما عليك إلا أن تضعيه في المجمد وكل ما احتجت لكمية منه اخرجيها واتركيها حتى تتخلص من الثلج بعد ذلك ادهنيه بالماء وضعيه في المقلة يسخن على خاطرو كيجي بحال عاد خرجتيه من الفران

رحلة احزان
27-01-2010, 21:20
شكرا لك اختي على الافادة.
تحياتيييييييييييييي

maghribya 7ora
28-01-2010, 15:57
[bor=#ff0000]
[all1=#ff0022]
السلام عليكم و رحمة الله تعالى و بركاته...
تبارك الله عليكم و ربي يحفضكم و يخليكم لينا
حتى أنا اليوم غنشارك معاكم بواحد المكرونة شكل آخر و كتجي غزالة ما تشبعيش منها.المهم بلا ما نطول عليكم نقول ليكم المقادير و الطريقة:
باسم الله
المقادير : *نصف كلغ سباكيتي
*3مطيشات كبار محكوكين
*ضرس كبير ثوم محكوك
*2معالق كبار مطيشة د الحك
*قزبر و معدنوس مقطعين
*ورقة سيدنا موسى
*توابل : ملح،ابزار،كمون،تحميرة،زعفران،خرقوم،سكنجبير
*زيت المائدة+زيت الزيتون
*2كنورات ديال الحوت
*بواطة ديال كفتة ديال السردين.
الطريقة:
نعملو السباكيتي يتصلق مع مليحة+ضر س توم صحيح+ورقة سيدنا موسى+كنورة+القليل من الزيت.
ملي كتكون السباكيتي ديالنا كتطيب نوجدو شرمولة:
فكسرونة كنديرو الزيت البلدية و الرومية+مطيشة+جميع المقادير إلا الكفتة حتى كتقرب الشرمولة تطيب عاد كنضيفوها،كنخليوها واحد 2دقائق و كنطفيو عليها.
ملي طيب سباكيتي كنصفيوها و كنضيفولها الشرمولة ، نحركو مزيان و نقدموها سخونة و بالصحة و الراحة

رحلة احزان
28-01-2010, 17:33
تشجيعاتي لك اختي وشكرا على الوصفة.
كتعجبني المقرونية بزاف.
اكيد غدي نجربها باينة لذيذة.

oumsarayoyo
28-01-2010, 21:20
بسم الله الرحمن الرحيم
السلام عليكم ورحمة الله وبركاته
تبارك الله عليكم الاخوات
بغيت نسولك اختي مغربية 7 واش الكفتة ديال السردين خضر
واش نعملوها كرات او نفرتتوها وشكرا

maghribya 7ora
29-01-2010, 13:04
لا شكر على واجب أختي رحلة أحزان،وغير جربيها على حسابي،و يمكن ليك تعملي هاد الوصفة مع اي نوع ديال ليباط.
اما بالنسبة للأختoumsarayoyo فكتعملي الكفتة د السردين ديال لبواطة كتكون طايبة و بالزيت ديالها.كتعمليها ملي كتطيب لاصوص وكتحركي،بغيتيها تبقى صحيحة حركي غير بشوييية،بغيتيها تندمج مع لاصوص حركي مزيان...هادشي للي كاين :71:

oumsarayoyo
29-01-2010, 16:13
شكرا لك اختي مغربية 7 ان شاء الله اجربها

رحلة احزان
31-01-2010, 01:50
السلام عليكن.
لالا مولاة الدار دائما كتخافي يتحرقلك او يلتصقلك الكونفتير في الطنجرة منين كتكوني طيبيه وحرك ياما تحرك كتعياي ايوا شفيتيني بزاف نعطيك السر ديالي خليك معايا
متقلقيش علاش كيتحرق بسرعة وكتبقاي واقفة حداه ونزيدك كيضيعلك الوقت.
ديري المقادير ديالك تطيب عادي بطريقتك ومنين تطحني الكنفتير للي كيتطلب تطحنيه مثلا ديال البرتقال او خيزو والى العكس مثلا كنفتير لفريز.....عندك المقلة ديال وجدة ايوا ديريها على النار عاد ديري الطنجرة ورفعي النار ولا خفضي و ديري شغالتك كيف تحبي ما تخافي ما توقفي امامه.مرة مرة طلي عليه وحركيه ولاطلعي حتى للسطح الى عندك شي تصبين تنشريه ههههههههههههههه

انا اليوم لقيت فالثلاجة5برتقالات و10 خيزو غدي يخسرو قشرتهم وقطعتهم وزدت ليهم واحد 3حامضات مقطعين بقشرتهم كلشي في الكوكوط والماء على مافاتهم من فوق وسديتها شي ربع ساعةاو اكثر مشي مهم .طفيت ونزلتها ترتاح شوي.
حليتها وهي سخونة بلا مضيعي الوقت وطحنته فيها بالخلاط الطويل ودرت مقدار من الساندةتقريبا كيلو
غير بعيني ميزاني وخلطت بالخلاط ايوا هنا السر درت المقلة ديال وجدة وخليته على نار متوسطة
حتى ختار وعقد جا زوين ورائع بزاف.


المقلة دائما الماركة الثقيلة مكتوبة فيها وجدة من تحت اي منقوشة فيها اوكي.

رحلة احزان
31-01-2010, 02:02
كنتمنى تردو علينا لخبار.

oumsarayoyo
01-02-2010, 12:54
السلام عليكم ورحمة الله وبركاته
اختي maghribia7 ora راني جربت الوصفة
او تبارك الله عليك انا درت لاصوص واجدة
او زدت عليهم انا حك ديال الطن
او الحار

رحلة احزان
02-02-2010, 00:06
تجربتي للعسل من اللقاء المفتوح.

2كيلو ساندة.
1كاس ماء كبير.
وفي كموسة نضع(القليل من الزعفران الحر والقرفة عواد والزعتر وسواك الفم ونصف حامضة).

الطريقة.

فالكوكوط يوضع الكل على نار متوسطة ولما تصفر نحسب 15دقيقة ونطفي النار و نضيف 2كيسان ماء بارد حرارته عادية .
ضروري تبعدي وجهك منفوق الكوكوط صافي راها واجدة بدون مترجعيها للنار.

ملاحظة ماخوذة من تجربتي.

المرة الاولى ب 15دقائق جاني كالعسل الذي يدخل من اسبانيا جميل جدا لوصفات عديدة اوللاكل مع الزبدة والبغرير. وبقى لمدة شهرين حتى تقاضى.
المرة الثانية حسبت 10 دقائق جاني جاري شوي كنستعمله لجميع الوصفات لمعسلة كالشباكية او المقروط او الرغيفة او اي حاجة مغموسة في العسل يا عسل ههههههههههههههههههههههههههههههههه.

oumsarayoyo
02-02-2010, 21:01
تبارك الله عليك اختي
لالةو مولاتي
ان شاء الله نجربو او الرد عليك
انا ما كيصدقش لي العسل
غير كنشريه فرمضان
ولا كتصاوبو لي امي
هاذ المرة ان شاء الله غادي نتشجع او نجرب

rosiline
03-02-2010, 14:08
مشكوووووور والله يعطيك الف عافيه

رحلة احزان
03-02-2010, 19:06
شكرا لتواجدكن في صفحاتي.
تحياتييييييييييييييي.