المساعد الشخصي الرقمي

مشاهدة النسخة كاملة : تجمع مريضات الغدة الدرقية



ام الغميصاء
11-11-2010, 15:45
السلام عليكم ورحمة الله وبركاته
اخواتي في الله هاد المرض منتشر للاسف في بلادنا وعند النساء بالخصوص
الى تتعاني من هاد المرض تجي نتجمعوا ونصحو بعض وكل وحدة تحي تجربتها ومشاكلها مع المرض
والله يعافي الجميع يارب

ام الغميصاء
11-11-2010, 15:49
فينكم اخواتي

om ilyasse
11-11-2010, 16:12
أسأل الله العظيم رب العرش العظيم أن يشفيك ويشفي مرضى المسلمين

رجاءالخير
11-11-2010, 17:12
السلام عليكم ورحمة الله وبركاته اختي خاصك تحددي اشمن مرض لانه فيه انواع مثلا انا عندي قصور الغدة الدرقية hypothyroidie وكناخد levothyrox 50 أسأل الله العظيم رب العرش العظيم أن يشفيك ويشفي مرضى المسلمين

ام الغميصاء
11-11-2010, 20:54
انا اختي خليت الامر عام يعني كل الامراض لي تتخص الغدة الدرقية باس نستافدو كاملين ان شاء الله
والله يشافي الجميع

ام الغميصاء
12-11-2010, 18:39
للرفع

ام الغميصاء
14-11-2010, 14:38
فينكم

ام الغميصاء
12-12-2010, 01:45
.

ام الغميصاء
19-12-2010, 17:15
:s11873:

ام الغميصاء
19-12-2010, 23:40
فينكم اخواتي في الله

latifati82
26-12-2010, 22:01
سلام اختي انا مصابة بقصورالغدة الدرقية اظن ان المرض وراتي لان امي كانت مصابة بيها تبعت كينات levothyrox 50 ولكن بدون فائدة ولا عنقي منفوخ و كلشي ولا منتابه ليه مأخرا درت العملية او دابا متبعةlevothyrox 100 بحق مدى الحياة صراحة تقدم الطب شوية في المغرب او خياطة ما جاتنيش باينة شكرا اختي على طرحك هاد الموضوع

bouchraod
27-12-2010, 00:31
أنا عندي قصور الغدة الدرقية كنت كا نخد levotyrox 50 من بعد درت التحاليل ولقيتها مزيانة فقطعت الدواء شي 3 سنوات فوليت كانحس براسي عيانة وفي بحال الاكتئاب وقلبي تيضرب وراسي ثقيل بحال يلا الدم ما كايوصلش ليه وكاتجيني بحال الشهقة كا نغي نموت وعاد هاد الشهر رجعت ل الطبيب ودرت التحاليل وليكوكرافي ، فقالي عندك ناقصة وضعيفة وعطاني عاوتاني ليفوتريكس و واحد الكينة فيها الكورتزون وقال لي شربيها 15 يوم ورجعي عندي . أسال الله العظيم ان يشفي الجميع

الراجية عفوربها
27-12-2010, 00:44
اخواتى الله يشافيكم ويشافى كل مبتلى
حبذا تحكيلنا اختى كيفاش عامل المرض
وكيفاش اكتشفتيه اشنو العلامة ديالو
باش الفائدة تعم
الله يجيب الشفا

bouchraod
27-12-2010, 14:31
انا اكتشفت غير بالصدفة لانني كنت كا نحس بالتعب وما تا نقدر ندير حتى حاجة ، وجاني اكتئاب وكانت عندي ضربات القلب زائدة وكنت احس بالخوف واحد نهار كانت عندي واحد المجلة كاتكلم على الغدة الدرقية فلقيت نفس الاعراض لي فيا فقررت الدهاب للطبيب عملت التحاليل والراديو فوجد عندي الغدة ناقصة ولو يجدها منتفخة او فيها شي ولاسس الحمد لله

الحرة2009
27-12-2010, 14:57
السلام عليكم الله يشافينا ويشافي كل مريض
انا عندي نشاط مفرط للغدة الدرقية العكس ديال القصور الاعراض ديالها هي زيادة دقات القلب نقص في الوزن رجفة في اليدين وانا قالي الطبيب خاصني ندير العملية من دابا شهر ونصف ووصفلي الدواء باش توقف النشاط ديالها الدواء اسمو dimazol 10 mg
الله يجازيكم بخير اللي كيعرف شي طبيب مزيان ديال الغدد في مدينة فاس يخبرني بيه لاني في امس الحاجة ليه

ام الغميصاء
27-12-2010, 15:03
شكرا لكم على التجاوب والله يشافينا يارب
بغيت نعرف اخواتي واش كاتشكل مشاكل في الحمل ولي متزوجة وعندها مشكل الغدة الدرقية تخبرنا به
شفاكم الله وعفاكم

ياسمينة نور
27-12-2010, 15:20
سلام عليكم ، الله يشافيكم يا رب و يشافي جميع مرضي المسلمين
انا سمعت واحد البنت في العائلة مسكينة حتى هي مريضة بالغدة الدرقية ، ولكن ما عرفت شنو عندها واش قصور او زيادة النشاط
هي مسكينة غادي تقرب 40 عام وباقي ما تزوجت ، و نحيفة و عنها زيادة في نمو الشعر ديال الوجه
و دابا يالله دارت التحاليل و قال ليها الطبيب لابد من العملية ، رادي ديرها هاد الشهر جاي
بغيت نسولكم واش العملية لي غادي دير واش استئصال كامل للغدة او لا شنو ومن بعد العملية واش كيكون هناك شفاء كلي للمرض ؟؟؟
الله يجازيكم بالخير دعيو معاها مسكينة بالشفاء
لا اله الا الله محمد رسول الله

السيدة خديجة
27-12-2010, 15:44
السلام عليكن اخواتي انا يا الله عملت عملية استئصال الغدة الدرقية الي في الجانب الايسر في غشت الماضي و الحمد لله لباس في صحتي و الطبيب ما خرج لي الدواء لان النصف ديالها في الجانب الايمن كافي بالنسبة الجسم و كنصح الاخوات الي فيهم الغدة الدرقية ما يولدوش لان كتكون هناك حالات التخلف العقلاني او النقصان في القدرات العقلية عند الجنين و الحمد لله اني كتشفتها بالصدفة و هي في الاول ديالها و كنتمنى الشفاء للجميع

ام الغميصاء
27-12-2010, 17:41
احكيو لنا اخواتي مشاكلكم مع الغدة الدرقية والحمل وشكرا

ام الغميصاء
27-12-2010, 17:56
اختي حرة 2009 واش حملتي واخة عندك نشاط في الغدة واحكي لي تجربتك وشحال كلفاتك العملية

rijane
27-12-2010, 18:10
السلام و عليكم لبنات انا عمري 21سنة باقة ممزواج ولكن في طور الزواج كنت ديما كنحس بتعب ا كنتعصب دغيا ا ايديا كيرتجف ا قلبي كيضرب بزااف ا ديما خايفة واحد نهار حسيت بعنقي منفوخ شوية من وراه جاوني الوذنين مشيت لطبيب خديت دوا على الوذنين امشي عند طبيب اخر باش نحيد شك تاع الغدة ا درت تحاليل ا ليكوكرافي ا سانتيغرافي ا لقيتهم عندي فرط ا عطاني دوا dimazol 10mgا ناخد 6 حبات فنهار خديتهم مدة 2شهور لقيتها نقصات بزاف نقصو لي دوا وليت ناخد 4 ا من بعد 2 شهور تاني عنقي زادتنفخ بزاف ا المرض ديالي كان goitre basedowا قالي ماشي ديال لفتيح ا ملي تنفخ عنقي بزااف بدلت طبيب ا مشيت لطبيبة خرى مزيانة ا بدلات لي دوا عطاتني levotherox50اوا اهو اتفش عنقي ا قالت لي من الاحسن نتي باقة صغيرة ديري العملية اتهناي ا عطاتني دوا اخر باش نعاون حيت تحليلة لقيتها طالعة تال 108تصدماتطبيبة ولكن الحمدالله فظرف شهر تقادو لي ا قالت لي فهاد سيمانة نشاء الله ديري العملية شفت شحال من طبيب ا مشيت عند هاداك الليل صيفتاني لو ا الحمد الله دابا شهر باش درتها حيدتهم كاملين ا دابا بديت levotherx100ديما طول الحياة ولكن ميهمش لمهيم تهانيت من تحاليل ا الاعصاب ديال والو ا اللي بغيت نعرف هو اش كاينة هنا شي وحدة دارت العملية باقة بنت ا ملي تزوجات حياتها كانت عادية ا الولادة ا داكشي!طبيب قالي متخافي والو عادي هادشي لي كاين الله اشافي الجميع

الحرة2009
27-12-2010, 20:25
السلام عليكم اختي ريجان معندك علاش تخافي حياتك غتكون عادية انشاء الله
في عائلتنا وحدة حيدتها كلها وعوضوهالها بالدواء كانت باقا ممزوجاجش تزوجت وحملت عادي ودابا عندها وليد غزال الله يحفضولها


اختي قولي لينا على العملية واش صعبة وشحال كلفتك العملية وكلشي كيتعلق بالعملية انا غنديرها من دابا شهر نصف وخايفة بزاف انا عندي غير جهة اليسرى اللي مريضة

rijane
27-12-2010, 20:34
مرسي اختي حرة اه داكشي لي قال لي طبيب و طبيب قال لي من الاحسن تحيديها كاملة حيت الا حيدتي غير جهة تقدر تمرض تا لخرى ا اضطري ديري عملية ثانية ا بصح وحدة كنعرفوها طرا ليها داك المشكيل ا الله اسهل الا مر اصافي بالنسبة العملية انا فكازا دارتها فكلينيك سارة طبيب ديالي كيخدم تماك لمهيم انا مشفت والو تا لقيت راسي فبلاصتي ا محسيت بوالو كنهضر غير كان ضربني البرد بح صوتي شوية ا كناكل عادي قالي طبيب كولي عادي كلشي بقيت 3 ايام فكلينيك ا بعدا قبل جاو اديرو لي عملية درت تحليلة ديال الدم لقاو الدم ديالي جاري بزاف bilan de mostazتيقولو ليهم عاد تبعت تاني دوا سيمانة عاد تقاد لي اوا العملية كلفات لي مليون نيشان ولكن طبيب حمد الله تلاقيتو ضريف ا مخلص فالعمل ديالو ا نصحك راه ماشي اي طبيب تا تعرفي معامن

الحرة2009
27-12-2010, 21:49
الله ينولك اللي فبالك اختي ريجانة واحد السؤال اخر واش كيديرو التيو في العنق ومن بعد كيفاش كيحيدوه والله يشافي الجميع

الحرة2009
27-12-2010, 21:56
اختي خديجة كيفاش دازت العملية انا راه غادي نموت بالخلعة واش كيديرو التيو في العنق وكيفاش كيحيدوه

rijane
28-12-2010, 15:41
اه يا لحبيبة كيديرو واحد التيو كيصفي الدم فديك الفنحة فجنب ديال لخياطة الا بغاو احيدوه حيت هو الراس ديالو فيه ابرة غير كيجرو ديك الابرة كيتجر مكتحسي بوالو كاع االله اكتبقاي تبدلي الفصمة كل نهار وي ا نهار لا تا كدوز 12يوم كيحيدو ليك الخيط تا هو غير كيقطعو العقدة اللي فجنب كيجروه مكتحسيش الله انا بوحاطية ا محسيتش ههههه افديك 12 يوم لولا كتبقاي تشربي واحد الدوا فلوكسام ديال المكروب تا كتخرجي من صبيطار حيت قبل كيديرو ليك فصيروم الا حيدتي صيروم كيديروه ليك فديك ليبرة فاش كان صيروم ف ايديك هاديك هيا لي صعيبة شوية كنبكي انا هههههههههههههههههههه صافي هادشي لي كاين حبيبة الله اشافي الجميع نتي من انا مدينة زين ا شحال فعمرك

ام الغميصاء
28-12-2010, 16:31
شكرا على تفاعلكم مع التجمع لي درت اخواتي المتزوجات يكيو لنا على الحمل كيفاش كان واش عادي ولا كاين صعوبات والله يشافينا كاملين يارب

السيدة خديجة
28-12-2010, 16:40
انا الحبيبة الحرة 2009 كما قلت ليك عملتها في غشت الماضي تقريبا ب 7000 درهم في المصحة عند الطبيب مختص في الانف و الحنجرة و هو كدلك جراح جلست في المصحة 3 ايام و فعلا كيديروا التيو في العنق تحت الفتحة و ما كيحيدوه حتى كيتسلا الماء و الدم يعني مابقاش اخرج انا حيدت نهار الثالث عاد خرجت و ما تخلعيش راها عملية بحال اي عملية و ابسط و انا في هده المرحلة كنت كنرضع ولدي و لكن الحمد لله و دبا ما بقيت كنحس بالسخفة و الله اشافيك اختي توكلي على الله و سيري حيدها و تهناي

ام الغميصاء
28-12-2010, 18:51
السيدة خديجة اختي احكيلنا اشنو كان عندك واش زيادة النشاط الغدة ولا العكس وكيفاش كان الحمل مع المرض واش مكاينش مشكل و كدلك واش المولود تزاد سليم ولا عندو مشاكل وشكرا
واعتدر على الاسئلة الخاصة الله يشافنا يارب

السيدة خديجة
28-12-2010, 18:57
الحمد لله ان الغدة جاتني بعد الولادة مباشرة انا شكيت في البنج النصفي و الدري الحمد لله سليم ما بيه والوو الغريب ايضا اني قبل ما ندير العملية درت التحاليل و هي طبيعية و لكن الطبيب اكد انها الغدة شوفي اختي ما تخافي والو انشاء الله و على فكرة بالصدفة سمعت اليوم واحد الدواء في الراديو ديال الغدة و هي سهلة ممكن تجربيه و انا كدلك الي بغيتي نعلمك بيه

الحرة2009
28-12-2010, 19:05
شكرا اختي ريجانة وشكرا لختي خديجة فين درتي العملية انا مدينة وعفاك الى ماتقوليلي على الدواء اللي سمعتي في الراديو الله يخليلك وليدك

الحرة2009
28-12-2010, 19:09
واحد السؤال اخر اختي خديجة انتي كان عندك نشاط ولا الخمول وهاد الدواء اللي سمعتي ديالاش

bouchraod
28-12-2010, 19:35
أسأل الله الكريم العظيم الرحمن الرحيم ان يشافي الجميع آميــــــــــــــــــــــــــن

ام الغميصاء
28-12-2010, 21:30
اختي قولنا لنا على الدوااء الله يجزيك بخير وكدلك خبرينا واش لقيتي عندك خمول ولا نشاط

السيدة خديجة
28-12-2010, 21:43
انا اختي من مدينة اكادير درت العملية في مصجة تاغزوت الدكتور رفقي هو الي عملها لي و الدواء الي سمعت هو ساهل و يصلاح لنشاط او خمول الغدة الدرقية و هو عبارة على الوراق ديال اللفت ايه اللفت سواء كان ابيض او اصفر اي نوع و يتيبسوا في الضل انتبهي في الضل ثم اتدقوا يعني نطحنوهم و مع الريق نسفوا ملعقة صغيرة بالماء قبل الفطور لمدة اسبوع غدي تلاحظي الفرق نتمنى نكون فدتكن اخواتي

ام الغميصاء
29-12-2010, 11:30
الله يجزيك بخير اختي خديجة والله يبارك لك في ولدك

الحرة2009
29-12-2010, 13:44
شكرا اختي خديجةالله يجازيك بخير انا سمعت اللي عندو نشاط دالغدة مياكولش اللفت والله الى حرنا الله يحد الباس
اختي خديجة انتي حيدت غير الفص الايسر من الغدة وماقالك الطبيب والو كايقولو بانها كتعاود ترجع في الجهة الثانية مع الوقت الله يستر

rijane
29-12-2010, 16:41
شكرا اختي خديجةالله يجازيك بخير انا سمعت اللي عندو نشاط دالغدة مياكولش اللفت والله الى حرنا الله يحد الباس
اختي خديجة انتي حيدت غير الفص الايسر من الغدة وماقالك الطبيب والو كايقولو بانها كتعاود ترجع في الجهة الثانية مع الوقت الله يستر

اه يا زين شحال من واحد طرات ليه ا الا كانت كتعصب اداكشي كتعاود ترجع ا اقدر تعاود العملية انا طبيب ديالي قالي من الاحسن تحايديها اتهانيا ا نيت بصح حيت بزاف ت الاطباء كيبغيو احيدو غير النص حيت العملية ديال تحيديها كلها صعيبة ا مكيبغيوش اديروهابزااف اوا الله اشافي الجميع ا بنسبة لي دارت العملية قبل متزوج اش استعملات موانع الحمل فحال الكينة ا كان عادي مكيت تا تاثير ا قالو لي انا هاد دوا ليفوتوريكس كيغلض مع المدة ا ش بصح

الحرة2009
30-12-2010, 20:49
اختي ريجان انا معندي حتى فكرة على السؤال ديالك انا راه مزوجة دابا 5 سنين وما زال ماحملت وهاد الطبيب اللي قالي عندك الغدة قالي تقدر تكون فيك شحال هادي ومتعرفيهاش وتشدلك الحمل وبقا في الحال بزاف حيت حتى طبيب ديال النساء اللي كنت م تبعة معاهم عمر شي واحد معمرو سولني او قلبلي عنقي مع العلم اني تهديت مع الاطباء فهاد المجال والله يحدالباس وشافينا كاملين
ربي لاتذرني فردا وانت خير الوارثين

اكرام الحليمة
31-12-2010, 00:11
السلام عليكم
نحكي ليكم قصتي كيفاش اكتشفت الخمول في الغدة الدرقية اولا عندي مشكل ديال الثعلبة لمدة 3 سنوات حتى مشى لي شعري ومن بعد بدات كتنتشر لي في جسمي مخليتش شي طبيب ممشيتلوش ولا شي حاجة بلدية اللي مدرتهاش قصة طويلة مع المرض دابا بديت مع واحد الطبيبة ديال الجلد والشعر عطاتني ندير تحليلة ديال الغدة الدرقية لقيت عندي خمول بديت الدوا دابا شهر مبقيت فاهمة والو كنحس بقلبي كيتقطع خسرنا الملايين تقول باش نطيح شعري مشي باش نتعافا سمحو لي على هاد المشاركة الكئيبة

rijane
31-12-2010, 00:22
السلام عليكم
نحكي ليكم قصتي كيفاش اكتشفت الخمول في الغدة الدرقية اولا عندي مشكل ديال الثعلبة لمدة 3 سنوات حتى مشى لي شعري ومن بعد بدات كتنتشر لي في جسمي مخليتش شي طبيب ممشيتلوش ولا شي حاجة بلدية اللي مدرتهاش قصة طويلة مع المرض دابا بديت مع واحد الطبيبة ديال الجلد والشعر عطاتني ندير تحليلة ديال الغدة الدرقية لقيت عندي خمول بديت الدوا دابا شهر مبقيت فاهمة والو كنحس بقلبي كيتقطع خسرنا الملايين تقول باش نطيح شعري مشي باش نتعافا سمحو لي على هاد المشاركة الكئيبة

اه حبيبة ميكون عندك باس الله اشافيك راه تا انا ف هاد الاواخر ولا شعري كيطيح بزااف و لكن الحمد الله اكتشفت المرض فوقتو ا لحمي ولا فيه زغب كثير و زراكيت بزاف ولكن الحمد الله

خديجة الأنيقة
31-12-2010, 02:43
السلام عليكم
حتى أنا عملت عملية استئصال النصف الايمن للغدة الدرقية فشهر10ديال العام اللي فات والحمد لله دابا

خديجة الأنيقة
31-12-2010, 02:45
الله يشافي الجميع أما هاد المرض هاد ديال العصر الله يحد الباس وصافي والمؤمن مبتلى

ام الغميصاء
31-12-2010, 12:19
حتى انا شعري كايطيح بزااااااااف الله المستعان والفطريات في البشرة والجفاف

rijane
31-12-2010, 12:28
لبنات حيت انا يا الله درت العملية شهر دابا عافاكم اش الفتحة غتبقا باينة بزاف ا شحال المدة باش متبقاش تبان حيت عندي العرس فشهر 3 انشاء الله ا بغيت نعرف اش هاد الفترة غتبرا مزييييان

السيدة خديجة
31-12-2010, 15:31
بقاي الحبيبة ديري زيت اركان البيض الي مامكليش و بالنسبة للغدة الدرقية الى حيدتي النصف ما شي بالضرورة ترجع لان ستئصال و ها الدليل الانيقة خديجة هادي عام و شهرين و الحمد لله بالعكس كتغنيك على الدواء مدى الحياة و نزيكن اخواتي راه الاعصاب الي فينا الي مخرج هاد العجب و الحمد لله على كل حال

rijane
31-12-2010, 17:25
شنو تيدير زين اركان البيض راه انا باق دايرة دير لصقة striplديال سيكاتريس

رجاءالخير
31-12-2010, 17:56
السلام عليكم ورحمة الله وبركاته قريت قصتكم مع الغدة ياربي يشافينا جميعا انا عندي خمول في الغدة بديت ب levothyroxin25 لمدة 3 اشهر قطعتو مدة 2 اشهر رجعت خديتو مدة 3 اشهر من بعد خرجو لي levothyroxin 50 مشيت عند gynecho قالت لي هادا مجهد علي بزاف قالت لي نحبسو مدة 6 اسابيع درت التحاليل رجعت عطاتني levothyroxin25وقالت خاصني ندير راديو 2 مرات في العام كنطلبو الشفاء من عند الله

خديجة الأنيقة
01-01-2011, 01:35
بالنسبة لاتراس ديال التويو ، مثلا الى تقطعات ليك شي كسوة او شي صاية...وخيطيها واش غادي ترجع كيفما كانت؟ لابد من شوية ديال ليطاش

خديجة الأنيقة
01-01-2011, 01:38
إيوا الله يشافينا جميع والله تاعظيم كيفما قالت الاخت العصبية اللي فينا مخرجا فينا العجب.خاصنا نتكايسو شوية على ريوسنا

خديجة الأنيقة
01-01-2011, 01:40
إيوا فينكم ؟ ياك مانعستو

ام الغميصاء
01-01-2011, 12:49
حتى انا اختي العصبية هي السبب كنت فواحد الفترة تفقست مزيان ومشكل مشاكل مدياليش ولا الفقسة فقستي وتفقست مزيان وهي تخرج لي في البلاصة بين يوم وليلة لقيت عنقي منفوخ الله المستعان انا عطاني الطبيب العملية ولكن مزال مادرتها الله يلطف يارب

الحرة2009
02-01-2011, 20:11
السلام عليكم اختي خديجة الانيقة شحال تقامت عليك العملية وفين مدينة درتيها وعاود لينا على العملية والتكرفيس راه انا دابا شهر ونديرها بغينا نعرفو شنو وكيفاش بالتفصيل حتى انا عندي غير الفص الايسرالي مريض وخلعوني حيت قالك الى ماحيدتيهاش كلها كتعاود ترجع الله يستر

ام الغميصاء
03-01-2011, 12:24
اختي الحرة واش انت مزوجة واش لقتي مشكل في الحمل الى كنت متزوجة وشكرا

الحرة2009
03-01-2011, 17:02
اه ياختي الحمل وما ادراك ماالحمل انا عانيت من الانتضار انا مزوجة دابا 6 سنين وما زال ما سهل الله في الحمل والاطباء تيقولولي معندك والو حتى لدابا واحد الشهر اكتشفت الغدة غير صدفة مشيت ندوز على ودني كتعوجعني وهو يقولي راه عندك الكواطر ودابا منين سولني الدكتور على الحمل قلتلو م ازال قالي تقدر تكون عندك شحال هادي وتكون هي المانع وتفقست علاش حتى طبيب ما قلبلي عنقي او شك فيها واحد جارتي تاهي دابا 5 سنين ماحملتش قالتلي الطبيب اللي مشات عندو كيقلبلها العنق مع العلم اني درت الحقن المجهري والتلقيح الاصطناعي وما ن جحت حتى وحدة داكشي ديال الله ولكن الاطباء كثار منهم غير الماديين ايو نتمنى نحيدها واكون الخير

oum adam
04-01-2011, 15:41
أخواتي الله يجيب الشفاء للجميع ، نحكي ليكلم على تجريتي أنا مع الغدة الدرقية
أنا والحمد لله إكتشفت المرض بالصدفة حيث كنت دائما كنعاني من زيادة الوزن وزاد الأمر بعد الولادة حيث تزاديت كتر من 20 كيلو واخا ماكلتي عادية إوا عييت بواقيلا الرضاعة واكيلا الهرمونات مشيت عند الطبيب د الريجيم وملي قلبني قالييا شاك فالغدة وملي درت الراديو تأكد هذشي كنعود ليكم هذي 5 سنوات إوا عطاني ليفوثروكس درتو شي شهر مرضي ولات فيا الدوخة والسخفة ودقات سريعة د لقلب مهم حبستو شي عام ولكين بلامنقوليكم المشاكل الحمد لله اللي دوزت ومزال إوا وليت حالتي واحد النهار مشيت عند واحد الطبيب عام الله يعمر بيه كنت حالتي سخفة وتطيح ليا الحاجة من يدي ونحس براسي أنا غدي نطيح ودقات د القلب ومفاصلي مهم كلشي كيضرني ولكن أهم حاجة الإكتئاب وديما عيانة مهدودة معندي جهد واخا مندير والو إوا من تمّا سفطني عند طبيب د القلب على ود الضغط ولا كيطلع وكتب ليا باش نعود الراديو لعنقي حيث كنت حكيتلو على طبيب د الريجيم والغدة.... إوا الطبيب دالقلب عطاني دوا الضغط وسفتني عند طبيب الغدد على الوزن وعلى التأكد من الغدة إوا كتشفنا من التحاليل بلا السكر بدا يفوت الحد العادي ولينا فدوا السكرالحمدلله وراديو بّين بلاّ الغدة فيها كويرات بزاف أحجام متعددة لاسقين في الغدة الطبيب قاليا بلا ماشي ديال الدوا وخاص ندير عملية إستأصال كامل فأقرب وقت إوا الحمد لله على كل حال ختكم ميتا بالخلعة توكلت على الله ومشيت عند طبيب جراح سفطني عندو ودرت تحاليل باش نفتح وبديت كنوجد الوراق ومشيت لكلينيك وو ثم حصل أن الطبيب دار قدامي خطأ أنو مردش البال أن واحد التحليلة ديال آسلو مكروب ديال الحلاكم طالعة بزاف حتا نبهتو ليها إوا شدني الوسواس ومشيت عند واحد كيعرفوه عائلة راجلي حتا هو ملي شاف الراديو قاليا خاص يتحيدو ولكن سبحان الله تعكسات ثاني ولدي عندو مشكل وعطاه الطبيب الفتيح إوا سبقتو درت ليه العملية هدي 10 أيام وانا دابا توسوست واش إلا حيدتها وعشت بالدوا عمري كامل نخرج على راسي واش منقدرش نزيد على ولدي واش إلى محيدتهاش نتسبب الله يحفض فشي مشكل واش نقدر غي نأجل شوية حتى العام الجاي واش إلى ولدت قبل منحيدها حسن ؟؟؟؟ ألف سؤال كيدور فراسي
واش كين شي حالة فحال هذي واش تنصحوني ندير
ومتنساوش أنادابا كناخد فانيد سكر وفنيد الضغط وزادني ديال دقات القلب
سني 32 سنة لدي طفل واحد سنه 5 سنوات شعري كيطيح وناض ليا شعر تحت الذقن مرضني وعقدني والوزن واخا نقص مازال ممرتاحاش ولاكيضرني صدري جهة الرئة اليمني وجنب الأيمن واللور من جهة الظهر كنلقا شي كريات فعنقي كنموت ونبدا نفصل ونخيط حتى دابا الله يدير شي تاويل واش هذشي شي حاجة خطيرة ولا وسواس الله أعلم
فيدوني الله يجزيكم

ام الغميصاء
04-01-2011, 16:28
اش غادي نقول لك اختي ام ادم حالتي بحال حالتك عطاني الطبيب العملية ماعطنيش الدوا ولا والو قال العملية حيت حتى انا الكورة في الغدة وهنا مزالة مترددة كانقول حتى نتزوج و نولد عاد ندرها
هانا دابة تزوجت الحمد الله ولكن مزال مالتحقت براجلي وخااااااااااايفة بزاف يسبب لي في مشاكل في الولادة الله يرزقني ياربي الدرية الصالحة انا وكل محرومة
اختي بغيت نسولك واش ولدك تزاد مافيه حتى مشكل حيت كيقولو كيكون مشكل في نمو الاولاد او كيكون فيهم شي اعاقة بغيت نعرف منك اختي واش كنتي مريضة بالغدة قبل الحمل واش درتي تحليل tsh وشحال كانت النتيجة واعتدر على الاسئلة الكتيرة الله يشافنا كاملين يارب

خديجة الأنيقة
04-01-2011, 22:56
إيوا يا أختي راه تقامت عليا ب150 ريال ودرتها بكلينيك إيليغ بأكادير عند واحد الدكتورة فتالبرجت سميتها أمينة سعيد.والعملية دازت بخير وعلى خير.

oum adam
05-01-2011, 13:10
الله يجيب الشفاء للجميع ويرزق الأخوات الراغبات الذرية الصالحة عما قريب يآارب آمين
المهم أختيsbibita أنا معمرني عرفت هذ المشكل قبل من الزواج ولكن يقدر يكون حيث كنت كنعاني من زيادة الوزن وإضطرابا لدورة الشهرية يعني مني حملت مكنتش عارفة وولدي تزاد عادي الحمد لله غيرباش تعرفي فاش دار 3 سنوات واحد
العين بدات كتحوال وملي جريت بيه كتشفنا بلا مكيشوفش بها وديتو عند بروفسور واعر لقا المرض سميتو (كوست) كيكون خليقة مكتشفناهش ولكن معرفتش واش يقدر يكون عندو علاقة درت ليه عملية مسيكين مؤخراباش نكوويو لعروقا دالعين باش متصغارش الله يحفض

ختي كنظن بلامتشائمي أنا لبارح كنت عند الطبيب وسولتو واش إلا درت العملية منولدش قالي ماكين حتى علاقة ولكن واش الجنين يتعرض لتشوهات الله يحفض معرفتش
عندي بنت خالتي هذي سنين وهي كتخد دوا ولكن ممحيدهاش والدة 2 وليدات اصلاة على النبي عليهم وزادت بنت مؤخرا وهي كتاخد الدوا البنت عادية ولكن عصبية بزاف وقاليها الطبيب هي كتعيش فالخارج هدا من تأثير الدوا اللي كتاخد الأم
الله يدير لينا تاويل د الخير
ختي شوفي وكل الأخوات الطبيب البارح شرحت ليه بلا بغيت نعرف واش نقدر نأجل العملية حتى من بعد وقالي غذي نعطيك تديري واحد الراديو متطور يبين إلا كانو هدوك الكورات (لقافيا بزاف وحدة فيها 3 سنتيم ) دايزة فيهم سركيلاسيون د الدم خاص يتحيدو دآابا وإل مكانتش ماشي خطير بزاف نتسنا عاد نحيدهم وقاليا مهم فيك فيك التحياد
دعيو ا معايا ميكونوش خطيرين ونأجل حتى نولد يارب شافي الجميع حتى ندير الراديو ونقوليكم

نتي أختي إمتى تلتحقي براجلك

ام الغميصاء
05-01-2011, 13:47
شكرا على تجاوبك والله يشافي ولدك ياربي ويرقك درية صالحة باش تخاويه ومايكن حتىمشكل انا اختي مابقا والو ونلتاحق برجلي ان شاء الله
وخايفة بزاف ياربي تيسر امورنا يارب انا وياكم يارب وتشافينا
انا اختي بدات واحد العين كاتعيا ليا وولات جاحضة خارجة من بلاصتها شوية الله يشافينا يارب

رجاءالخير
05-01-2011, 14:25
السلام عليكم ورحمة الله وبركاته ياربي يشافيكم و يشافي جميع المسلمين و المسلمات

ام الغميصاء
05-01-2011, 15:14
اللهم امين شكرا لك اختي والله يعافيك يارب

خديجة الأنيقة
06-01-2011, 00:23
الله يشافي الجميع.والله ماكايبتلي غير العبد المؤمن.الله يلطف بنا جميع،ويجعل اللي كايصيبنا من مرض مغفرة للذنوب.آمين

خديجة الأنيقة
06-01-2011, 00:25
وان شاء الله كلنا مع بعضياتنا نتوانسو ونخففو على ريوسنا شيشويا.ومايكون غير الخير إن شاء الله.واللي غادي تدير العملية ديال الغدة الدرقية ماتخاف والو راه ماتشوف غير اللي كتب عليها الله.

jafrat
06-01-2011, 02:10
السلام عليكم ورحمة الله وبركاته

نشاركم بقصتي مع الغدة الدرقية اولا كنت دائما كنحس بالعياء ديما ضرني الراس ثم خرجات لي قوقة صغيرة في الجانب الايمن من عنقي بدات تكبر شوي بشوي ثم اخرى في الجانب الايسر في الحقيقةااهملت راسي ممشيتش عند الطبيب بديت كنحس بالعياء اكثر مشيت عند طبيب (الطب العام) نصحني نشوف اختصاصي في الغدة الدرقية اعطاني نعمل تحاليل و اكوكرافي و فعلا لقا عندي ترويد مريضة قالي لازم عملية وابعثني عند جراح كيف تيقولو المصريين "يديه تلتف في الحرير" ما شاء الله عليه سالتو واش غادي تزول لي مش ترويد كاملا او النصف قالي منقدرش نقول لك ملي كنفتح نقدر نلقا مفاجات قلت لو على بركة الله عملت العملية ققت من البنج عيانة شوي عادي منقدرش نحرك عنقي لانهم تيعملو لك لصقة شادا لك العنق كامل جا عندي الطبيب قالي قولي اههههه قلتها في الليل تكلمت عادي صوتي مبحوح شوي كلشي تخلع في الصباح جات المرضة باش تمشيني شوي قالت لي غادي تحسي بالدوخة والله محسيت بوالو سهلها الله علي واللي ضحكني هو الجوع اللي قتلني قالت لي اختي واش زولتي ترويد الا وسع لك المعدة ههههه في الصباح زارني الطبيب قال لي زولت لك ترويد كاملا لو خليتها غادا ترجع لك سرطان دبا الحمد لله كناخذ لفوتروكس100 صحتي بخير نعمل التحاليل والحياة تستمر عادي . طولت عليكم سامحوني ماتنساوش هذا مبتلى وحكمة ربنا اللهم لا اعتراض, اللهم اشفنا جميعا يا شافي

ام الغميصاء
06-01-2011, 14:01
jafrat شكرا اختي على تفاعلك معانا والله يشافيك ياربي ويعافيك
قولي لنا حياتك بعد العملية كيفاش الوزن واش هو هو واش كاتحسي بشي اعراض جانبية من بعد العملية الشعر كايطيح البشرة والعياء وكدلك الدورة الشهرية واش منتضمة والى كنت متزوجة قولي لنا حتى على الحمل والانجاب وشكرا
واهلا بك معانا

oum adam
06-01-2011, 14:57
على سلامتك أختي jafrat
آه الله يخليك جوبينا باش نعرفو أشنو السلبيات مني نزولوها
واش نتي ملي حيدوها دارو ليها التحاليل
والحمد لله على كل حال يارب خفف مانزل ونسألك دوام العافية

ام الغميصاء
06-01-2011, 15:04
اللهم امين يارب

ام يسرى و خولة
07-01-2011, 16:14
انا اكتشفتها عندي ف99 اعملت العمليةالعملية ساهلة مرت الامور على احسن مايرام حيدولي الجانب الايسر كناخد ليفوتيروكس 50نص حبة عندي بسوريازيست عندي عياء عدم التركيز ازدياد ضربات القلب ازدياد فالوزن غير انا كانبشر المراة اللي عندها الغدة الدرقية راه تقدر تولد ولكن بشرط ماتحيدش دواوبالمناسبة انا ولدت بنتي التانية سنة من من بعد العمليةوالحمد لله رها بخير وعلى خير فدكائها وفصحتها

ام الغميصاء
07-01-2011, 19:08
شكرا لك اختي على هاد البشرة الحمد الله والله يبارك لك في دريتك يارب
يارب تشافينا كاملين يارب

jafrat
07-01-2011, 19:24
السلام عليكم ورحمة الله وبركاته

سمحو لي مجوبتكومش كنت مشغولة كيف دايرين بعدا بخير دائما انشاء لله
من بعد العملية كنحس بخير اللهم لك الحمد ولكني مواضبة على اخذ الدواء في وقتو ندير كنترول كل شهرين والتحاليل نقول لكم قبل العملية كنت ضعيفة بزاف دبا غلضيت رجعات لاتاي ديالي زوييينة ههههه بالنسبة لدم الحيض حقيقة رجعات كثيرةشوي وشعري كيتساقط شوي نقول لكم حاجة واش كاين شي دوا بلا اعراض جانبية المهم تحسي براسك بخير واللي كتبها علينا المولى نقولو الحمد لله نصبر ونحتسب, انا عندي بنت ولدتها قبل ما نكتشف المرض كنفكر نعاود نولد نتمنا الله ميخيبني. الله يشافيكم يا حبابي انا والله ملي مرضت متقلقتش امخفتش لاني عارفا الله كيبغيني اه نسيت من بعد العملية كتعكلي التحليلة لديك البركة اللي حيدو منك و السلام عليكم ورحمة الله وبركاته

saadiya10
07-01-2011, 19:25
السلام عليكم يا اخواتي نحكي يكم قصتي مع الغدة الدرقيةز
انا كنت كنحس بالدوخة صداع راس زيادة في الوزن و الخمول كنتصحاب لى حاملة زبالصدفة اكتشفت المرض بعدفحصات قمت بها لاني اريد معرفة سب تاخر الحمل حمدلله عرفت اني عند خمول في الغدة واخدت اوتيروكس100والحمد لله ما جا فينيخرج لشهر حتىلقيت راسي حاملة دابة عندبنتي عامين و وليدعند شهرين عاديين ماعندهم حتى شكل.

ام الغميصاء
07-01-2011, 23:13
اللهم لك الحمد نشرتونا وريحتونا الله يريحكم ياربي ترزق كل محرومة ياربي الدرية الصالحة

خديجة الأنيقة
08-01-2011, 01:30
إيوا الله يشافي الجميع

oum adam
08-01-2011, 13:04
الله يشافي الجميع

خديجة الأنيقة
08-01-2011, 16:01
كانتمنى نسمعو حكاية أخت أخرى مع الغدة الدرقية.حيث الصراحة راه ستافدت كثير منكم.شكرا على فكلرة هذا التجمع.

ام الغميصاء
08-01-2011, 19:59
ياربي لك الحمد كما ينبغي لجلال وجهك وعضيم سلطانك

ام الغميصاء
09-01-2011, 12:21
صباح الخير عليكم المريضات هههههه

rihame04
10-01-2011, 21:52
الله يشافي مرضى المسلمين اجمعين

فاطمة ام يوسف
11-01-2011, 10:25
السلام عليكم صديقتي عندها انتفاخ في الغدة الدرقية تحاليل خرجولها مزيانين الي كتعرف شي حاجة تنصحها شنو الدير

ام الغميصاء
13-01-2011, 19:10
انت اختي قولي لنا المشاكل لي عندها واخة عندها الهرمونات مافيهم مشكل وشكرا

فاطمة ام يوسف
13-01-2011, 19:40
وقعلها انتفاح في العنق مشات لطبيب كالها عندك الغدة الدرقية منفوخة ولكن خدامة مزيان خصك تحيدها ودير دواء طول حياتها

ام الغميصاء
13-01-2011, 23:48
اختي حالتها بحال حالتي ومزال مادرت العملية اختي ممكن تقولي لي واش هي مزوجة وكيف امورها مع الحمل وصحتها

faty65
14-01-2011, 00:58
الله اشافينا جميعا
عندي قصور الغدة الدرقية
اكتشفه عندي أحد أطباء الطب العام بعد معناة طويلة مع المرض دامت سنتين دخت فيهما بين أطباء الروماتيزم والقلب والكلى والطب البديل حتى ظننت أنني مصابة بالسيدا لكن الله رحيم ذهبت صدفة عند الطبيب ريمي سعيد كان بمستشفى تالوين ناحية تارودانت وبمجرد ما رآني عرف سبب مرضي وطلب مني اجرا ء التحليل وكانت فرحتي كبيرة يوم عرفت نوع مرضي بالمناسبة أوجه تحية لهذا الطبيب الذي كان كالجندي مرابض في المستشفى وتجده ليلا ونهارا,
الحمد لله الآن أتناول دواء الليفوتيروكس وأتمرن مرتين أو 3 في الأسبوع في نادي رياضي لأن الرياضة مفيدة جدا

خديجة الأنيقة
14-01-2011, 01:34
إيوا الله يوفق كاع جميع الدكاترة اللي كايقومو بعملهم كما يجب ويسر أمورهم.وييسر أمور الناس أجمعين

oumilias
14-01-2011, 02:20
السلام عليكن اخواتي
جزاكن الله خيرا على ها الموضوع استفدت بزاف حتى انا عندي قصور الغدة الدرقية كناخذ ليفوتروكس 50 قالت ليا طبيبة المريض لعندو مشكل في الغدة الدرقية كياكل دوا مدى الحياة يله دوا لكتبدل نسبة ديالو يعني 50 25 75 100 قالت لي لابد مرة مرة نمشي ندوز و ندير تحليلة قالت لي عادي مافي حتى مشكل غير خاص المواظبة على الدواء .
واش الحمل عندو علاقة بالغدة الدرقية؟امكن هو لياجل الحمل؟افيدوني الله يجزيكم بخير خلاعتني الاخت ليقالت لعند مشكل في الغدة كيولد جنين عندو تشوهات عقلية الله يحفظ.
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين
اسال الله رب العرش العظيم ان يشفينا جميعا و جميع مرضى المسلمين

ام الغميصاء
14-01-2011, 14:59
اختي فاتي الله يشافيك واش انت متزوجة

فاطمة ام يوسف
14-01-2011, 17:29
متزوجة وعندها وليد قبل المرض

ام الغميصاء
14-01-2011, 18:29
اختي فاطمة هاد صحبتك واش الان بعد المرض تتفكر في الانجاب وماجابش الله ولا كيفاش كلمينا على حالتها بشكل عام الاعراض لي عندها وشكرا لك بزااف

nana212
14-01-2011, 20:32
السلام عليكم اخواتي الله يشافي الجميع يارب
انا بالصدفة شفت الموضوع
انا هادي سنتين باش درت عملية زولت الغدة الدرقية و مازال تنمشي عند الطبيب حيث ختكم ما عندهاش مع الحليب وديما مني تندير التحاليل تيلقى عندي نقص فالكالسيوم وبالنسبة للدواء تنشرب100 levothyrox والحمد لله ماتنحس بوالو غير مفاصيل عضامي شي مرات تيحرقوني والسبب هو الكالسيوم
وبالنسبة للانجاب قبل ما ندير العملية قالي الطبيب غادي تكون حياتك عادية وان شاء الله غادي تولدي
ودابا راني مخطوبة ادعو يارب يكمل عليا بالخير ويرزقنا الذرية الصالحة
وياربي يشافي جميع المرضى

rijane
14-01-2011, 22:43
nanaنتي فحالي تا انا ياالله درتها اعرسي نشاء الله شهر 4 ا قالي طبيب متخفيش غتكةن حياتك عادية ا لي تيكون عندهم مشكل فالانجاب اللي كتخربق ليهم الدورة الشهرية مع الغدة انا الحمد الله مقادة كتجيني فالوقت

ام الغميصاء
15-01-2011, 21:36
نسال الله يشافينا كاملين ياربي

nana212
15-01-2011, 22:17
الحبيبة ريجان الله يكمل عليك بالخير ويشافنا اجمعين

rijane
19-01-2011, 20:49
يا ربييييييييييييييييييييييييييي اميييييييييييييييين لينا ا الجميع المسلمين يا ربيييييي

M'DEGHRIADRAE
25-01-2011, 19:42
asalamo 3alaykoum ana ùeni jani hadak lmared mat9ebeltouch men be3ed meni l9ite bezaf dial nass fihoumù 3ad beredt chewiya
ana 3endi hypothyroidie w kanakhou dlevothyrox 75 ya3ni 50 +25. ana daba 3endi mouchkil rladite bezaf wach li 3endhoum had lmered tayglado

ام الغميصاء
25-01-2011, 19:58
اه اختي كايغلض
بغيت نعرف واش مزوجة واش عندك مشاكل في الحمل

ام الغميصاء
25-01-2011, 20:08
واش اختي المرض جاك قبل الحمل والولادة ولا من بعد وكيف هي صحة الجنين الى ولدتي طبعا حيت خايفين من هاد الامر ونسال الله يشافينا كاملين يارب

ام الغميصاء
26-01-2011, 12:25
فينك اختي

ام الغميصاء
27-01-2011, 15:19
للرفع

2FATIHA1
01-02-2011, 12:30
السلام عليكم ورحمة الله وبركاته
انا عندي الكوتر كتشفتهوم ملي حملت تفخ ليا عنقي و خلعني دوزت عند د مستضرف ف اكادير الله اعطيه الخير صتني عندو ال طبيب لي كن ت متبعة عند الحمل سميتو الشكر حسن ;قال لي ندير l echographie باش اعرف واش ديال الففتيح الحمد لله قال ل نتبع ها الدواlevotherox50 حيت رطبين زعما دكشي لي منفوخ رطب اوا ولدي بخير عندو عام و شهر مازال متبعا دوا. شحال هدي مدوزت حيت سكnت ف سلا دبا مكانعرف حتى واحد عندي الحيض قليل بزاف

2FATIHA1
04-02-2011, 18:40
السلام عليكم ورحمة الله وبركاته
انا عندي الكوتر كتشفتهوم ملي حملت تفخ ليا عنقي و خلعني دوزت عند د مستضرف ف اكادير الله اعطيه الخير صتني عندو ال طبيب لي كن ت متبعة عند الحمل سميتو الشكر حسن ;قال لي ندير l echographie باش اعرف واش ديال الففتيح الحمد لله قال ل نتبع ها الدواlevotherox50 حيت رطبين زعما دكشي لي منفوخ رطب اوا ولدي بخير عندو عام و شهر مازال متبعا دوا. شحال هدي مدوزت حيت سكnت ف سلا دبا مكانعرف حتى واحد عندي الحيض قليل بزاف

l mohim matkhafoch ra tbib gali makhasekch thiydihom kola haja f datna ila oliha dawr o gali ra hi lgelssa d l3yalat li hay3akdokom hit lmochkil d l goitre kaykhrej 3la jamaliyat l3en9 matkhafo walo li mazal matzowja hi tzawji incha alah hatwaldi otwali hyatek 3adiya oli mawaldach lah i7an 3liha tb3o dwa dyalkom

خديجة الأنيقة
05-02-2011, 13:42
السلام عليكم الأخوات مالكم صافي مابقيتوش كاتدخلو ياك ماوقع شي حاجة.

خديجة الأنيقة
05-02-2011, 13:45
ربي ماكايخيب أحد الله يدير اللي فيه الخير.والله يشافي الجميع والله ماكيبلي غير العبد المؤمن

ام الغميصاء
05-02-2011, 13:50
امين اختي خديجة الله يشافينا
انا حاسة بزاف في المنتدى عندهم هاد المشكل الله يشافينا ولكن مازال مادخلو يتفاعلو مع الموضوع
وبنسبة للاخت لي قالت نتبعو الدوا المشكل انا ماعطونيش الدوا غير العملية صافي والله يشافينا

خديجة الأنيقة
05-02-2011, 14:22
راه من الأفضل تحيدي الضرر ولا تخليه يتفاقم

خديجة الأنيقة
05-02-2011, 14:25
أنا ملي قالت لي الطبيبة خاصني ندير العملية الصراحة خفت وتخلعت وبكيت ولكن الحمد لله الآن تهنيت . وقالت لي الطبيبة أنه حسن تكون عندك العملية باش تستأصليه ولا تبقاي.وأن اللي عندو العملية راه مزيان.

خديجة الأنيقة
05-02-2011, 14:27
إيوا هذا ماكان والله يعفو على الجميع

ام الغميصاء
05-02-2011, 14:49
يكون خير ياربي انا خايفة والله ماشي من العملية لالا خايفة ما بعد العملية يكون عندي مشاكل في الحمل ياربي تيسر امورنا وترزقنا الدرية الصالحة يارب

خديجة الأنيقة
05-02-2011, 21:11
لا واه يا الحبيبة والله ماتشوفي غير اللي كتبو الله عليك. وبغيت نزيدك أنني سولت الطبيبة ديالي على هذه المسألة وقالت لي أنه لا علاقة بين الاستئصال و الحمل. وزيدون الحمل رزق من الله تعالى والله إلى ماكتب ليك الله الولاد لاشفتيهم و العكس صحيح. وربي ماخيب الأمة المؤمنة تفاءلي خيراً تجدي خيراً إن شاء الله. والله يفرحك ويعطيك ماتمنيتي، ويوفقك لما فيه الخير .نتي وجميع الأخوات اللي في المنتدى.آمييييييييييييييييييييييييييييييييييين.

خديجة الأنيقة
05-02-2011, 21:17
لا واه يا الحبيبة والله ماتشوفي غير اللي كتبو الله عليك. وبغيت نزيدك أنني سولت الطبيبة ديالي على هذه المسألة وقالت لي أنه لا علاقة بين الاستئصال و الحمل. وزيدون الحمل رزق من الله تعالى والله إلى ماكتب ليك الله الولاد لاشفتيهم و العكس صحيح. وربي ماخيب الأمة المؤمنة تفاءلي خيراً تجدي خيراً إن شاء الله. والله يفرحك ويعطيك ماتمنيتي، ويوفقك لما فيه الخير .نتي وجميع الأخوات اللي في المنتدى.آمييييييييييييييييييييييييييييييييييين.

خديجة الأنيقة
05-02-2011, 21:24
إيوا فينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خديجة الأنيقة
05-02-2011, 23:06
البنات وافينكم يا الغزالات

خديجة الأنيقة
05-02-2011, 23:09
زعما بغينا نستامعو لأكبر عدد ممكن من المنتميات لهذا التجمع.واخا نطلبو السلامة للجميع والعافية

qahwa
05-02-2011, 23:16
السلام عليكم ورحمة الله تعالى وبركاته فالحقيقة الغدة الدرقية او مشكل الغدد بصفة عامة خاصو يتعالج من البداية ديالة ولكن الى كتاشفتيه حتى يفوت الفوت وعطاك الطبيب ديري العملية ديريها من الاحسن الى كانت خطيرة ةكبرت ليك لانها بعد المرات تاتسبب فالسرطان وتاتشد فالعروق ديال القلب الله يجيب الشفاء يا رب للجميع انا ما بغيتش نخوفكم ولكن هده التجربة عشتها ما الوالدة لمدة 10 سنين وهي بالغدةا وحرت معاها وتعدبت معاها بزاف ولكن فالاخير خضعات لام الواقع لانها ولات تاتخنقها وعنقها تايتنفخ وشعرها طاح واسنانها والنظر حتى هونقص ليها وبنت جيرانا تنفخو عينيها ومابقاتش تاتشوف الله يسترنا ويستركم جميعا هدا ماتايعنيش انه ماكاين دواء ماتنساوش ربي كبير والى بغا يشافي راه تايشافي مابين يوم وليلة ولكن الوقاية احسن من العلاج والله الحامي والشافي
اخواتي انا اليوم وبادن الله تعالى جبت لكم وصفة طبيعية لتنظيم الغدد وجعلها تعمل بنشاط وانضباط بحوله تعالى

الوصفـــــــــــــــــــة = الحبة السوداء مطحونة تخلط مع العسل اضافة لبضع قطرات من غداء ملكات النحل وتاخد لمدة شهر على الاقل فهدا سيساعد ان شاء الله
على عمل الغدد بشكل طبيعي بقدرة الله وكرمه على عبادة

تانتمنى تبعو هده الوصفة والشفاء بيد الله تعالى والسلام عليكم ورحمة الله تعالى وبركاته

ام الغميصاء
06-02-2011, 01:14
الله يعطيك الستر احتي والجنة ونعيمها يارب شكرا لك والله يشافي الام ديالك يارب

ام الغميصاء
06-02-2011, 01:15
تبارك الله عليك اختي خديجة والله يشافينا والله كلامك اتر في بزاف لاني غفلت على هاد النقطة الله يعفر ليا يارب
شكرا لك وشكرا على حماسك وتشجيعك لهاد التجمع لي والله احنا بحاجة لتجارب الاخوات مع هاد المرض نساء الله يشافينا

qahwa
06-02-2011, 12:59
السلام عليكم ةرحمة الله تعالى وبركاته الله يشافيكم اجمعين ويشافي جميع مرضى المسلمين حاولي تربة هده الوصفة بادنه تعالى سوف تفيدكم
وحاولو ان تكثروا من اكل الفجل والخص والسمك التنة او السردين كلهم غنيين باليود والله يجيب الشفاء

ام الغميصاء
06-02-2011, 13:22
شكرا لك اختي على النصائح قولي لنا كي بقات الوالدة ديالك الله يشافيها بعد العملية مزال تساقط الشعر و المشاكل الاخلى ولا مشاو صافي وشكرا الله يخليها ليك ويشافيها ياربي

qahwa
06-02-2011, 21:55
السلام عليكم ورحمة الله تعالى وبركاته ايوا هي دابا الحمد لله عندها الدواء مدى الحياة لانها استاصلتها كاملة الله يشافيكم وينجيكم دارت ليها الولاسس ومرضات ليها لانها كانت خايفة واماطلات شحال 12 سنة عاد دارت العملية ربي يشافيكم اما الي ما استاصلتهاش كاملة مزيان عندها الدواء لواحد المدة معينة وصافي تا يقطعوليها الطبيب الله ينجيكم ولكن فالمدة الي هي قطعات الدوا قبل ما دير العملية مدة 6 سنوات كنت انا تانداوم ليها ديك الوصفة وكانت مرتاحة شوية وملي قطعاتو زاد عليها الحال ايوا فالاخير ماكان حتى شي حل مشات حيداتها ايوا الله يشافيكم ويشافي مرضى المسالمين كافة اجمعين صدقوني عمليتها ساهلة وما تاضرش من بعد تفيقي من البنج والله يشافي والسلام عليكم ورحمة الله تعالى وبركاته

qahwa
06-02-2011, 21:56
ايوا حتى من بعد العملية فالفترة ديال النقاهة طاح ليها ولكن تايعاود يخلف الله يشفيكم يا رب

ام الغميصاء
07-02-2011, 16:56
امين ياربي اختي جزاك الله خيرا عنا يارب
والى سمحتي لي قولي لنا فين عملت العملية وبشحال تقامت عليها وشكرا لك مرة اخرى

qahwa
08-02-2011, 15:45
الله يسافي الجميع يا الله

qahwa
08-02-2011, 15:51
اختي العملية هنا في مكناس ولكن هي ماشي غالية بزاف لكن احنا ماما لاميتييل هي الي خلصات ليها الكلينيك والدوا وخلصنا احنا 2500 درهم فقط لكن لازم تكون عندك التغطية الصحية باش تخلصي غير المبلغ هدا

qahwa
08-02-2011, 15:58
هاد 2500 قبل مادارت العملية خداها الجراح فيدو ولكن الكلينيك المبلغ ديالة مع الدوا واللزوازم 8000 درهم او 10000

bsmhi
08-02-2011, 16:49
السلام عليكم الصراحة اختى ماشى انا لكن مرات خوى هى لى عندها هاد المرض دوى لكاتاخد غلضها بزاف او ما عرفتاش اشنو تعمل الى كان شى اخت عندها نفس المشكل او لقات شى حل تقولو الله يجازيكم بخير

ام الغميصاء
08-02-2011, 23:08
الله يشافي مراة خوك اختي نتمنى الاخوات يجوبوها تحاول ديري الرجيم و الرياضة ويكون خير
و قولي لنا مراة خوك من فوقاش بداها المرض واش عندها وليدات ومكانش عندها مشاكل في الحمل

ام الغميصاء
10-02-2011, 14:00
للرفع

خديجة الأنيقة
12-02-2011, 22:14
السلام عليكم، بغيت نقول للاخت ديالنا الله يشافي مراة خوها. بغيت نسولك واش الجويتر اللي فيها واش هو من النوع اللي ماكاتدارليه العملية. وبغيت نقول أيضا أنه كاين واحد النوع من الجويتر كايغلظ.والله يعفو على الجميع ويشافيه.

خديجة الأنيقة
12-02-2011, 22:41
وا فينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

m_fatiha1
14-02-2011, 21:32
بسم الله الرحمن الرحيم
السلام عليكم ورحمة الله وبركاته،
فعلا أختي هذا الموضوع مهم أ بزاف ديال الناس ما تاي عرفوش شحال ديال الامراض يمكن تسببهم الغدة الدرقية، و منها: القلب، ألآم المفاصل، الأعصاب، كما
يمكنها أن تسبب العقم، و أطلب من الله الشفاء لكل مسلم و مسلمة.

zaria
23-02-2011, 01:01
salamo 3alokom lahbibat ana nabghi nsawalkom alah yjazikom

zaria
23-02-2011, 17:12
ala yachafi jami" almoslimin ya rab

zaria
23-02-2011, 17:37
salamo 3alikom ana mrida bi alghoda dara9iya ou tbib dyali 9al liya khasak diri lramaliya ghadi yhayadha kamla ha9ach fiha awram ou 9Alo liya nass anani ila hiyadtha kamla GHadi nwali ra9im yarni maba9ich nawlad fidoni rafakom allah ychafi ljamir

GRAYAHIBE
23-02-2011, 23:41
salamo 3aliko alahbibat ana bghit nsawalkon ila darat l3amaliya ou hiyadtha kamla wach maba9ich ghadi nawlah jawboni 3Afakom rani masdoma ou bghit na3raf 3afakom

ام زين 31
24-02-2011, 01:28
انا اختي هادي سنين وانا عندي التهاب الغدة الدرقية ولكن بدون دواء كل 6 اشهر كندير التحاليل وكنشوف فين وصل التهاب ومن بعد عاد يقرر الدكتور واش ناخد العلاج ولا لا وهي كل مرة كتكبر ولكمن اكد لي دكتور المختص انو ما محتجاش عملية الله يشافي الجميع

ام زين 31
24-02-2011, 01:32
حتى انا غلاضيت في الاول ولكن الحمد الله تحديت راسي ودرت رجيم ودابة الجسم ديالي معقول وما كناخد حتى ش دواء ولكن كل 6 اشهر كندير تحاليل وهادي شي 7 سنوات وهي فية وحتة الاخت ديالي فيها كتشفتو الدكتورة ملي كانت حاملة وعطاتها دواء ومزيان ولكن اختي وكالة كتاكل يعني ما بينش راه نقصت المهم كتاخد دواء

أم أروى الحبيبة
24-02-2011, 18:03
السلام عليكم ورحمة الله وبركاته
اخواتي قريت قصصكم مع هاد المرض الله يشفكم
انا نعاود ليكم في عمري 21 سنة متزوجة اكتشف ها المرض مني عينيا بداو كتنفخو والا خرجت في البرد كيدوزو الدموع مشيت عند طبيبة العيون قلبتني حتى عيات قالت لي عند واحد الحبوبة صغيرة و دارت لي عملية صغيرة وحدتها وعطتني الدواء تبعتو ولكن بقيت كيما انا دازت مدة مشيت غير مع مرة خوية عند طبيبة ديال الولادة شفتني غير من عينية عرفات عندي الغدة الدرقية وقلبتني من عنقي وقالت واش عندك شي حد في عائلتك عندو الغدة الدرقية قلت ليها اه ماما عندها قصور الغدة الدرقية قلت لي راه عندك وراثي صافي حسيت بدنية ضاقت بية و عطيتها غير لبكا مني وصلت لدار قلت اعوذ بالله من الشيطان و الحمد لله على كل حال المؤمن مصاب مشيت لدرنا بقيت عطيها غير الضحك فاش قلتها لماما كتصحبني غير كنضحك حتاش كان كصحاب لينا غير ديك الحبوبة الغد مشيت عند ختصاصي الي متبعة معاه ماما قلب لي عنقي قالي بلا مندير التحاليل وليكوكرافي حتاش داك الي عندك باين وخرج لي dimazol . avlocardyl تبعهم شهرين وكان خاصني نمشي عند راجلي لامريكا قطعت الدواء وانا دابا 3 اشهر مشيت عند طبيب هنا يلا دخلت قلبتني الطبيبة الاولى شوية داتني عند طبيبة انا باركة نتسنا هما ايجو ممرضات حيدو لي حوايجي لبسوني بيجامة شوية شي 2 اطباء كل واحد كيقلب ويسول واش بغين تولدو دابا ولا تأجل حتى تصحي قلنا حتاش اقدر ايكون تأثير على الجنين ولكن الا بغيتو كاين حل ولكن كنفضل متحمليش حتاش الدواء قاسح والحمل غادي تمحني قلنا ليه لا نؤجلوه واخة مدة العلاج غادة تاخد عام ونصف وزادو كيقلبوا انا وراجلي متنا بالخلعة كنصحب عندي شي مرض غابر قلت ليهم واش عمر جات عندكم شي حالة بحالي قلوليه لا كاينين لقو دقات القلب زايدن ودارو لي تخطيط ديال القلب و تحليل ديال الدم و البول وليكوكرافي ومن ساليت قلولي كولشي عندك مزيان ولكن الي خلى عينيك يتنفخو و دقات القلب يتزادو الاسهال المعدة العصاب والنحافة حرارة الجسم زايد هو عند هرمون زايد في الغدة الدرقية اليمنى شفتوهاد المرض شحال فيه وزادت مشيت عند اطباء اخرين قالو لي نفس الهدرة الحمد لله على كل حال انا يلا بديت الدواء ثاني الله يشفي جميع مرضى المسلمين


{قل لَنْ يُصِيبَنَا إِلَّا مَا كَتَبَ اللَّهُ لَنَا}

سمحولي طولت عليكم

أم أروى الحبيبة
24-02-2011, 21:45
السلام عليكم ورحمة الله وبركاته
اخواتي قريت قصصكم مع هاد المرض الله يشفكم
انا نعاود ليكم في عمري 21 سنة متزوجة اكتشف ها المرض مني عينيا بداو كتنفخو والا خرجت في البرد كيدوزو الدموع مشيت عند طبيبة العيون قلبتني حتى عيات قالت لي عند واحد الحبوبة صغيرة و دارت لي عملية صغيرة وحدتها وعطتني الدواء تبعتو ولكن بقيت كيما انا دازت مدة مشيت غير مع مرة خوية عند طبيبة ديال الولادة شفتني غير من عينية عرفات عندي الغدة الدرقية وقلبتني من عنقي وقالت واش عندك شي حد في عائلتك عندو الغدة الدرقية قلت ليها اه ماما عندها قصور الغدة الدرقية قلت لي راه عندك وراثي صافي حسيت بدنية ضاقت بية و عطيتها غير لبكا مني وصلت لدار قلت اعوذ بالله من الشيطان و الحمد لله على كل حال المؤمن مصاب مشيت لدرنا بقيت عطيها غير الضحك فاش قلتها لماما كتصحبني غير كنضحك حتاش كان كصحاب لينا غير ديك الحبوبة الغد مشيت عند ختصاصي الي متبعة معاه ماما قلب لي عنقي قالي بلا مندير التحاليل وليكوكرافي حتاش داك الي عندك باين وخرج لي dimazol . avlocardyl تبعهم شهرين وكان خاصني نمشي عند راجلي لامريكا قطعت الدواء وانا دابا 3 اشهر مشيت عند طبيب هنا يلا دخلت قلبتني الطبيبة الاولى شوية داتني عند طبيبة انا باركة نتسنا هما ايجو ممرضات حيدو لي حوايجي لبسوني بيجامة شوية شي 2 اطباء كل واحد كيقلب ويسول واش بغين تولدو دابا ولا تأجل حتى تصحي قلنا حتاش اقدر ايكون تأثير على الجنين ولكن الا بغيتو كاين حل ولكن كنفضل متحمليش حتاش الدواء قاسح والحمل غادي تمحني قلنا ليه لا نؤجلوه واخة مدة العلاج غادة تاخد عام ونصف وزادو كيقلبوا انا وراجلي متنا بالخلعة كنصحب عندي شي مرض غابر قلت ليهم واش عمر جات عندكم شي حالة بحالي قلوليه لا كاينين لقو دقات القلب زايدن ودارو لي تخطيط ديال القلب و تحليل ديال الدم و البول وليكوكرافي ومن ساليت قلولي كولشي عندك مزيان ولكن الي خلى عينيك يتنفخو و دقات القلب يتزادو الاسهال المعدة العصاب والنحافة حرارة الجسم زايد هو عند هرمون زايد في الغدة الدرقية اليمنى شفتوهاد المرض شحال فيه وزادت مشيت عند اطباء اخرين قالو لي نفس الهدرة الحمد لله على كل حال انا يلا بديت الدواء ثاني الله يشفي جميع مرضى المسلمين


{قل لَنْ يُصِيبَنَا إِلَّا مَا كَتَبَ اللَّهُ لَنَا}


سمحولي طولت عليكم

zaria
24-02-2011, 23:23
ana bghit na3raf wach ila darat lramaliya ou hiyadtha kamla wach ghadi nawlad wala ala

ام الغميصاء
24-02-2011, 23:34
شكرا على تفاعلكم
اختى لي تتسول واش غادي تولد الى حيدتها نقول لك على ماسمعت نعم حيت الدواء بعد العملة كتبقاي تاخدي الدواء مدى الحياة وهو كايعوض الهرمون لي كاتفرزو الغدة الدرقية لي غادي تحيد بالعملية

ام الغميصاء
24-02-2011, 23:34
واختي نها الله يشافينا ويشافيك ياربي
وعافاك اختي ديما خبرينا بالجديد مدام انت تتابعي حالتك الان وشكرا

ام امجد و لطفي
24-02-2011, 23:54
السلام عليكم
اخواتي برك الله فيكم انا هدي من مدة بغيت ندير هد التجمعديال الكواطخ ومنين لقيتوا دابا مشكورة اختي
انا هدي 10 سنين وهو فيا كنخود الدواء مرة كنكلوا مرة كنشربوا

ام الغميصاء
25-02-2011, 03:37
اختي ام لطفي احكي لينا اكتر الله يجزيك بخير ويعافيك يارب
بنسبة للحمل واش لقيتي مشكل
وقولي لنا اشمن مشكل عندك بضبط وكيفاش كتشفتي المرض وشكرا

zaria
25-02-2011, 12:18
merci hbiba barak allah ou fik kont mahtaja na3raf natmana li randha chi ma3lomat difha liya ou llah ychafi ljamir

نجوى80
25-02-2011, 19:02
salam allah 3laikom ana kadalik 3ndi une hypo thiroidie mada alhyat + une hypoclcimie men 2003 kandir levotyrox 100+50+25 +calcium+ vitamine D ana kant 3ndiun men 12ans mais f 2003 dert une teriodectomie totale w t9asso liya les paratiroide wlit kanmmel bezzaf dakchi 3 lach kandir CALCIUM + V d daiman + tahalil tsh kela 3 chhour w smhou liya bezzaf ana yallah kant3llem nekteb

ام الغميصاء
26-02-2011, 02:49
اختي نجوى مرحبا بيك معانا والله يعافيك يارب قولي لنا اختي واش متزوجة واش الحمل مافيه مشكل وشكرا

zaria
26-02-2011, 13:21
salam li kol akhawat li mawjodin mrana aktachaft lmarad 3andi hadi moda twila ta9riban 8 sanawat ou mchit 3And tbib ou dar liya tahalil ou kolchi ou 3tani dwa walakin mnin bdit kanakhod dwa kan kaysakhafni ou kanhas ana 9albi ghadi yaskott wana n9Atro mra oukhtkom makatahmalch dwa ou atiba ou hiya tabda katakbar ou kanhass ana dayman mrida 9albi mamazyanch da9at dyalo mnin mchit 3and tbib darat jamir lfohos l9aha fiha awram ou nsahni anani ndir lramaliya fi a9rab waçat walakin ana khayfa bazaf nass kay9olo ila dartiha maradach twaldi ou.....ou hata lkhof yab9a liya latkhass dyalha ana bghit nsawal wach hiya katzara9 lawjah wala ala?????jawboni habibati ou driw mraya 3afakom

yara12
26-02-2011, 19:29
ana 3andi l rouda dara9iya w daba ana ghanftah f le mois 3 darou m3aya lundi 7 inchaalah w ana khayfa bzaff b9at li 8 jours makamlach stp d3iw m3aya w lah ichafikoum hta ntouma ya rab

zaria
26-02-2011, 23:09
alah ychafik wayasar lik kol maseab inchalan tmor fi ahsan ahwal inchalah twili labas

ام الغميصاء
27-02-2011, 12:52
ياربي تشافينا يارب وترزقنا الدرية الصالحة يارحم الرحمين

zaria
27-02-2011, 18:32
amin hadachi li kanatmanaw fi had lhayat

ام الغميصاء
28-02-2011, 13:15
للرفع

الحرة2009
13-03-2011, 15:46
السلام عليكم لاباس عليكم حتى انا عندي العملية انشاء الله في اواخر شهر 3 دعيو معايا الله يشافيكم جميعا

ام الغميصاء
14-03-2011, 02:43
الله يشافيك ياختي ويدوزالعملية على خير
وحكي لنا اشنو وقع وحكي لنا قصتك مع هاد المرض واش متزوجة واش عند وليدات وشكرا
والله يشافيك

الحرة2009
14-03-2011, 14:45
انا يمكن غير نسيتي راه جاوبتك شحال هادي معليش خلي نيت نفوجو شوية بالهدرة
انا ياختي اكتشفت المرض بالصدفة ضرتني ودني بزاف ومشيت عند اختصاصي وبقا يقلب لي تحت الاذن كاين شي زعما ياكما ولسيس وهو يقولي وقيلا عندك الكواطر ومشيت درت التحاليل وليكوكرافي وقالي عندك نشاط مفرط في الغدة في الفص الايسر وضروري العملية انا اكتشفتو دابا4 شهور والحمد لله على كل حال لكن اللي كيخوفني اكثر هو من بعد العملية يعني الحمل انا مزوجة من 6 سنين ومازال ماجابش الله وليدات ما خليت مادرت الحقن المجهري التلقيح الاصطناعي المنشطات العشوب المسيد ولكن مازال ماكتابش الحمدلله وقالي واحد الطبيب تقدر تكون فيك هاد المدة وانتي ماعرفاش وبقا في الحال لان حتى طبيب ماقلبلي عنقي او طلب مني التحاليل ديالها وخصوصا اللي دار لي الحقن المجهري هاد الاطباء عندنا ولاو غير سماسرية
وانتي يا اختي شنو النوع اللي عندك وباينة من اسئلتك انك ماعندك وليدات وشحال هادي ملي مزوجة والله يسهل علينا كاملين

ام الغميصاء
15-03-2011, 16:02
اه نعم اختي عقلت اختي الله يشافيك ويرزقك الدرية الصالحة
اختي انا واحد العين لمنيبة بدات تتخرج كاتجحض تتولي جاحضة وباينة واش حتى انت ولالا

خديجة الأنيقة
01-05-2011, 01:38
السلام عليكن أدعو الله أن تكونواْ في صحة جيدة.الأخت sbibitaكانتمنى تكون دازت العملية ديالها على خير
،وإن شاء الله نسمعو خبارك في أقرب وقت ممكن. وأيضا كانتمنى من اللي كانت عنده قصة مع الغدة الدرقية أو عرفات شيواحد فيه أنها تشارك معنا ونستمعوا للتدخل ديالها.والله يحد الباس ويشافي الجميع ويعفو عليهم. والسلام عليكم ورحمة الله وبركاته.

خديجة الأنيقة
24-05-2011, 00:15
السلام عليكم و رحمة الله و بركاته توحشتكم البنات بزاف، بغيت غير نعرف أخباركم.إن شاء الله نسمعو أخبار الخير

jafrat
24-05-2011, 01:07
salam 3alikom

kif khbarkom, ghbart chwiya golo allah yhssen l3oun machaghil denya ktira.
Bghit nkol likom anana 3awed dert ta7alil olkit TSH tale3 liya bezaf hakika mradt ot3asabt golt ltabib achno sabab gali dwa li tanakhed (lyvotherox 100 gali atiba fi lmaghreb kaystawrdoh men lkharij otay3awdo isadroh ya3ni boita dyal dwa kaykharjo menha zouj ou tlata dyal lé boite ya3ni dwa makaykonch efficace onsa7ni ila 3rafti chi 7ad flkharij ijibo lek o fi3lan jabto li okhti daba chahr bach bdito ghadi ndir ta7alil onred 3likom lkhbar walakin kan7ess brassi mezian machi kif kbel dima 3iyana lmpsiba ghladit okhayfa la nzid nghlad alah yselek.
Allah ychafina jami3in yarab

jafrat
24-05-2011, 01:09
sam7oni bghit ngol atiba kaystawrdo dwa okay3awdo isan3oh

sanad
24-05-2011, 12:42
السلام عليكم نتمنى كل المسلمين يكونو في صحة جيدة
عندي الاخوات واحد الاستفسار انا كنت درت راديو على عنقي ماعنديش ليكواتر اناعندي ولسيس في جهتين من عنقي شي عام تقريبا ومازال فيا دبا بلي تنتعصب تيكبرو او تيرجعو يصغارو هدشي خالعني بزاف لي تتعاني من هذا المرض او تتعرف شي حاجة عليه ترد عليا الله يجازيكم بخير

خديجة الأنيقة
31-05-2011, 01:48
الله يعفو يا اختي و يجيب اللي فيها الخير. و يجعل في هذا المرض مغفرة للذنوب.
نتمنى نسمعو عليك أخبار مزيانة وهذا أكيد إن شاء الله، باين من قوة إيمانك بالله. تبارك الله عليك و الله يقويك يالحبيبة.

ربيعة50
31-05-2011, 06:56
الغدة الدرقية

أحيانا تكون بارزة للعيان لكن أخبثها من تختفي وراء الصدر القفصي و لا تظهر الا بالتحاليل المخبرية

و ان لم تكتشف في بدايتها قد تسبب في سرطان لا قدر الله

المصابة بها قد يتأخر حملها و أحيانا تسبب الاجهاض ،

العملية الجراحية بها نوع من الخطورة لان اي خطأ من الجراح يفقد المريض حاسة النطق أو انخفاض الصوت أو مشاكل خلال الكلام

أخد الدواء مدى الحياة و من دون جدل.

هذا و باختصار

ابنة فاطمة
31-05-2011, 13:04
السلام عليكم نتمنى كل المسلمين يكونو في صحة جيدة
عندي الاخوات واحد الاستفسار انا كنت درت راديو على عنقي ماعنديش ليكواتر اناعندي ولسيس في جهتين من عنقي شي عام تقريبا ومازال فيا دبا بلي تنتعصب تيكبرو او تيرجعو يصغارو هدشي خالعني بزاف لي تتعاني من هذا المرض او تتعرف شي حاجة عليه ترد عليا الله يجازيكم بخير


اختي الله اشافيك انا تانعرف واحد السيدة تاهي كان عندها واحد الولسيسة جيهة العنق الايسر بدات تاتكبر فاش دارت الراديو قالو لها خاصك تحيديها عندها مرض السل
دارت عملية كرطها لها الطبيب تصوري بلا بنج عاود ناضت عاود تاني الطبيب ماكانش تايكرطها كلها كيفما تانقول النتى تاتولد حتى تلاقات مع واحد الطبيب الله اجازيها بخير فتح لها وكرطها لها كاملة ولكن داز عليها العداب الشديد
هي دبا اتشفات الحمد لله خاصك تجري براسك وديري الراديو والله اشافيك اختي كتري من الاستغفار هي كانت انسانة تتقيم الليل وتبكي على الله

خديجة الأنيقة
31-05-2011, 21:36
عرفتو الله يشافي الجميع أما الصحة تاج على رؤوس الأصحاء لا يراه إلا المرضى.
بغيت نقول ليكم حتى الأخ ديالي فيه جوج ولسيسات فالجهة اليسرى مورى العنق ديالو دار الراديو و لكن دابا حنا فحيرة ، حيث الطبيب قالو لابد من العملية باش استأصلو و يعرف أش كايكونوا دوك الولسيسات. اللي عندها شي إضافات تفيدنا الله يكثر خيركم.

sanad
05-06-2011, 14:46
الله يعفو يا اختي و يجيب اللي فيها الخير. و يجعل في هذا المرض مغفرة للذنوب.
نتمنى نسمعو عليك أخبار مزيانة وهذا أكيد إن شاء الله، باين من قوة إيمانك بالله. تبارك الله عليك و الله يقويك يالحبيبة.


شكرا اختي على الكلام الزوين الله يعطيك ما نويتي في خاطرك

خديجة الأنيقة
06-06-2011, 18:15
السلام عليكم و رحمة الله و بركاته، أخواتي لاباس عليكم إيوا أش كاتعاودو إن شاء الله كل خير. إيوا غير توحشتكم و بغيت نسال عليكم. و نعرف أخباركم.

خديجة الأنيقة
06-06-2011, 18:16
آمين يا حبيبتي سند ، و يعطيك حتى نتي مانويتي فخاطرك، و إن شاء الله خير، الله يقويك و يكون معاك.

جدة طيبة
07-06-2011, 00:37
الله يشافي كل مريض

ام الغميصاء
08-06-2011, 12:11
كيف حالكم الاخوات نتمنى من الله تكونو بخير وعلى خير
شكرا اختي خديجة على السوال علي مزال اختي مادرت العملية ما والو راني تزوجت وتشغلت بزواج

اختي sanad راه حالتي بحال حالتك يمكن والله اعلم اشنو درتي مزا خبرينا التحليل د الغدة كيفاش خرجو لك واش عندك ارتفاع الهرمون ولا العكس وكدلك الحمل واش عندك فيه مشكل ولا لا وشكرا والله يشافينا يارب

جدة طيبة
09-06-2011, 14:40
السلام عليكم نتمنى كل المسلمين يكونو في صحة جيدة
عندي الاخوات واحد الاستفسار انا كنت درت راديو على عنقي ماعنديش ليكواتر اناعندي ولسيس في جهتين من عنقي شي عام تقريبا ومازال فيا دبا بلي تنتعصب تيكبرو او تيرجعو يصغارو هدشي خالعني بزاف لي تتعاني من هذا المرض او تتعرف شي حاجة عليه ترد عليا

---------------------
اختي sanad لاتخافي حتى انا عندي مثل حالتك لا كن طبيب قال كل 6 اشهر نعمل تحاليل والحمد لله على جميع الاحوال المهم هو الواحد يبتعد ما امكن من المشاكل التي تسبب له العصبية.

خديجة الأنيقة
09-06-2011, 23:43
السلام عليكم و رحمة الله وبركاته، الله يجيب الشفاء و العفو للجميع. بغيت نقول أنه مكايناش شي حاجة مخرجة فينا العجب من غير الأعصاب و الفقوسات بلا فايدة و على والو.
خاصنا نتبعو شي برنامج أو نلقاو شي طريقة تمكنا من الابتعاد عن الأعصاب و الفقصة و غير ذلك، حيث مكانجيبوها غير فريوسنا.
وأخيرا بغيت نقول لsbibita خاصك تزعمي و تمشي تديري العملية راه قدما تعطلتي راه داكشي صعيب. الله يجيب العفو و إن شاء الله يكون خير، غير توكلي على الله و مايكون غير الخير يالحبيبة.
أما الجدة الطيبة و الأخت سند، الله يعفو و غن شاء الله مايكون عندكم باس. ما بعد الشدة إلا الفرج.

ام الغميصاء
10-06-2011, 00:32
جدة طيبة قولي لي الله يعطيك الستر واش هاد الولسيسات كاترو علي الحمب وعلى الجنين والله يعافينا يارب

جدة طيبة
10-06-2011, 12:42
ختي sbibita لاتخافي الحمد لله الطب كل دقيقة كيتقدم
توكلي على الله وعملي العملية قبل مايفوت الوقت اما الحمل او الجنين لايعلم مصيره الا الله سبحانه وتعالى
انتي مازال صغيرة - فكري غير بصحتك دابا صافي
حيت الصحة الا مشات مايردها لراجل ولا اولاد.

اختي دارت العملية ولدات ومكاين حتى مشكل في الاطفال .
وحتى هي خوافة بحالك هههههههههههههه.

زهرة2
10-06-2011, 19:30
السلام عليكم انا درت العملية هدى عامين وحيدت الفص الايسر ودابة الحمد لله وليت بخير حتى بلاصت الفتحة مبقتش باينة بزاف

ام الغميصاء
11-06-2011, 14:36
اختي زهرة الحمد الله على سلامتك حكي لنا على الحمل حتى هو هههه راه هو لي خالعنا هنا واش حملتي قبل ماتحيديها وكيف كان الحمل والجنين واش كلشي بخير واش حملتي عبد العميلة واش كاتشربي شي دوا فدينا بتجربتك الله يعطيك الستر

زهرة2
11-06-2011, 14:56
السلام عليكم انا اختى حملت وولدت قبل مانمرض بالغدة من بعد العملية ما حملتش اما بالنسبة للعملية فكتعدبي شوية 3من بعد العملية من بعد كتحسى بتحسن شوية بشوية انا في الحقيقة ارتحيت من بعد العملية والحمد الله ودابا مكنخد حتى دواء لانى حيت غير الجهة اليسرى

حنان أم آدم
11-06-2011, 23:08
السلام عليكم اخواتي كيف بقيتو الله يشافي الجميع يارب..
ان شاء الله لي عودة باش نحكي ليكم على الغدة وغدايدها ههههه الحمد لله على كلي حال او الحمد لله انه كتداوا.. اللهم لك الحمد والشكر.

ام الغميصاء
12-06-2011, 12:41
نحن ننتضرك اختي حنان ام ادم الله يشافنا يارب

حنان أم آدم
12-06-2011, 15:37
السلام عليكم اخواتي ان شاء الله تكونو وليتو احسن..
انا غاة نعاود ليكم على مردي مع الغدة ولي مزال كنتعافر معها المهيم. انا جاتني تقريبا هادي 3 سنين او اكتر بشوية. فاش عرفتها كنت حاملة اول مدرت تحليلات ديانا غاة نعاود ليكم على مردي مع الغدة ولي مزال كنتعافر معها المهيم. انا جاتني تقريبا هادي 3 سنين او اكتر بشوية. فاش عرفتها كنت حاملة اول مدرت تحليلات ديال الحمل يعني الطبيعين من بعد الحمل قاتلي الطبيبة رانا غاة نعاود ليكم على مردي مع الغدة ولي مزال كنتعافر معها المهيم. انا جاتني تقريبا هادي 3 سنين او اكتر بشوية. فاش عرفتها كنت حاملة اول مدرت تحليلات ديال الحمل يعني الطبيعين من بعد الحمل قاتلي الطبيبة راه عندك نشاط في الغدة لاكن بسيط ودغيا يتداوا او الصراحة انا اول مرة نسمع بي شيحاجة اسمها الغدة المهيم صيفطاتني عند طبيب مختص او وستعجلات الموعد على ود البيبي. اوا تبعت الدواء كنشربو نهار على خوه ولاكن الصراحة معطيتش المرضي اهمية خديتو على انه عااادي او مفيه حتا خطورة او الحمد لله تزاد ولدي كامل الخلقة مفيه حتا شي حاجة ناقصة حينت سمعة شي اخوات كيقولو بلي يقدر يدزاد لبيبي ناقص او سمعت حتا مختصين كيقولو هاد الشي..المهيم من بعد الولادة ختكم داتها غير في البيبي والروينا حينت غير بوحدي هنا وماكين لي هز ليك حتا الكاس .. ونسيت راسي وصحتي وليت حالتي ...الحمد لله على كل حال. دازت عااام او كتر من بعد الولادة وحد نهار كنت في المغرب وهي تقول ليا الوليدة مال عنقك ولا منفوخ قلت ليها راه غير مع الضعف الموهيم الصحة منعاودش ليكم كيفاش وليت السخفة ودوخة وحشاكم تشدني الردة بحالي يلاه كنتوحم وحد النهار راجلي كان عندو خدمة في المغرب وانا بوحدي هنا غير انا ولدي اوا وهي تجيني وحد الحالة والله العضيم الى كيحسابلي الموت شداتني كنت خارجة في الصباح.. اوا وانا طالعة فلاسانسور وهي تشدني الدوخة والرضة حشاكم وكرشي والسخفة وفم كيسيل وليت كنزحف على رجليا محليت الباب ودخلت لدار حتا صافي سالييييييت او ولدي مسكين مخلوع وليت معرفة اش ندير وشوفو مني يتجمعو هادو كاملين كيفاش يولي الانسان الله يستر وخلاص. اوا دازت شي ربع سعة عباش ترخفت...الموهيم مشيت عند الطبيب خرج ليا الدواء وقطع ليا الرضاعة قاليا حينت لادوز مجهدة على الولد وغادة تضرو المهيم مع الدواء بدات كتريgال ليا الغدة كنضن كان عطاني 3 لحبات او 4 في النهار . اوا من بعد دازت مدة وانا متبعا الدواء وشوي وانا نقطعو والله معقلت علاش معيت نتفكر ههه لاكن كيفما كان السبب هدا خطا درتو في حق راسي وصحتي او منقولش ليكم كيفاش وليت حااااالتي والله بدوخة ....+ الاعراض لي معروفين على الغدةايوا مشيت المغرب حاولت نتبع تماك حينت كنا هبطنا مدة لمغرب وقلت نتبع تماك علاين من رجع ساعا خسرت 40 الف ريال مبين الراضيو وتحليلات من غير الطكسيات او في الاخر عصبني وحد الطبيب وانا ندير مناقص حتا رجعت لهنا كالس يتشاور معايا شحال خاصني ناخد ديال الدوا والله ويتفتف زعما الله يهدي شي اطيباء وخلاص..ايوامني رجعت عند طبيبي بقاليه غير يضربني قال ليا بحالي مدرنا ولو او هو ينزل عليا ب 6 ديال الفنيدات في النهار حتا معدتي طابت ليا بدوايات او وليت كل ليلة ماشيا المستعجلات على ود الحريق. ايوا دابة راني متبعاه منزكلوش على مداز عليا وبعدا قال ليا الى ودتي غادي نديرو ليك العملية حينت منقدوش نعطيوك كمية كبيرة ديال الدواء وني حاملو وعاد الغدة ولات عندي مخربقا ليا بزااااف حينت رخيت عليها دابة راها ولات مزيانة لاكن ضروووري من الدواء وليت كناخد غير 2 في النهار دوا اسمو PROPYLTHIOURACILE 50mg او في اخر الشهر عندي رونديفو معاه ويمكن يقول ليا واش باقي احمال العملية ولا غير الدواء كافي حينت قال ليا على حساب الى بقات من بعد عاد ديال الدواء غادي ندير العملية سوا حملت ولا محملتش كتبت ليكم جريدة هههه سامحوني طولت عليكم بزاااف او اي سؤال انا في الخدمة الله يجب الشفاء للجميييييع يارب

حنان أم آدم
12-06-2011, 15:56
ونبغي نقول ليكم من الاعراض لي كانت كتجيني مني كنت قاطعة الدواء للاسف.المهيم كنت كنعرق بوحد الدرجة متصوروهاااش وقلبي كنت كنقول غادي يخرج من صدري حتا كنتزعزع والله العضيم بحال لكيدفعني شي حد وليت كنقول صافي غادي تجيني سكتة قلبية ورجليا تشقو ليا بزااااف وضفراني ولاو بحالي كنغسلهم بجافيل شهابو او نشفو وليت نخبي رجليا قدام الناس.والله نحشم يشوفهم ليا شي حد هكاك ههه والعصبية ودغيا كنعيا اما عيوني وليت مكنرمش بيهم ومبقيتش نعرف نغرز عينيا وخا نبغي نجمعهم هوما خارجين.اما على الغلض وضعف فانا مريت بيهم بزوج هههه في الاول من بعد الولادة ضعافييييييييت ومني دازت شي عام ونصف اش نقول ليكم وليت88 كيلو وانا اصلا ماشي غليضة بزاف وخا طولية لاكن منفوتش 76 الى قفرتها لاكن دايما في 73 او 74 ايوا راني دابة ختكم شااادة الصمطة هههه وريجيم راني قربت نرجع كيف كنت يعني وليت 76 وباقة باغة نقص الصراحة مكين محسن من الضعف. بالحق انا ليعزيز عليا العجائن هما لي خارجين عليا وشكلاط ههههه

ام الغميصاء
16-06-2011, 17:06
شكرا لكم اخواتي على التجاوب ديالكم والله يشافينا يارب جميعا
الاخت لي عندها نشاط في الغدة وحاملة نقول لك راك بحالي غير انا منفوووخة ليا بزاف ف عنقي والطبيبة خلعاتني وحتى انا حاملة يالله عندي شهر والخوف قاتلني ونسال الله يكون خير انا راه الطبيبة قالت لي حتى ندير 3 اشهر عاد ندير التحليلة وياااربي تيسر الامور يارب

ام الغميصاء
16-06-2011, 17:07
اختي ساند الله يرزقك الدرية الصالحة المصلحة يارب في اقرب وقت

ام الغميصاء
16-06-2011, 17:09
دعي معانا اختي حنان ام ادم والله يخاوي لك ادم يارب راك مريت بنفس حالتنا وعارفة اش كاين واش لوليد بخير على خير مابيه والو اختي الله يبارك ليك فيه يارب

حنان أم آدم
16-06-2011, 17:23
دعي معانا اختي حنان ام ادم والله يخاوي لك ادم يارب راك مريت بنفس حالتنا وعارفة اش كاين واش لوليد بخير على خير مابيه والو اختي الله يبارك ليك فيه يارب السلام عليكم. ختي الله يشافيك يارب. ويتمم حملك على خير وبخير ختي انا كنت حاملة او مريضة والحمد لله ولدي تزاد مزيان مفيه والو عادي يعني متخافيش اختي ان شاء الله خير غير تبعي مع طبيب يكون مزيان باش يقابلك مزيان وان شاء الله خير حبيبتي الله يكمل عليكم بالخير كااااملين يارب

AMAL OUSSAMA
16-06-2011, 21:27
ما عنديش معلومات

latifati82
17-06-2011, 21:59
سلام بنات أنا فايت مني دايرة عملية أ mzewla goitre أ دابا مطبعة دوا ولكن ولا عندي مشكل في رجليا taytnoufkho ليا بزاف من جهة kahil أ حتىlghold تانغلاد بزاف واخا تنقص مكلا شكون لي عند tahiya نفس حالة عافاكم جاوبوني راه خالعوني رجليا

خديجة الأنيقة
18-06-2011, 00:59
الله يعفو على الجميع و يجيب الشفاء، و يحد الباس. آآآآآآآآآآآآآآآآآآآمييييييييييييييييييين يارب العالمين

ALMOTAFA2ILA
24-06-2011, 11:37
السلام عليكم والله يشفينا كاملين
كسل الغدة الدرقية؛قلة التركيز،عدم تحمل البرد والرغبة في الجو الدافئ،الامساك،ألام عضلية والاحسس بالإرهاق،
جفاف الجلد وتقشيره أو إنتفاخه،الإحساس بالوخز والتنميل في أصابع اليدين والقدمين، نقص في تحمل لمجهود العظلي،آلام في المفاصل،يمكن الإحساس بالإختناق،بحة في الصوت،عدم إنتضام الدورة الشهرية،زيادة في الوزن رغم ضعف الشهية،جفاف الشعر وتقصفه بصورة ملحوظة،الرغبة بالكآبة أو خمول العواطف، إنتفاخ خفيف تحت العينين
غدا نكمل ليكم ونتكلم على نشاط الغدة الدرقية ولي كنعاني منو والحمد لله على كل شيء

وحنتحدت على نشاط الغدة الذرقية
والأعراض هي؛التعب والشعور بالإرهاق السريع ؛تزايد ملحوظ في الشهية للطعام رغم نقصان في الوزن؛زيادة معدل ضربات القلب وإختلاف ملحوظ في ضغط الدم
الإرتعاش في اليدين؛تساقط الشعر؛حصول بعض المشاكل في الأظافر؛الإحساس بالتعرق الشديد
تفضيل الجو البارد بدل الحار
الإسهال
قلة كمية الدورة دم الدورة الشهرية
جحوظ العينين ؛قلة التركيز

لبنات لي مكيعرفوش الغدة الدرقية بالعربية راها بالفرنسية كتسمى
goitre

oumay
25-06-2011, 18:20
السلام عليكم قريت اغلبية الردود وبغيت نكول ماتخافو حتى حاجة والتوكل على الله والايمان بالقدر خيره وشره كيسهل الامور
تجربتي اني كنت كنعاني من التعب والقلق والنحافة الشديدة وصلات 54كيلو ولدت 3اطفال كلهم معافين ولله الحمدمن بعد ولات كدرني المعدةبزاف بسبب ضروف قاسية مريت بها بديت كندوزمن طبيب لطبيب حتى لواحد نهار متبعة مع واحد الطبيبة على المعدة وهي تقلب لي العنق ديالي استغربت لاني مشيت على قبل المعدة المهم قلباتني كالتلي عندك واحد لولسيسة قد لعدسة فالعنق ديالك عطاتني التحاليل خرج عندي داكشي لي شكات فيه الطبيبة ورسلاتني عند اختصاصي عطاني الراديو والتحاليل درتهوم كالي عندك ولصيصات قد الزيتونة ممكن تعيشي بيهم هكداك ولكن من الاحسن تحيديهوم لانه ماعرفناش واش يقدر اطورور لشي مرض خبيث دلنا على الدكتور لمجاهد احسن دكتور مشينا عندو وفتاحلي والان انا الحمد الله بخير لا فالصحة ديالي ولا حتى فالحياة ديالي عطاني دوا الطبيب كالي خاتخديه مدى الحياة والجراح كالي بانه غاناخدو غير واحد المدة ونحيدو لانه مااستاصلهاش كلها دابا حيدت الدوا هادي هي تجربتي مع الغدة وكنطلب من الله الشفاء لكل واحد

حنان أم آدم
28-06-2011, 19:15
السلام عليكم قريت اغلبية الردود وبغيت نكول ماتخافو حتى حاجة والتوكل على الله والايمان بالقدر خيره وشره كيسهل الامور
تجربتي اني كنت كنعاني من التعب والقلق والنحافة الشديدة وصلات 54كيلو ولدت 3اطفال كلهم معافين ولله الحمدمن بعد ولات كدرني المعدةبزاف بسبب ضروف قاسية مريت بها بديت كندوزمن طبيب لطبيب حتى لواحد نهار متبعة مع واحد الطبيبة على المعدة وهي تقلب لي العنق ديالي استغربت لاني مشيت على قبل المعدة المهم قلباتني كالتلي عندك واحد لولسيسة قد لعدسة فالعنق ديالك عطاتني التحاليل خرج عندي داكشي لي شكات فيه الطبيبة ورسلاتني عند اختصاصي عطاني الراديو والتحاليل درتهوم كالي عندك ولصيصات قد الزيتونة ممكن تعيشي بيهم هكداك ولكن من الاحسن تحيديهوم لانه ماعرفناش واش يقدر اطورور لشي مرض خبيث دلنا على الدكتور لمجاهد احسن دكتور مشينا عندو وفتاحلي والان انا الحمد الله بخير لا فالصحة ديالي ولا حتى فالحياة ديالي عطاني دوا الطبيب كالي خاتخديه مدى الحياة والجراح كالي بانه غاناخدو غير واحد المدة ونحيدو لانه مااستاصلهاش كلها دابا حيدت الدوا هادي هي تجربتي مع الغدة وكنطلب من الله الشفاء لكل واحدالسلام عليكم اختي على سلامتك اختي والله يطمن قلبك كيفما طمنتينا

نسيمة الهواري
25-09-2011, 11:02
السلام عليكم اخواتي راني قريت اغلب الصفحات ربي يشافي الجميع

انا عندي افراط في نشاط الغدة ولكن باقي مالقيت شي طبيب جراح

ياريت شي اخت تفيدني باسم وعنوان اختصاصي جراح في مدينة الدار البيضاء

ربي يشافي الجميع

الكازاوية 2
02-10-2011, 17:24
السلام عليكم حتى انا كنعاني من قصور الغدة الدرقية الا كتعرفو الله يخليكم شي طبيب مزيان في الرباط او في سلا وريوه ليا الله يجازيكم بخير

ملاك المحبة
18-12-2011, 20:19
حتى انا عندي افراط في الغدة الدرقية ويالله كتشفتها حيت كانت حبست حبوب منع حمل من بعد مبقات منظمة عندي الدور واحد المرة جاتني ومن بعد تعطلت عليا 4 اشهر مشيت عند طبيبة النساء عطاتني دواء باش تنزل بدون فائدة وتسنيت 2 سيمانات مشيت عند طبيبة خرة وعطاتني تحاليل نعملوهم من بعد نزلت الدورة معملتش تحاليل قلت صافي راه نزلات اش بغيت خصارت الفلوس على الفاضي اوى من بعد غسلت من الدورة وشهر جاي باش تنزل مني منزلتش تعطلت شهرين خرى رجعت عند طبيبة خرى قالت ليا عملي تحليل الغدة وعطاتني موعد رجع مرجعتش هملت راسي وكل شهر تعطل عليا شهرين واكتر وهاد شهر مشيت عملت تحاليل ديال الغدة لقيتها مرتافعة قاليا 15 مافهمت والو قاليا المفروض تكون من 0 لي 5 انتي عندك 15 وعطاني تحاليل خرى قاليا باش نشوف نوع دواء لي نعطيك ودابا نتسنى الموعد معرفت اش غادي يعملي ليا دابا باقي ليا 10 ايام على الموعد ونمشي نشوف لكن الى معرفتش واش نسبة 15 مرتفعة ولا غير شوية الى عندها افراط في الغدة تفيديني راني خايفة حيت قاليا لازم تكون عندك من 0 لي 5 وانتي عندك 15 اوى الله يشافينا ويشفي جميع مسلمين انا كنتسنى ردودكم

ملاك المحبة
19-12-2011, 11:15
okhti matkhafich nchaàlah ykone khir wakha martaf3a ray3tik tbib traitement ranzal w ratb9ay diri ta7alil hta ychoufha t9addate wlah ychafi ljami3





جزاك الله خير بغيت غير نسولك واش 15 مرتفعة بزاف ولا غير شوية طمنيني حيت سولت طبيب قاليا متخافي والو ان شاء الله خير كلامو هدا مطمنيش حيت معروف طبيب متبغيش اخوف مريضو

ملاك المحبة
19-12-2011, 11:15
kheti matekhafich hetaana kanet 3endi mertafe3a rahh te9ederr tehwedd ana fachh welitt nedirr tahalil 9alouli matehetajich dewa khaseni ghir koul 3amm nemchi nefawett 3elihomm rahh nass henafe almania 50% 3ayechinn bihom 3endhom hadchi 3addii matehmlichh rasekk o rouhii le tebibbbbachh tanti tekouni meretaha rah heta a3esab tayzidou



جزاك الله خير بغيت غير نسولك واش 15 مرتفعة بزاف ولا غير شوية طمنيني حيت سولت طبيب قاليا متخافي والو ان شاء الله خير كلامو هدا مطمنيش حيت معروف طبيب متبغيش اخوف مريضو

أندلسية
07-02-2012, 03:27
أنا ماما مسكينة فيها خمول لغدة درقية، ف لاول مكان حتى واحد عارف، أ لعام لي داز جاتها غيبوبة أ فاش دينها ل طبيب معرف فيها ولو و جاو مجموعة ديال أطيباء و ماعرفو ولو

أو حنا كونا قبل تفارجنا صدفة ف واحد برنامج على لغدة أ شنو ممكن دير ف بنادم و كانو بينو واحد لمرة جاتها غيبوبة ديال لغدة درقية

و ختي تفكرت داك لبرنامج أ هي تجول لدووك أطيباء راه واقيلا فيها لغدة درقية عاد هوما بداو كول واحد شكايدير زاعما رحنا واعرين

دارو ليها تحليل أو لقو فعلا لغدة كسولة أ عطوها شي دويات فايقووها من لغايبووبا لي بقات فيها يومين عاد فاقت أ دابا راها مزيانة كاتاخود ليفوثيروكس ٥٠ و كول ٦ شهور كادير تحليل

نور الملاك
10-09-2012, 19:00
موضوع مفيد شكرا لصاحبته

هدوء24
22-11-2012, 03:18
السلام عليكم ورحمة الله وبركاته
حبيباتي لاباس عليكم ؟
شحال هادي مكتبت فشي منتدى نتمنى التفاعل باش نرجع لسالف عهدي
المهم بالنسبة لهدا المرض الله يشافي جميع المريضات بيه
تصورو قريت الصفحات من البداية حيت حتى انا عندي مشكل وباقي ما توفقت نشخصو
المهم فاش كان عندي 15 سنة كنت نحس بعياء ورغبة فالنوم وزيادة فالوزن وخلل في الدورة
بعدها بعام درت التحاليل ولقاو عندي نقص فافرازات الغدة الدرقية
خديت ليفوتيروكس وتبعت مع الطبيبة وقالت لي خاصك تاخديه طول حياتك
كنت متبعة مع دكتورة زينب سلاوي ولكن مكانتش تعطيني وقت ومعجباتنيش.......... ولكن بالنسبة للدوا رتاحيت عليه ووليت كانفيق بحال الناس ناشطة وبخير ...... من بعد درت الحجامة ومن عند الله تقادات لي الغدة الدرقية ومنى قلت للطبيبة راني عملت الحجامة والحمد لله ماغاناخدش الدوا طول حياتي كما قلتي ’ قال لالالالا راه حيت نتى في فترة المراهقة كاتكون تغيرات ويمكن تشمل حتى الغدة

المهم حتى طبيبة من اللى دوزت عندهم ما كاتصدق انه يكون فالغدة خلل ويمشي ....فينما نمشي عند شي وحدة تقول لي عاودي ديري التحليلة وكاتخرج سليمة الحمد لله ههههههه
ولكن المشكل الكبيررررررر انه من ديك الساعة وانا كيضرني عنقي .... تصورو حتى السنسلة مانتقبلش تقيسني فيه حتى صبعي مانقدر نحطو عليه ومنفوخ شوية يعني الغدة باينة.... ولكن معمر شي طبيبة ما خرجات لي الراديو تايقولو لي عادي معندك والو.... عاد زيد عليها رجعت لي كل اعراض الغدة العياء الشديييييد السخفة والحالة ماهي حالة...... راكم عارفين.والدورة عمرها ماتقادات لي....اخر مرة قالت لي الطبيبة هادشي جيني وماعندو دوا .... متيقتهاش وبديت نقرا على مشاكل الهرمونات.
مع العلم انه عندي 24 سنة وعندي ولد عندو عامين بيخير الحمد لله ولدت واخا عندي هاد المشكل بعد 10 شهر من الزواج بلا موانع والطبيبة كانت تقوليي ما يمكنش تولدي بلا ما تقادي الدورة ولكن الحمد لله حملت وولدت بلا مشاكل ورضعت عامين.... يعني متخافوش حبيباتي
انا من الدار البيضاء عافاكم اللى كاتعرف شي طبيبة غدد مزيانة تدلني عليها لاني متأكدة عندي شي مشكل فالهرمونات
راني لقيت فالصفحات الصفراء بزاف وماكانعرف تاوحدا من غير د زينب ومكتعجبنيش كي قلت لكم.
سمحو لي طولت عليكم نتمنى تردو علي راني غانمشي فأقرب وقت ندوز على هذه الحالة

القابضة على الجمر
22-11-2012, 14:11
انا الاخت ديالي تنفخ ليها عنقها وبعد التحاليل تضح عندها سرطان في لموفيا وقاليها الطبيب خاصها 3 حصص من الدواء عبر السروم وهي الان شاد النوبة في الرباط باش تبدا العلاج ادعوا معاها

zanouba1
22-11-2012, 17:31
الله يشافي الجميع
أنا ماما كان عندها ولسيس صغيييير ف الغدة ديالها و من بعد التحاليل قالها الطبيب ضروري من العملية
و دارتها و زولاتها و داز كلشي على خير الحمد لله و دابا ك تاخد الدوا ديالها على طول حياتها
يمكن هاد الدوا زادها شوية ف الوزن ديالها و لكن هي أصلا سمينة
مشكلتي أنا شاااكة ف الغدة ديالي ما عنديش العوارض ديالها مفياج الخمول و الكسل والدورة الحمد لله مقادة الروطار د نهار مكاينش الحمد لله
الصيف كولو و رمضان دوزتو و انا شاداني القفقة ديال البرد هههه
فالدار كيموتو بالصهد و دايرين لاكليم و انا حداهوم بالغطا ههههه و لحمي مشوك تقولي جلدة ديال الدجاج هههههههه
و هادي شهر تقريبا و ليت ملي تانعس على الجنب ليمن او ليسر كنحس بحال شي واحد قاجني النفس م كيبغيش يطلعحتي كندور على ضهري
شنو هادشي فنضركم واش هادي الغدة
مشيت عند طبيب القلب و قالي قلبي مزيان ما فيا والو و م شاكش ف الغدة
مالي ك ن تقج ههههه شكون ك يقجني ههههه

هدوء24
22-11-2012, 19:47
السلام عليكم

الله يجيب الشفا للجميع

اختى زنوبة مانظنش هذه الغدة ولكن حاولي تشوفي الطبيب على البرد

اما القجان كلشي كايتقج ايلا كان عندو شي مشكل ههههههههههه

zanouba1
23-11-2012, 11:27
السلام عليكم
شكرا أختي هدوء الله يعطيك الهدوء و راحت البال ههههه ك ريحتيني
و الله إلى كنت خايفة نمشي عند الطبيب و يقولي العملية و يدربلي شقة من الوريد للوريد ههههه
معا أنا خوافة و كرهت شي حاجة سميتها البنج و الغراز
الله يجيب الشفا للجميع
أه المشكل ديال البرد تايجيني غير فالصيف ة ياك ما عندي شي كليماتيزور الداخل هههههههه

tofaha29
17-02-2013, 14:22
السلام عليكم. الله يخليكم زيدو حكيو لينا معاناتكم مع مرض الغدة الدرقية
انا شهرين باش مرضت تنفخ ليا عنقي ودرت راديو عندي عقد des nodules في الغدة الدرقية والغدة خدامة مزيان
شكون عنها بحال الحالة ديالي تفيدني الله يشافي الجميع

حسناء ام حمزه
18-03-2013, 17:46
السلام عليكم اخواتي

انا من بعد الولاده غلاضيت بزااااف وكنت كنحس بالتعب والاكتئاب والمفاصل كيضروني قلت يمكن هادشي عادي مع الرضاعه والولاده كانت صعيبه يمكن رجع ليا بالتعب
لكن ملي درت التحاليل هرمون المحفز للغده كان طالع الطبيب عطاني تحاليل اخرى ديال هرمونات لي كتفرز الغده عاودت لقيتهم مزيانين وحتى الهرمون المحفز رجه هبط صافي قالي راه الغده عاديه ماعطاني والو

من بعد شهور رجعت كنحس بالتعب بزاااف والاكتئاب وقلبي كنحس بيه ضربات مامنتظماش والمفاصل كيضروني رجعت بدلت الطبيب وعاودت التحاليل لقات عندي الهرمون المحفز طالع يعني الغده خامله ايوا عطاتني الهرمونات باش نعوض 50 مغ في اليوم

الصراحه مازال مكنحسش براسي مزيان يالا بديتو هادي شي شهر
هادشي كله من بعد الولاده حتى جيت عند راجلي بامريكا في المغرب كنت عادي الحمد لله الوزن ديالي عادي وكلشي مزيان دبا راه غلاضيييييت الله المستعان

كنت قريت انه بعد الولاده كيوقع خلل في الغده يا خمول يا فرط النشاط ولكن كاين لي كترجع ليهم عاديه وكاين لي كتبقا مدى الحياه

الحمد لله على كل حال

بالنسبه للانجاب مكنظنش انه عندها تاثير بالنسبه لي عندهم خمول حيت الهرمونات لي كنشربو كيعوضو الهرمونات لي كتفرز الغده يعني الجسم كيرجع عادي

انا الدوره كانت غير منتظمه كتبقا بالشهرين ولكن دبا ملي خديت االمكمل ولات عاديه

nirman123
18-03-2013, 18:17
السلام عليكم. الله يخليكم زيدو حكيو لينا معاناتكم مع مرض الغدة الدرقية
انا شهرين باش مرضت تنفخ ليا عنقي ودرت راديو عندي عقد des nodules في الغدة الدرقية والغدة خدامة مزيان
شكون عنها بحال الحالة ديالي تفيدني الله يشافي الجميع
حتى أنا فحالك هبطت ف راس العام نالمغرب وماما دايماً كتقولي عنقك منفوخ كنقول حيت غلاضيت ، واحد نهار صباح وجهي منفوخ وعيني مسدودين ملي مشيت نطبيب وريتلو حتى عنقي وخرجلي تحاليل و إكو ملي عملتم خرج الهرمون t4 ناقص و-nudule فالغدة وقال خصني العملية ضروري مشيت عند طبيب ختصاصي فلغدد حتى هو قال العملية وحيرت ،فل أخر قررت حتى نطلع ن اسبانيا ونعملا وطلبت تقرير مالطبيب ملي جيت نهنى وقراو تقرير بقاو مشلوطين ،قالولي قبل منقررو العملية خص حتى نعملو تحليل د الماء لي ف nudule وكنعملو 2 تحليلات اخرين عندك يكون عندك أجسام مضادة ، ودبا عملت هنا تحاليل كولشي خرج مزيان غير الأجسام المضادة لي طالعة ولكن هرمون t4 مزيان معطوني لا دوا لا والو سمحلي طولت عليك والله يشافيك و إلى كان شي جديد قولولي

nirman123
18-03-2013, 18:22
السلام عليكم اخواتي

انا من بعد الولاده غلاضيت بزااااف وكنت كنحس بالتعب والاكتئاب والمفاصل كيضروني قلت يمكن هادشي عادي مع الرضاعه والولاده كانت صعيبه يمكن رجع ليا بالتعب
لكن ملي درت التحاليل هرمون المحفز للغده كان طالع الطبيب عطاني تحاليل اخرى ديال هرمونات لي كتفرز الغده عاودت لقيتهم مزيانين وحتى الهرمون المحفز رجه هبط صافي قالي راه الغده عاديه ماعطاني والو

من بعد شهور رجعت كنحس بالتعب بزاااف والاكتئاب وقلبي كنحس بيه ضربات مامنتظماش والمفاصل كيضروني رجعت بدلت الطبيب وعاودت التحاليل لقات عندي الهرمون المحفز طالع يعني الغده خامله ايوا عطاتني الهرمونات باش نعوض 50 مغ في اليوم

الصراحه مازال مكنحسش براسي مزيان يالا بديتو هادي شي شهر
هادشي كله من بعد الولاده حتى جيت عند راجلي بامريكا في المغرب كنت عادي الحمد لله الوزن ديالي عادي وكلشي مزيان دبا راه غلاضيييييت الله المستعان

كنت قريت انه بعد الولاده كيوقع خلل في الغده يا خمول يا فرط النشاط ولكن كاين لي كترجع ليهم عاديه وكاين لي كتبقا مدى الحياه

الحمد لله على كل حال

بالنسبه للانجاب مكنظنش انه عندها تاثير بالنسبه لي عندهم خمول حيت الهرمونات لي كنشربو كيعوضو الهرمونات لي كتفرز الغده يعني الجسم كيرجع عادي

انا الدوره كانت غير منتظمه كتبقا بالشهرين ولكن دبا ملي خديت االمكمل ولات عاديه
نفس المشكل الحبيبة حتى أنا وقعلي هاد الشي بعد الولادة أنا بني عندو 7 شهور والهرمون t4 مرة كيهبط مرة كيتعوط وعندي كيس مائي فالغدة والاجسام المضادة طالعة إوا الله يجيب الشفا من عندو

حسناء ام حمزه
18-03-2013, 19:17
نفس المشكل الحبيبة حتى أنا وقعلي هاد الشي بعد الولادة أنا بني عندو 7 شهور والهرمون t4 مرة كيهبط مرة كيتعوط وعندي كيس مائي فالغدة والاجسام المضادة طالعة إوا الله يجيب الشفا من عندو

ختي واش هرمون tsh ماحللتيهش ؟؟؟

حيت انا هادا هو لي كيطلع عندي اما t4 t3 مزيانين

nirman123
18-03-2013, 19:52
ختي واش هرمون tsh ماحللتيهش ؟؟؟

حيت انا هادا هو لي كيطلع عندي اما t4 t3 مزيانين
tsh 3andi mzyan w t3 mzyan

fdiwatti
22-03-2013, 12:48
السلام عليكم جوبوني الله يجزكم بالخير انا ماما كالها طبيب عندها غدة بعد التحاليل لقات عندها 3 ولسيسات في ليسر انا ماما خافت من العملية حيت من بعد الله سبحانه عندها ع هي دبا الله يجزكم بالخير وش كاين شي دواء طبيعي ولا شي طبيب مزيان في مدينة القنيطرة الله يجزكم بالخيردعيو مع ماما

عدرة
16-05-2013, 12:56
انا عندي خمول الغدة الدرقية كان عنقي ولا مشوه 3 دالاطباء قالولي لازم نعمل عملية استئصال ورفضت ودابا متبعة الدوا25غ فاليوم تحاليل مزيانين وعنقي طبيعي غي النصيحة لي نعطي لمرضى الغدة الدرقية يتجنبو الزعتر بالكل هاد البرد لي فات زولت النعناع من اتاي وعوضتو بالزعتر فشهر واحد عنقي تنفخ مابقى فيه مايتشاف معرفتشي السبب وصدفة سمعت الدكتور جمال الصقلي نبه مرضى الغدة الدرقية من الزعتر وقفتو فداك النهار وبالتدريج رجع عنقي لحالتو الطبيعية

zanouba1
10-10-2013, 11:57
الله يشافي الجميع

البرنسيسه
04-03-2014, 16:03
السلام عليكم شكون الي عطاه الطبيب رجيم الغده الرقيه مع العلم عندي زيادة نشاط الغده
وعطاوني الرجيم

البرنسيسه
04-03-2014, 16:06
http://w
ايواااااا فينكم ww.anaqamaghribia.com/pic/images/q2mfx1ng6qnnb81pxr.jpg (http://www.anaqamaghribia.com/pic/)

pretty ghost
04-03-2014, 16:45
الله يشافي الجميع
أنا ماما كان عندها ولسيس صغيييير ف الغدة ديالها و من بعد التحاليل قالها الطبيب ضروري من العملية
و دارتها و زولاتها و داز كلشي على خير الحمد لله و دابا ك تاخد الدوا ديالها على طول حياتها
يمكن هاد الدوا زادها شوية ف الوزن ديالها و لكن هي أصلا سمينة
مشكلتي أنا شاااكة ف الغدة ديالي ما عنديش العوارض ديالها مفياج الخمول و الكسل والدورة الحمد لله مقادة الروطار د نهار مكاينش الحمد لله
الصيف كولو و رمضان دوزتو و انا شاداني القفقة ديال البرد هههه
فالدار كيموتو بالصهد و دايرين لاكليم و انا حداهوم بالغطا ههههه و لحمي مشوك تقولي جلدة ديال الدجاج هههههههه
و هادي شهر تقريبا و ليت ملي تانعس على الجنب ليمن او ليسر كنحس بحال شي واحد قاجني النفس م كيبغيش يطلعحتي كندور على ضهري
شنو هادشي فنضركم واش هادي الغدة
مشيت عند طبيب القلب و قالي قلبي مزيان ما فيا والو و م شاكش ف الغدة
مالي ك ن تقج ههههه شكون ك يقجني ههههه

السلام اختي الاحساس الشديد بالبرد سبابو الغدة او فقر الدم بالخصوص الغدة الدرقية
انا عندي حتى انا كنشرب ليها 50 levothyrox ورتها من الواليدة حيت هي اغلبيا وراثية فاللول قلبي كان كايضرب
دوزت عند احتصاصي ديال القلب كلشي درتو قاليا ما فيك والو حتى اكتاشفاتها فيا واحد المرا
وكانشرب ليها الدوا دابا شي عام احتي ولا عندي مشكل البرد حتى انا بالخصوص فرجليا وفظهري
الى كانت ناعسا خصني نغطيه مزيان وفاش قلبت على هاد المشكل فانترنت قاليك السبب هو الغدة
وكانفكر نرجع عند الدكتورة نشوف شنو كاين الله يشافينا

warda85
05-03-2014, 20:30
السلام عليكم حتى انا عندي الغده الذرقيه او هادي مدة عامين باش كنستعمل اوتروكس50 ولكن دائما تنحس بعنقي تيدرني او بحال شي واحد قاجني اللي عندها بحال هاد الاعراض تفيدني الله يجازيكم بالخير

أندلسية
07-03-2014, 21:46
السلام عليكمحتى انا فيا قصور الغدة الدرقية كاناخد اوتيروكس 25 دابا قريب عام باش بديت العلاج و اكتشفتو صدفة فاش كنت كاندير التحاليل الخاصة بالحمل

أندلسية
07-03-2014, 21:50
ناري ياختي ليوم بالضبط شربت الزعتر و كنت ناوية نبقا نشربو ديما وانا فيا قصور الغدة الدرقية ماكنتش عارفة بلي الزعتر مامزيانش لينا الله يجازيك بخير
انا عندي خمول الغدة الدرقية كان عنقي ولا مشوه 3 دالاطباء قالولي لازم نعمل عملية استئصال ورفضت ودابا متبعة الدوا25غ فاليوم تحاليل مزيانين وعنقي طبيعي غي النصيحة لي نعطي لمرضى الغدة الدرقية يتجنبو الزعتر بالكل هاد البرد لي فات زولت النعناع من اتاي وعوضتو بالزعتر فشهر واحد عنقي تنفخ مابقى فيه مايتشاف معرفتشي السبب وصدفة سمعت الدكتور جمال الصقلي نبه مرضى الغدة الدرقية من الزعتر وقفتو فداك النهار وبالتدريج رجع عنقي لحالتو الطبيعية

عدرة
08-03-2014, 19:10
ناري ياختي ليوم بالضبط شربت الزعتر و كنت ناوية نبقا نشربو ديما وانا فيا قصور الغدة الدرقية ماكنتش عارفة بلي الزعتر مامزيانش لينا الله يجازيك بخير
اختي ماشي غي الزعتر ليتبعدي عليه حتى اللفت والكرنب والشفلور والبروكلي هادو عاد عرفتهم ومن بعد ماتاخدي الدوا ماتاخديش مباشرة شي حاجا فيها الكلسيوم لان ماتيخليش الجسم يستافد من الدوا
وحددي وقت تناولي فيه الدوا لازم يكون فنفس الوقت بالضبط من كل يوم وبعدي علا المشاكل وردي البال لضغط الدم لانو تيرتافع بسبب الدوا

البرنسيسه
10-03-2014, 15:11
الله يشافي الجميع

السلام عليكم شكون الي عطاه الطبيب رجيم الغده الرقيه مع العلم عندي زيادة نشاط الغده
وعطاوني الرجيم

om imane12
30-04-2014, 13:31
السلام عليكم اخواتي

انا من بعد الولاده غلاضيت بزااااف وكنت كنحس بالتعب والاكتئاب والمفاصل كيضروني قلت يمكن هادشي عادي مع الرضاعه والولاده كانت صعيبه يمكن رجع ليا بالتعب
لكن ملي درت التحاليل هرمون المحفز للغده كان طالع الطبيب عطاني تحاليل اخرى ديال هرمونات لي كتفرز الغده عاودت لقيتهم مزيانين وحتى الهرمون المحفز رجه هبط صافي قالي راه الغده عاديه ماعطاني والو

من بعد شهور رجعت كنحس بالتعب بزاااف والاكتئاب وقلبي كنحس بيه ضربات مامنتظماش والمفاصل كيضروني رجعت بدلت الطبيب وعاودت التحاليل لقات عندي الهرمون المحفز طالع يعني الغده خامله ايوا عطاتني الهرمونات باش نعوض 50 مغ في اليوم

الصراحه مازال مكنحسش براسي مزيان يالا بديتو هادي شي شهر
هادشي كله من بعد الولاده حتى جيت عند راجلي بامريكا في المغرب كنت عادي الحمد لله الوزن ديالي عادي وكلشي مزيان دبا راه غلاضيييييت الله المستعان

كنت قريت انه بعد الولاده كيوقع خلل في الغده يا خمول يا فرط النشاط ولكن كاين لي كترجع ليهم عاديه وكاين لي كتبقا مدى الحياه

الحمد لله على كل حال

بالنسبه للانجاب مكنظنش انه عندها تاثير بالنسبه لي عندهم خمول حيت الهرمونات لي كنشربو كيعوضو الهرمونات لي كتفرز الغده يعني الجسم كيرجع عادي

انا الدوره كانت غير منتظمه كتبقا بالشهرين ولكن دبا ملي خديت االمكمل ولات عاديه

lah ichafik akhti wach khomol lroda 3ando 3la9a balrald hta ana rah 3andi nafs lmochkil odayra rejim walakin bidon jadwa jawbini lah ijazik bikhir

امي الغالية
30-04-2014, 16:20
عندي سؤال انا عندي هاد الاعراض ديما مرخية عيانة مكتائبة عصبية قلبي كيضرب بزاف عندي صعوبة في التنفس مفاصلي كيدروني كنعيا دغيا ومشيت عند طبيب عام عملي تحليلة على الغدة قالي مفيك والو ودابا شديت موعد مع اختصاصي الغدة .واش يمكن ندير ايكو يعني راديو باش نشوف واش عندي الغدة ولاكتبان غي فالدم* .جاوبوني عافاكوم

nohad11
22-07-2014, 13:43
الله يشافي كل مريض

سندي
23-07-2014, 15:10
الله يشافي الجميع انا ختي عندها نشاط في الغدة لكن طبيب معطاش ليها العمليه عاطي ليها غبﻻ دواء وكل 15 يوم تعمل تحاليل صراحة شب اطباء والو هدا غير كيتكلم معها 5 دقايق وتحاليل وتصويرة كل 15 يوم خصها 1500 درهم وميفهمهاش شنو تعمل ويحسرة هدا احسن طبيب في تطوان لكن تدوزتو خايبة قلولي ادا خدت دواء بلا مترجع ةدير تحاليل واش ؤاتر فيها