المساعد الشخصي الرقمي

مشاهدة النسخة كاملة : ملحق ركن اللقاء المفتوح 3



الصفحات : [1] 2 3 4 5 6

lavie c lavie
06-01-2010, 17:00
بسم الله الرحمن الرحيم
لقد تم اغلاق الملحق 2 و مشرفتنا الغالية ام الحلوين تأذن لنا بفتح ملحق 3
نتمنى منكم حبيباتي التوفيق في تدوين الوصفات
و دمتم

z.hayate
06-01-2010, 17:57
allah yjazikom bikhair ana jdida maaraft kifach naktab bi al3arbia fidoni 3afakom

أم الحلوين
06-01-2010, 18:34
السلام عليكم ورحمة الله وبركاته
تبارك الله عليكم
الله اجعل كل حرف حسنة....الله اسهل للجميع الانيقات
استفدنا كثيرا من تواصلكن اخوااااتي ....الله اديمها محبة خالصة لوجه الله
الله اجزيك بالخير lavie c lavie
تم تثبيت الموضوع

sousou01
06-01-2010, 20:04
شكرا على انك كنت السباقة باش تحلي الركن الثالث و الفكرة ديالي المهم الافادة للجميع

ياسمين..
06-01-2010, 22:08
السلام عليكم ورحمة الله وبركاته
شكرا لكن أخواتي على مجهوداتكن ومثابرتكن

hakima09
06-01-2010, 22:25
طبق الحوت خديجة من اسفى

حوتة كبيرة او2 متوسطين الدرعى او الباجو.....حتى الميرلا كبيرة
2 او 3 م ك مطيشة الحك
1 حامضة محكوكة وعصيرها
الزعيترة
الابزار الابيض او الاسود
الخرقوم البلدى
الزعفران
سكين جبير
راس المعلقة القرفة
2 او 3 اعواد القرفة
راس الحانوت ( مروزية الدجاج ) او البسيبيسة و الكبابة
2 ضروس التومة محكوكة
ضامة الحوت
زيت اركان من الافضل او زيت العود مخلط مع زيت المائدة
1/2 م السمن
1 م الزبدة
ورقة سيدنا موسى
2 جزرات محكوكين غليظ
كاس الماء

نشحرو الجزر فى الزيت
نخلطو التوابل ونشرملو بيها الحوت ونخليو شوية من الشرمولة
فى مول للفرن نفرشو الجزرتم الحوت والشرمولة اللى بقات ونخليوه يطيب ملى يقرب يوجد نضيفو الزيتون الاحمر يكون مشحر فى شوية الزيت يزين بدوائر الحامض والفلفلة حمرا وخضرا مشوية

hakima09
06-01-2010, 22:30
*****طبق اليوم من عند امينة من اكادير : بسطيلة الدجاج *********

-2دجاجتان كبيرتان نزول لهم جلدة ونقطعهم
* كيلو بصلة
* بكية كبيرة سعرية صينية
*علبة كبيرة فكيع
* هريسة - شوية الملح والبزار - 1معلقة تحميرة -
* 50درهم فرماج احمر محكوك
* نصف كيلو ورقة بسطيلة

*******طريقة ********

** في طنجرة نوضع البصلة مشلظة + كاس صغير زيت العود + قطع الدجاج + كاس صغير الماء +1معلقة صغيرة هريسة +تحميرة +ملح + البزار ونخلوه يطيب


** نسحر الفكيع في شوية الزبدة ---- فكيع نقطعوه صغير ونشحروه-----

**ملي يطيب الدجاج نزوله وفي نفس الطنجرة الي بقات فيها البصلة والمرق نزيد عليهم شعرية صينية

** ناخد الدجاج ونزول له العظام ونكرضوه بالكراضة الربيع بحال ال غن نكرض الر بيع

**ملي توجد الشعرية صينية نصفوها باش مايبقاش فيها المرق ونقطعوها

** نخلط الشعرية صينية والفكيع والدجاج ونزيداكتر من نصف من مقدار الفرماج محكوك ونزيد مرة اخرى الهريسة

**تم نعمر البسطيلة كيف العادة وكندهن الورقة بالزبدة

**تم ندهن وجه البسطيلة باصفر البيض

**كناخد طربفات الورقة اللي كيكون قاصحين (اللي كنزول من جوانب الورقة ) كنكرضهم كذلك بالكراضة ديال الر بيع ونخلطهم مع الباقي ديال الفرماج ونرشهم فوق البسطيلة وندخلوها الفرن حتى تطيب وتقدم بالصحة والراحة

** كتقول صاحبة الوصفة كتجي رائعة وما كتبانش واش فيها الدجاج

** قالت كذلك ممكن نحتفظ بها في المجمد حتى الوقت اللي بغينا نطيبوها

** ممكن كذلك بهذه الحشوة نعمر بهم البريوات ونحتفظ بهم في المجمد

hakima09
06-01-2010, 22:34
حسبي الله ونعم الوكيل

hakima09
06-01-2010, 22:36
طورطة بالحامض عائشة من طنجة

6 البيضات
2 حامضات محكوكين فى الحكاكة الرقيقة
3 م ك عصير الحامض
2 خمارات
200 السنيدة
200 الطحين
1/2 كاس الزيت العنبة
قبصة الملح

للتزيين
دوائر الحامض معسل او قشور البرتقال معسل
شوية العسل

نطربو البيض والملح وسنيدة وعصير الحامض بالخلاط الكهربائى تم نضيفو الزيت وقشرة الحامض والطحين مع الخميرة فى الاخير
ونصبوه فى المول مدهون ويكون كيتحل من الجوانب وتدخل للفرن تندهنوها بالعسل وهى سخونة او الى كانت باردة يكون العسل سخون تزين بالقشرة البرتقال او الحامض او ترش باللوز....
تقدم باردة

hakima09
06-01-2010, 22:38
نصائح من عند جديجة من تينغيرت


1) اوانى النحاس نحكوها بالصوف تكون ما مغسولاش ديال الخروف


2) ابرة النقش باش تصبر لينا تنديرو طرف البلاستيك فى الجهة الى تنخشيو فيها الشوكة ملى نساليو نغسلوها ونحتافظو بيها








ازير يابس
البصلة الخضارية يابسة
ورقة موسى يابسة
لحية الشيخ يابسة
فلفلة حمرا حارة يابسة


الكل تندخلوه للفرن باش تسخن الى الفلفلة وتدق والفلفلة كتسخن بوحدها وتدق من بعد الكل يتخلط ونديروه فى الحريرة
و الكسكسو باش يكون لديد






نصائح من عند حليمة من الريش


1) جلدة ديال الكوكوط الى خسرات لينا ومعادناش الوقت خصوصا الى كانو الضياف تنقليو اللحم او الدجاج تم تنخلطو الطحين مع الماء على شكل عجين ونديروه فى دائرة الكوكوط وتقفل الطنجرة


2) الى بغينا نديرو التوم فى السلطة بحال ديال الدنجال غير تشوى التوم


3) الصلصة اللى فيها الزبدة او الكريما تعوض بعصير الحامض والاعشاب المنسمة والتوم والتوابل






طريقة الكسكس


1) تنديرو الشعير يترطب فى الماء ليلة كاملة تم يتسقطر مزيان وكيتفتل باليد وتيفور عادى


2) ملى تنديرو الكسكس يفور تنديرو معاه فلفلة الحارة وقبطة الربيع المربط فى كل تفويرة باش ما يتحلوش فى الطنجرة

فدوى المغربية
06-01-2010, 22:41
فكرة رائعة مشكورات حبيباتي

ياسمين..
06-01-2010, 22:49
جزيل الشكر لك أختي حكيمة على مجهوداتك

ام امنية
07-01-2010, 09:34
شكرا لكم اخواتي علي الموضوع الجميل

wassila_yousra
07-01-2010, 10:13
شكرا لكن أخواتي على مجهوداتكن

lavie c lavie
07-01-2010, 10:28
شكرا على انك كنت السباقة باش تحلي الركن الثالث و الفكرة ديالي المهم الافادة للجميع
العفو حبيبتي سوسو
اعرف انها فكرتك دخلت للملحق 2 ووجدت المشرفة الغالية ام الحلوين تطلب متطوعة لفتح ملحق 3
استسمح اختي

lavie c lavie
07-01-2010, 10:29
السلام عليكم ورحمة الله وبركاته
تبارك الله عليكم
الله اجعل كل حرف حسنة....الله اسهل للجميع الانيقات
استفدنا كثيرا من تواصلكن اخوااااتي ....الله اديمها محبة خالصة لوجه الله
الله اجزيك بالخير lavie c lavie
تم تثبيت الموضوع

حبيبتي شكرا على التثبيت

lavie c lavie
07-01-2010, 10:32
بارك الله فيك اختي حكيمة على مجهوداتك

lavie c lavie
07-01-2010, 11:11
دجاجة معمرة و مبخرة ومحمرة من عند السيدة سميرة من تازة ( 07/01/2010)



دجاجة قياس 2 كيلو



قبطة كبيرة ديال المعدنوس



معلقة صغيرة سكينجبير



معلقة صغيرة ابزار



معلقة صغيرة خرقوم



معلقة صغيرة زعفران حر



معلقة كبيرة سمن



معلقة هريسة



حامضة مصيرة



ضامة البنة ديال الخضرة او البقري



نصف كاس زيتون اخضر مقطع



الملح حسب الدوق



خنيشة الشعرية الصينية 250 غرام



الطريقة



نغسلو الدجاجة و نقيوه مزيان كنديرو ليها الملح و الخل و نخليوه ش ساعة من بعد ندير ليقامة و المعدنوس مقطع رقيق و منساوش القشيوشات ديال الدجاجة و الشعرية ونعمر الدجاجة مزيان بلا منسدو نحطوه في الكسكاس مل تطيب ندهنوه بالزبدة و ندخلوه الفران نشعل العافية من الفوق والتحت



نحطو الدجاجة مقلوبة في الطبق الصدر للفوق و التعميرة اللي طاحت نزينو بيها الجناب ديال الطبق

قالت بانها تتجي بنينة

لازورد
07-01-2010, 11:49
للشعر : 07/01/2010

بصلة حمراء
قشرة ديال الرمان
طرف ديال السواك
كيس ديال الشاي الأسود
شوية ديال الورد يابس أوراق
شوية ديال الريحان أوراق
شي حبات ديال القرنفل

اللي شعرها دهني تستعمل الحنا
و اللي شعرها جاف تستعمل ألزاز ( الكمية الكافية حسب طول الشعر )
لتر ماء
كنديروهم في طنجرة يغليو حتى ينقص الما ويبقى لينا غير الكمية الكافية باش نخلطو الحنا أو الزاز ، نخلطوهم و نخليوهم شي ساعتين يطلقو مزيان ومن ب عد تعمل للشعر 5 ساعات أو أكثر

قالت أنها مفيدة لتساقط الشعر و كتغطي الشيب و كتعطي لون كستنائي رائع

lavie c lavie
07-01-2010, 12:29
شربة من عند كريمة ( 07/01/2010)


رابعة بورو


2 معالق كبار زبدة


نصف كيلو بطاطا حلوة


لتر ماء


شوية ملح


نصف معلقة صغيرة ابزار


ربع معاقة كوزة مدقوقة


ضامة البنة الدجاج اختيارية


علبة حليب مركز غير المحلى


للتزيين شوية المعدنوس


الطريقة

نغسلو البورو و نقطعوه دوائر و نقليوه في الزبدة العافية تكون مهيلة نقطعو بطاطا مربعات صغار و نضيفوها على البورو نزيدو الماء و الملح و الابزار والكوزة و نخليوه واحد 45 دقيقة في الاخير نضيف ضامة البنة نزولوها من النار و نطحنوها في مولينيكس و نضيف ليها الحليب و نزينوها بالمعدنوس

sousou01
07-01-2010, 15:14
شكرا كدلك و اتنى لك التوفيق في الركن و شكرا على العمــــــــــــــــــــــــــوم

حسناء الرودانية
07-01-2010, 15:41
تبارك الله عليكم اخواتي موفقات ان شاء الله

hakima09
07-01-2010, 17:06
العفو اختي ياسمين و اختي la vie c la vie هدا اقل ما يمكن تقديمه لهدا المنتدى الرائع فنحن نستفيد منه الكثير ولاسيما المتزوجات حديثا شكرا لجميع الاخوات القائمات على هد المنتدى

hakima09
07-01-2010, 17:25
غريبة بزبيب من عند ايمان من اسفي

المقادير
كاس صغير سنيدة
200 غ زبدة
250 غ زبيب (مرقد ليلة في الماء الزهر )
4 اصفر بيضات
قشرة حامض محكوكة
1خميرة
1 لباني
دقيق حسب الخليط
(لوز ايفيلي + مربى البرتقال) للتزيين
الطريقة
في اناء نصب كاس سنيدة +اصفر البيض و الزبيب(كنقنقطعوه حتى يولي بحال لعجين) و الزبدة و نخلطو ونزيدو قشور الحامض و الخميرة و الدقيق شوي شوي ملي تجانس العناصر نديرو كويرات ونغطسوهم في المربى ونزينو باللوز ايفيلي ونستفوها ف طاوة مغلفة بورق الطبخ لمدة 25 دقيقة حرارة الفرن 150°

hakima09
07-01-2010, 17:35
دسير مرافق لدجاجة المعمرة

لتر حليب
2خيارات مقطع مكعبات
3 فصوص ثوم مدقوق
ملح
نخلطلو المقادير و نخليوه ساعة عاد نقدموه في زلايف

madi2010
07-01-2010, 17:38
essalam oride ma3refte ayna hia wassafte dial molha9ali9a2 almaftouh num2 wa chokrane

madi2010
07-01-2010, 17:44
almorjou al ifada 2 halwate 9demathoum wahed al okhte mn chamal adoun nhare touylata2 li 3andha tfdina bihom wa chokrane

hakima09
07-01-2010, 17:48
اليك اختي رابط ملحق الركن المفتوح 2

http://www.anaqamaghribia.com/vb/showthread.php?t=69887&page=203

ام وصال 2001
07-01-2010, 17:53
تبارك الله عليكم الانيقات راكم قايمين بالواجب الله اييسر اموركم وخاصة الاخت حكيمة

hakima09
07-01-2010, 17:56
اليك الحلويات الي طلبتي اختي اكتبي بالعربية احسن راه غير بالزز باش فهمت الكتبة ديالك:80::80::80:


حلوة كاوكاو هى حلوى اسبانية

1 كيلو كاوكاو محمر ومطحون
1 زلافة الزبدة مدوبة
1 زلافة كلاصي
شوية حبت حلاوة مطحونة
شوية النافع مطحون
شوية القرنفل والقرفة مطحونة
الكوزة محكوكة
طحين

نخلطو كل المقادير وتجعل على شكل حرابل تدخل للفرن من الاحسن ديال الزنقة تقطع دوائر تفند فى كلاصي وتقدم فى الكويغطات



حلوة دونوت حلوة اسبانية كدلك

500غ الزبدة
250غ اللوز مقلى ومطحون
8 م ك ماء الزهر
8 م ك كلاصي
8 م ك الزيت
شوية المسكة حرة
1 م ك حبت حلاوة مطحونة
شوية النافع مطحون
1 كاس جنجلان مطحون
2 خمارات
طحين

التزيين
250 الشكلاط الابيض او الاسود

نخلطو جميع المقادير تطلق بالمدلك على شى بلاستيك وتقطع
دوائر متقوبة من الوسط وتدخل للفرن ملى تبرد تفند كل دائرة بالكامل فى الشكلاط وتبقى حتى تنشف

كتقول صاحبة الوصفة هاد المقادير كتخرج كمية كتيرة

hakima09
07-01-2010, 17:59
العفو ام واص حتى انت مامقصراش ولا جميع المشرفات كلهم تبارك الله عليهم

TAWBA 1
07-01-2010, 20:24
السلام عليكم ورحمة الله تعالى
شكرا لك أختي حكيمة على المجهود الرائع لتعم الفائدة ، جزاك الله خيرا
أختي هل الحلويات اللي كتبتي مجربة ؟ وشكرا مرة أخرى

ام جلال هوارة
07-01-2010, 20:52
لك جزيل الشكر اختي الكريمة حكيمة على وصفات اللقاء المفتوح لكتفدينا بها :71:تبارك الله عليك و الله احفظك.

raihana
07-01-2010, 21:13
السلام عليكم ورحمة الله تعالى وبركاته اخواتي وشكرالكم على كل المجهودات التي تبدلونها جزاكم الله كل خير.
نصائح الجمال ليوم اثنين
لازالة الكلف من الوجه؛ 2 معالق كبار دقيق الحمص ـ 3 معالق كبار ماء ورد ونخلطوهم مزيان ونوضعوه على الوجه مدة نصف ساعة تم نغسلوه بالماءالباردتم نمسحوه بماء الوردوتستعمل هده الوصفة مدة 3 مرات في الاسبوع او يوم السبت والاحد.

raihana
07-01-2010, 21:17
لوسيون للوجه المتعب؛ اوراق الخس نغسلوهم ونطحنوهم في مولينكسونعصروهم في منديل وناخد الماء ديالهم ونوضعوه على الوجه مدة 10 د مع الدلك الخفيف للوجه بشكل دائري ونغسلوه بالماء البارد.

raihana
07-01-2010, 21:29
قناع لتبيض البشرة وتنقيتها من البقع؛ ملعقة صغيرة عصير الحامض ـ4 حتى 5 حبات اللوزـ بيضة بلدية نرقدو اللوز وننقيه ونطحنه الكل ويخلط مع الحامض والبيضة على شكل عجين ونضعه على مكان البقع مدة 15 تم نغسلو بالماء البارد ويستعمل يوميا.

غدا يوم اخر
07-01-2010, 21:33
للشعر : 07/01/2010

بصلة حمراء
قشرة ديال الرمان
طرف ديال السواك
كيس ديال الشاي الأسود
شوية ديال الورد يابس أوراق
شوية ديال الريحان أوراق
شي حبات ديال القرنفل

اللي شعرها دهني تستعمل الحنا
و اللي شعرها جاف تستعمل ألزاز ( الكمية الكافية حسب طول الشعر )
لتر ماء
كنديروهم في طنجرة يغليو حتى ينقص الما ويبقى لينا غير الكمية الكافية باش نخلطو الحنا أو الزاز ، نخلطوهم و نخليوهم شي ساعتين يطلقو مزيان ومن ب عد تعمل للشعر 5 ساعات أو أكثر

قالت أنها مفيدة لتساقط الشعر و كتغطي الشيب و كتعطي لون كستنائي رائع

مشكوره اختي راه كنت كنقلب على هاد الوصفه مسمعتهاش فالصبح و كنت عنتسطى عليها و شكرا لكل الانيقات على المجهودات لي كيبدلو

raihana
07-01-2010, 21:40
وصفات الجمال ليوم الثلاتاء
لتنظيف البشرة؛ في طنجرة كنوضعو فيها نصف لتر ماء او كنديرو واحدة من هده الاعشاب اما شوية الزعتر اولويزة اوالشيح اوالخزامة ونغليو ونغطيو الراس والوجه بفوطة لكي لايتسرب البخار ونوضعو الوجه فوق الطنجرة اللي فيها الماء الغليانونبخرو الوجه مدة 10 د ونمسحو الوجه باسفنجة مبلولة بماء مثلج تصلح لكل انواع البشرة مرة واحد في الاسبوع للبشرةالعادية والجافة و2 المرات للدهنية.

raihana
07-01-2010, 21:49
قناع مبيض للوجه؛ 2 معالق كبارنخالة ـ حليب سخون قياس اللي يجمع لينانخلطو كل شيء ونخليوه يبردونوضعوه على الوجه وممكن استعماله يوميا ومن بعد مرة في الاسبوع ويصلح لكل انواع البشرة.
قناع الطين الاخضر؛2 معالق الطين الاخضر ـ البابونج ونكبوعليه الماء طايب وناخد منه مايكفي لخلط الطين ونوضعوه على الوجه حتى يجف ونغطيو العينين بقطع القطن مبللة بماء الورد ونغسلو الوجه وهو جد مفيد للبشرة.

raihana
07-01-2010, 21:55
قناع قبل الماكياج بساعتين؛ ملعقة كبيرة عصير الحامض ـ ملعقة صغيرة زيت الزيتون ـ نصف معلقة صغيرة من الخميرة المعجونة ـ معلقة كبيرة ياغورت طبيعي ويخلط الكل ونوضعوه على الوجه مدة 20 د ونمسحوه بماء دافئ ونستعملوه 3 المرات في الاسبوع.

hakima09
07-01-2010, 22:15
السلام عليكم ورحمة الله تعالى
شكرا لك أختي حكيمة على المجهود الرائع لتعم الفائدة ، جزاك الله خيرا
أختي هل الحلويات اللي كتبتي مجربة ؟ وشكرا مرة أخرى
لا اختي ماجربتهاش غير نقلتها من اللقاء المفتوح

hakima09
07-01-2010, 22:17
لك جزيل الشكر اختي الكريمة حكيمة على وصفات اللقاء المفتوح لكتفدينا بها :71:تبارك الله عليك و الله احفظك.

حتى انت اختي الله يحفظك و يعطيك ما تمناي

مع الله
07-01-2010, 22:21
السلام عليكم ورحمة الله وبركاته .الاخوات اللي سمعات الوصفة اللي دازت اليوم ديال البايلا تكتبها والله يجازيها بخير.

مع الله
07-01-2010, 22:26
السلام عليكم ورحمة الله وبركاته .الاخوات اللي سمعات الوصفة اللي دازت اليوم ديال البايلا تكتبها والله يجازيها بخير.

mamat hamza
07-01-2010, 23:09
assalamo 3alaykona akhawati,chokran 3la almajhod li tat9omo bih ,o mabrok 3likom molha9 n 3,allah ya3tikom assaha

mobinews
07-01-2010, 23:20
السلام عليكم،

تبارك الله على الحادكات وكل انيقة كتساهم في هذا المنتدى العزيز.

لكم الجنة.

raihana
08-01-2010, 11:23
السلام عليكم ورحمة الله تعالى وبركاته جمعة مباركة عليكم كاملين الحبيبات ديالي او مبروك علينا الملحق 3 الله يجعل استفادة وخير للجميع او كنشكر اختي ام الحلوين على الثتبيت وجزاها الله خيرا.
البايلا اللي طلبت اختي مع الله على الرحب والسعد؛رابعة الكروفيت ـ رابعةالكلمار ـ رابعة لحيمات مقطعين مربعات او بيبي ـ 5 جنيوحات الدجاج ـ 3 بصلات صغار محكوكين ـ فصوص الثوم ـ سكينجبير ـ ابزار ـ خرقوم ـ شوية الكمون ـ شوية الزيت ـ 2 زلايف الارزالاصفر ـ شوية الجلبانة ـ جزرة واحدة ـ فلفلة حمرا وخضرا وصفرا ـربطة قزبر ومعدنوس ـ مطيشة الحك.
نشحرو الارز مع الزيت وبصلة محكوكةوالربيع .تم نشحرو الكروفيت مع الزيت والملح والابزار والربيع والبصلة تم نشحرو ادجاج مع البصلة والتومة والزيت والخرقوم والابزار وشوية الكمون ويتشحر مزيان وكدلك بالنسبة للحم نفس طريقة الدجاج ناخد طنجرة.ونوضعو فيها الثومة محكوكةوالربيع مقطع ونشحرو الخضر في هاد التوابل مع البصلةوضامة البنة ومطيشة الحك مدة ربع ساعةونزيدو الماء والارزونزيدو معاهمالكروفيت والكلمار واللحيمات والدجاج وندخلها الفرن تكمل الطياب مرة مرة نراقبوها او كتجي ناشفة او بالصحة او الراحة اختي.

لازورد
08-01-2010, 11:31
السلام عليكم أنيقات المغرب
صباح النور و السعد

شكون لي سجلات الوصفات التجميلية ديال السيدة ياسمين أو ياسمينة اللي مع فرقة أولاد البوعزاوي ؟

ام جلال هوارة
08-01-2010, 15:24
وعليكم السلام ورحمة الله وبركاته
هاهي الوصفات ديال ياسمينة:
-الوصفة الاولى:
-واحد فرماجة مربعة نطليها على الوجه و العنق حتى تنشف ا نحسو بان الوجه تكمش ا نعملو مساج دائري مثل الكوماج حتى يزول الفرماج ا نغسل بالماء البارد ا نشف بالورق النشاف.
قالت انه مفيد للوجه المتعب و الناشف ا كيرطبو.
-الوصفة الثانية:
-شوية خميرة معجونة
-شوية حليب سائل
نخلطهم جيدا ا نوضعهم على الوجه و العنق5 دقايق ثم نغسلو بالماء الدافئ انشفو بالورق النشاف او فوطة رطبة
قالت انه كيبيض الوجه ا كيخليه رطب ا كيعطيه نظرة جميلة.

-الوصفة الثالتة
-واحد ياغورت صغير ابيض ديال دراري صغار
-شوية حليب غبرة
نخلطهم ا نوضعهم على الوجه و العنق حتى ينشفو ا نغسلو بالماء الدافئ ا نشف كما العادة.
قالت هاد الماسك ليه نفس المفعول ديال الماسك الثاني.

hakima09
08-01-2010, 15:45
حلوة كاوكاو من عند ليلى من الحسيمة
المقادير
كاس صغير زيت
كاس صغير سنيدة
150 غرام زبدة
كاس الا ربع مازهر
1 خمارة
فورص حسب الخليط
الحشوة
رابعة كاوكاو محمر و مطحون
م ك زبدة مدوبة
2 م ك سكر كلاصي
شوية قرفة
شوية مازهر
التزيين
كاوكاو محمر و مهرمش
مربى او شكلاط
الطريقة
نخلطو الزبدة مع السكر مزيان ثم نضيف ماءزهر و الزيت و نخلطو و في الاخير نضيف الدقيق و الخميرة و نخليوها جانبا
نخلطو كاوكاو مطحون مع السكروالزبدة مدوبة و القرفة و مازهر حتى نحصل على عقدة بحال ديال اللوزو نديروها حريبلات رقاق
نطلقو العجينة و ندخلو فيها حريبلات كاوكاو و نسدو عليهم و نشكلوهم على شكل دميلجات ثم ندخلوهم لفران الي سبق لينا سخناه يطيبو على نار مهيلة
منين يطيبو نسخنو المربى و ندهنوهم به ونفندوهم فكاوكاو مهرمش
ويلا بغينا نزينوهم بالشكلاط نخليوهم حتى يبردو عاد نغلفوهم بالشكلاط مدوب و نزينوهم بكاوكاو مهرمش

hakima09
08-01-2010, 15:55
دجاجة مبخرة من عند السيدة لطيفة
المقادير
دجاجةمن وزن كيلو ونصف
قبطة د المعدنوس
م ص سكينجبير
شوية الملح
حامضة متوسطة معصرة
م ك زبدة
الطريقة
نغسلو الدجاجة مزيان ونشرملوها ب سكينجبير و الحامض و الملح و نخليوها ليلة كاملة
كنقطعو المعدنوس رقيق +سكينجبير +ملح +حامض +زبدة ونعمرو الدجاجة بهاد الخليط ونديروها تبخر ملي طيب ندهنوها بالزبدة وندخلوها لفران تحمر

عنبر
08-01-2010, 15:57
اهلا و سهلا بكن اخواتي الانيقات كل واحدة باسمها وكدلك المشرفات ومبروك علينا الملحق 3 انا البارح كتبت لكم الوصفات كلقى الملحق مغلوق دبى عاد عقت

hakima09
08-01-2010, 16:09
شوربة بالخضر و الحوت (لطيفة من اسبانيا)
المقادير
2 حبات بورو
2 حبات جزر
2 حبات بطاطا
عريش ديال الكرافس
حوت هبرة
زلافة قمرون مقشر ومنقي
ملح
ابزار
2 م ك زبدة
م ك دقيق
لتر و ربع ماء
شوية معدنوس مقطع
2 م ك قشدة طرية
الطريقة
نقيو الخضر و نقطعوهم مربعات صغار
الكرافس والمعدنوس يتكردو رقاق
الحوت يتقطع طريفات و يتحمر مع الزبدة ملي يتحمر الحوت نصفيوه من الزبدة ونضيفو الخضر لهديك الزبدة الي حمرنا فيها الحوت و نزيدو عليهم الملح والابزار ونخليوها شوي عاد نزيدو معلقة ديال الطحين ونحاولو نحركو باش مايكورش ملي يتطلق الطحين نزيدو الماءونخليوه يطيب 15 دقيقة
نحلو الطنجرة نضيفو الحوت الي حمرناه ف الزبدة و القمرون و الكريمة و الكرافس و المعدنوس و نخليوها 3 دقائق ونطفيو عليها

هديل30
08-01-2010, 16:18
:69::69::69:وليني راك متبعة مزيان تبارك الله عليك انا كنسمع و كنتبع و كنضيع شحال من حاجة و دابا الحمد لله معاك منبقاش نضيع تاحاجة ان شاء الله

لازورد
08-01-2010, 17:08
أم جلال هوارة
الله يرحم ليك الوالدين ويجازيك الخير كله و يحفظ لك جلال
وكل أحبائك

شكرا بزاف

مع الله
08-01-2010, 20:16
السلام عليكم ورحمة الله وبركاته .تبارك الله عليك اختي ريحانة و الله يجازيك بخير على الوصفة. قولي لي بعدا كي بقيتي و الحمد لله على سلامتك.

ام جلال هوارة
08-01-2010, 21:52
لا شكر على واجب اختي الكريمة لازورد على الراس و العين :71::71::71:والله يحفظك و يكرمك.

3bouch
09-01-2010, 16:12
البنات الله يرحم الوالدين بغيت مقادير الشنيك راه داز في اللقاء المفتوح وشكرا

عنبر
09-01-2010, 16:46
اختي abouch الشنيك في الملحق 2ص الاخيرة

hakima09
11-01-2010, 14:48
طورطة بالخضر (حفيظة من سيدي قاسم)
*مقادير العجين
100 غرام زبدة رطبة
200 غرام فورص
قبصة ملح
3 حتى ل 4 معالق كبار ماء بارد (مقدار حفنة اليد)
*مقادير الحشوة
بصلة متوسطة مشلضة
2 خيزوات مقشرين و مقطعين مكعبات صغار بزاف
2 كرعات خضرين منقيين و مقطعين مكعبات صغار
2 معالق كبار معدنوس مقطع
4 بيضات
رابعة حليب (كاس كبير)
100 غرام فرماج محكوك
ملح و ابزار
*الطريقة
نخلطو الدقيق مع الزبدة والملح و نبقاو نخدمو بالاصابع حتى يترمل مزيان و ماتبقاش تبان الزبدة ثم نجمعو بالماء و نديرو العجينة ترتاح فالثلاجة و نحضرو الحشوة
نشحرو البصلة و الخضر مزيان فالزيت مع شوية الملح والبزار ثم نخليوهم يبردو شوية
نطلقو العجينة و نديروها في مول مدهون بالزبدة و نقادوها من الجناب و نديرو عليها الخضر ثم نخلطو الحليب مزيان مع البيض و شوية ملح و ابزار و المعدنوس و نزيدو الفرماج و نكبو الخليط فوق الخضر و ندخلو الطورطة للفران تطيب و تتحمر شوية من الفوق ثم تقدم
يمكن اضافة انواع اخرى من الخضر مقطعة صغير و كذلك يمكن نزيدو الفطر للحشوة

hakima09
11-01-2010, 14:49
بسم الله الرحمن الرحيم
السلام عليكم ورحمة الله وبركاته
طبق اليوم من عند السيدة حليمة من الريش
لحم العنزي بالحامض و الثومة فالفران
*المقادير
فخد ديال العنزي مقطع طراف متوسطين
ملعقة كبيرة زيت زيتون
2 فصوص ثوم محكوكين
3 معالق كبار عصير الحامض
ملعقة صغيرة ازير
ملح
تحميرة
القليل فقط من البزار (من الاحسن يكون ابيض)
*التزيين
2 معالق كبار كاجو (اخضر غير مملح)
2 معالق كبار لوز( اخضر)
2 معالق كبار زبيب بلا عظم مغسول
*الطريقة
نخلطو جميع العناصر و نشرملو اللحم مزيان و نخليوه مرقد فالشرمولة ليلة كاملة
في الغد نديرو اللحم في مول ديال الفران من الاحسن يكون ديال الزاج و ندردرو عليه من الفوق اللوز و الزبيب و الكاجو و ناخدو ورق المنيوم نديروه تحت المول و نجمعوه على المول كامل و نسدوه مزيان من الفوق يعني غدي نغطيو المول كامل بالورق (باش يطيب اللحم بالبخار) ثم ندخلوه للفران يطيب تقريبا مدة ساعة

bent bladi
11-01-2010, 21:07
شكرا لكن أخواتي على مجهوداتكن

melami
11-01-2010, 21:25
الله يخلى لينا المشر فات لغزالات يتبثو لينا حتى الملحق 1 حيت مرة مرة كنحتاجو شي حاجة ما كنلقاوهاش يا الله يا الانيقات صوتو معايا

jariloukili
11-01-2010, 21:32
اشكركن على هده المجهودات القيمة
فهي جد مهمة و مفيدة و اتمنى لكن المواصلة و الاستمرار

المشتاقة الى الفردوس
11-01-2010, 22:35
كيفية استخرج حليب و زيت جوز الهند (الكوكو) (حنان من اولاد تايمة)
*استخراج الحليب
ناخذو حبة كبيرة ديال الكوكو و نقسموها على جوج و نزولو الجزء الابيض يعني اللب و نحكوه فالحكاكة الرقيقة ثم نديروه في قرعة او اناء كبير ديال الزجاج يكون معقم و نخويو عليه الماء طايب يكون كيغلي و نسدو القرعة و نخضوها مزيان باش تنسجم العناصر ثم نخليو الخليط حتى يدفى و نعصروه مزيان بزيف حياتي نظيف غدي نحصلو على ماء ابيض اللون هو حليب جوز الهند
يمكن نديرو بيه لاكريم باتيسيير او البيشاميل او نستعملوه في وصفات التجميل
*استخراج الزيت
ناخذو الحليب اللي حصلنا عليه نديروه في قرعة و نديروه يبات فالثلاجة و فالصباح غدي نلقاو الزيت تعزل الفوق و الحليب بقى التحت كنزولو الزيت شوية بشوية بواسطة ملعقة و نحتفظ بها في قنينة ديال الزجاج لحين الاستعمال

المشتاقة الى الفردوس
11-01-2010, 22:36
القوام ديال تاسارت ( مجموعة عشوب صحية تستعمل في الطبخ) (حليمة من الريش)
المقادير
شوية من عشبة لحية الشيخ
كمون مطحون او حبوب
حبق اخضر او يابس
فلفلة حلوة خضرا
بصلة حمرا
اوراق البصلة الخضارية
ملح
قزبر يابس
ورقة سيدنا موسى
سودانية (حسب الرغبة)
بالنسبة للمقادير نديرو رابعة من كل نوع من الخضر و شوية من كل عشبة
الطريقة
تغسل لحية الشيخ و تتيبس
تنقى الخضر و تغسل و تقطع طريفات صغار و نخلطو جميع العناصر في اناء و نبداو نهزو شوية بشوية و ندقوه مع الملح نخليوه مهرمش شوية ثم نخليوهم يباتو ليلة كاملة و في الغذ نفرشو زيف حياتي و نشروهم عليه و نخليوهم ييبسو فالشمس مع التحريك مرة مرة و منين ييبسو مزيان نديروهم في قرعة و نحتفظ بهم
يمكن نديروهم فالكسكسو او الحريرة او الرغايف ديال الشحمة او الرغايف بالكفتة او نديروهم فالمرقة كيعطيو مذاق زوين للاكل

المشتاقة الى الفردوس
11-01-2010, 22:37
كنشكركم بزاف على المجهودات اللي كتبذلو في سبيل المنتدى

المشتاقة الى الفردوس
11-01-2010, 22:38
وصفات الجمال ديال اليوم من عند حورية من المحمدية
وصفة لتبييض الوجه و ازالة البقع
المكونات
ملعقة صغيرة ماء خيزو (نحكوه في الحكاكة رقيقة و ناخدو فقط الماء ديالو)
ملعقة صغيرة عسل حر
ملعقة صغيرة ماء الخيار
2 معالق صغار من دقيق الذرة
الطريقة
نخلطو ماء خيزو و الخيار مع العسل و نبقاو نزيدو الدقيق ديال الذرة شوية بشوية حتى نحصل على عجينة رطبة نديروها على الوجه و نخليوها من 15 دقيقة الى نصف ساعة مع الاسترخاء على الظهر ثم تزال بحركات دائرية و تغسل بماء دافي و تنشف و للحصول على نتائج جيدة ندهنو الوجه بعد الوصفة بماء ورد مخلط مع زيت اللوز مثلا ملعقة من كل واحد و نخليوهم في الوجه حتى نبغيو نخرجو عاد نغسلوه
تستعمل الوصفة 4 الى 5 مرات فالاسبوع و بعد 15 يوم كتبان النتيجة
من الاحسن نديرو حمام بخار للوجه قبل اي ماسك لاعطاء نتائج افضل

المشتاقة الى الفردوس
11-01-2010, 22:39
وصفة لازالة التجاعيد و البقع السوداء فالعنق و وراء الاذنين
المكونات
ملعقة صغيرة عصير بومبلوموس اصفر من الاحسن (ماشي وردي)
ملعقة صغيرة عسل حر
ملعقة صغيرة ياغورت طبيعي
ملعقة صغيرة عصير اوراق الدرك (الصبار) (نحكوهم و نصفيوهم في زيف حياتي)
ملعقة حمص مطحون او حلبة مطحونة من الاحسن
الطريقة
نخلطو عصير البومبلوموس و العسل و الياغورت و عصير اوراق الدرك و نبداو نزيدو اما دقيق الحمص او الحلبة حتى نحصل على عجينة نديروها على الوجه و العنق و نخليوها من 30 الى 45 دقيقة ثم تغسل
تستعمل الوصفة من 3 الى 4 مرات في الاسبوع و بعد شهر كتبان النتيجة و كذلك كترطب الوجه بعد مرة او جوج من الاستعمال
في حالة استعمال الحلبة في الوصفة باش تزول الرائحة ديالها تماما من الوجه منين نغسلوه نديرو ليه الماء ديال الخس (نحكو الخس في الحكاكة الرقيقة و ناخدو الماء ديالو)

TAWBA 1
11-01-2010, 23:34
الله يعطيكم الصحة على هذا المجهود
في الحقيقة اللي فاتتها شي حاجة من وصفات اللقاء المفتوح كتلقاها هنا
لهلا يخطيكم علينا ، وينوّلكن اللي في بالكن وشكرا بزاف

s-amira
12-01-2010, 09:58
الله يجازي كل اخت كتكتب شي وصفة خير الجزاء ربي بووحدو لي قادر يخلصكم على هاد
المجهودات

المشتاقة الى الفردوس
12-01-2010, 12:23
السلام عليكم ورحمة الله وبركاته
فقرة الجمال لهذا اليوم من عند السيدة ربيعة من القصر الكبير (مختصة في التجميل و التخسيس)
زيوت قبل الاستحمام
* زيت اللوز
يدهن الجسم كامل بزيت اللوز و نخليوه مدة 20 دقيقة ثم يغسل
يمكن نديروها داخل الحمام و نصف قنينة صغيرة ديال الزيت كافية لكامل الجسم
فائدة زيت اللوز انها تمنع من ترهل البشرة و كتشدها بصورة رائعة
*زيت الذرة
يدهن الجسم كامل بزيت الذرة و نخليوه كذلك مدة 20 دقيقة ثم يغسل عادي
فائدة زيت الذرة انها ترطب الجسم بشكل رائع
*كيفية استخراج زيت الذرة فالبيت
ناخدو 2 معالق كبار من طحين الذرة الصفراء و نديروهم في قرعة و نغطيوهم بزيت الزيتون و نسدو القرعة و نحركوها مزيان باش تنسجم العناصر ثم نخليوها مدة يومين او 3 ايام و نعاودو نحركوها مزيان ثم نخليوها حتى تتصفى الزيت الفوق و نزولوها و هكذا غدي نحصلو على زيت الذرة
بالنسبة لهذه الزيوت كل مرة نديرو نوع قبل الحمام اما زيت اللوز او زيت الذرة

المشتاقة الى الفردوس
12-01-2010, 12:24
مزيل عرق طبيعي
المكونات
ملعقة صغيرة زيت اكليل الجبل (ازير)
ملعقة صغيرة زيت الزعتر
ملعقة صغيرة زيت الخزامى (او زيت النعناع)
2 معالق صغار شمع بلدي محكوك
الطريقة
ندوبو الشمع على نار مهيلة ثم نضيف الزيوت و نحركو حتى تنسجم العناصر كيولي الخليط خاتر ثم نزولوه من فوق النار و منين يدفى شوية نديروه في علبة و نخليوه حتى يبرد و يجمد ثم نسدو العلبة و نخليوها مدة 3 ايام ثم نستعملوه
تدهن اماكن العرق فالصباح و فالليل
هذا المزيل طبيعي و له مفعول رائع

المشتاقة الى الفردوس
12-01-2010, 12:31
طبق اليوم من عند السيدة عائشة
طورطة بالخضر
المقادير
6 بيضات
100 غرام جلبانة طرية او معلبة
100 لوبيا خضرا منقية و مقطعة صغير
3 بطاطات مقشرين و مقطعين مكعبات صغيرة
3 خيزوات مقشرين و مقطعين
فلفلة حلوة خضرا مقطعة (او نصف فلفلة)
نصف كاس عنبة حليب
50 غرام زبدة لدهن المول
50 غرام فرماج محكوك
ملعقة صغيرة ابزار ابيض
شوية الملح
معدنوس مقطع
الطريقة
نبخرو الخضر كل وحدة بوحدها يمكن نديرو كل نوع بوحدو فبلاستيكة و نديروهم يتبخرو
نخلطو الخضر و نضيف شوية ملح و ابزار و شوية فرماج محكوك و معدنوس
نطربو البيض ثم نضيف الحليب و نخلطو كلشي مع الخضر
ندهنو مول مستطيل بالزبدة و نكبو فيه الخليط و ندخلوه للفران يطيب على حمام مريم و منين تطيب الطورطة نخرجوها و نرشوها بشوية الفرماج من الفوق و نعاودو ندخلوها تتحمر شوية من الفوق و نقدموها

المشتاقة الى الفردوس
12-01-2010, 14:53
نصائح من عند عائشة من طنجة
*ايلا تخنق لينا الحمام او لافابو ديال الكوزينة او الحمام نخلطو مقدار كاس ديال الخل الابيض مع 2 معالق كبار من بيكاربونات الصودا و نخويوهم فيهم فالليل و نخليوهم حتى للصباح عاد نخويو فيهم الماء
*ايلا ترش لينا ليدام على حائط الكوزينة و خفنا تخسر لينا الصباغة بالمسحوق و جافيل نحكوه بشوية البصلة ثم ينظف بمنديل او بونجة كيزول ليدام نهائيا
*القهوة معصرة فالكوكوت الخاصة باش دغيا توجد نديرو ماء غليان فالكوكوت
*منين يتحرق لينا الطجين مانكرطوهش و لكن نديرو عليه الخل و شوية ماء غليان و نديروه فوق نار مهيلة يرطاب ثم نحكوه بقطعة ديال الفاخر
*ايلا بغينا نغطيو شي حاجة بورق المنيوم و نطيبوها فالفران من الاحسن نغطيوها بورق سيلفيريزي عاد نديرو عليه ورق المنيوم باش مايطلقش الكحولة فالاكل
*التخت ديال القهوة نستعملوه للحمام ولافابو مخنوق او نحكو بيه اليدين كيرطبهم مزيان او نديروه لاواني الحوت والبيض كيزول الزفورة

المشتاقة الى الفردوس
12-01-2010, 15:13
بينيي اسباني (منى من تارودانت)
المقادير (العبار بكاس العنبة)
4 بيضات
كاس سنيدة
كاس زيت
كاس حليب
كاس عصير برتقال
1خمارة حلوى
شوية خميرة خبز
كاس ماء دافي (ندوبو فيه الخميرة)
طحين حسب الخليط (تقريبا كيلو)
التزيين
شكلاط اسود مدوب او مربى او عسل مسخن
لوز او كاوكاو مهرمش او كوك
الطريقة
نخلطو جميع العناصر و نبقاو نزيدو الدقيق شوية بشوية حتى تجمع العجينة تكون متوسطة و ندلكوها ثم نقسموها على اربعة كريصات و نديروهم فبلاستيكة و نخليوهم يرتاحو شوية باش يجيونا ساهلين فالطليق ثم نرشو طبلة بشوية الدقيق و نطلقو العجينة و نقطعو بقطاعة مدورة كبيرة او زلافة و نقطعو الوسط بغلاقة البيدو الكبير ديال الزيت باش يجينا البيني مثقوب من الوسط و نديروه فوق منديل و نغطيوه يخمر
نسخنو الزيت مزيان و نجربو بكويرة من الكويرات ديال الوسط الى طلعات الفوق نعرفو الزيت سخن نقصو عليه العافية و نقليو البيني نبداو بالكبير ثم فالاخير نقليو الكويرات اللي زولنا من الوسط مجموعين
يصفى البينيي من الزيت ثم يزين حسب الرغبة
اما نغطسوه فالشكلاط مدوب و يزين باللوز مقلي و مهرمش
او نديروه فالمربى و يزين بالكوك
او نديروه فالعسل و يزين بكاوكاو مهرمش
كيجي زوين و خاوي من الداخل و كيخرج بزاف

lavie c lavie
13-01-2010, 13:17
زيت اللوز من عند ربيعة من القصر الكبير
حفنة ديال اللوز نطحنوها في الخلاط الكهربائي مع شوية الماء حتى يول معسل نخويوه و ندلكوه بحال العجينة و نزيد عليه شوية الماء ش نصف كاس و نديروه يتسقطر في زيف ديال حياة يكون نقي
نفس الطريقة بالنسبة لجنجلان
زيت الاعشاب
ناخد الاعشاي اللي يغينا مثلا الخزامة او السالمية
نفرم الخزامة بحال الربيع نخويوه في ش قرعة معقمة و نزيد عليها زبت البلدية و نغطوه و نحطوه في الشمس مدة اسبوعين في الاخير حتى هو تيتعصر في زيف حياتي
السيدة ربيعة تتقول بان الاعشاب الخضرة تكون احسن
و اللوز اللي اللي بق لينا من زيت اللوز نخلطوه بواحد البيضة بلدية و نديروه للشعر و الزيت اللي بق لينا في اليدين ندهن به الوجه

lavie c lavie
13-01-2010, 13:28
كريم مرطب ايضا من عند السيدة ربيعة من القصر الكبير

3 معالق ك زيت اللوز- 2 معالق ك فازلين- معلقة كبيرة و نصف ديال شمع بلدي العسلي مبشور
كنحط المكونات على نار هادئة او حمام مريم و كنحرك حتى تنسجم العناصر
مل تنسجم نزولوها من النار ونضيف نصف كاس ديال عصير الخيار
من الاحسن نحضروه في اناء فخاري
نديروه في حك معقم و نخليوه نهار كامل يرتاح و نديروه وراء الحمام كتقول بانه مرطب ممتاز

salima1
13-01-2010, 14:11
بسم الله

السلام عليكم

الصراحة ونعم العضوات الله يجزيكم بخير لهلا يخطكم علينا
الله يجعلو في ميزان حسناتكم
احبكم في الله

hakima09
13-01-2010, 14:11
السلام عليكم و رحمة الله تبارك الله عليكم البنات أشنو رأيكم نباقاو نكتبو النصائح الغدائية ديال الدكتور فايد و الدكتور نبيل العياشي ولا سيما هاد الاسبوع جد مهم الي كيتحدث على التجانس ونحاولو نغيرو العادات ديالنا ونعلمو لويلادتنا العادات الغدائية الصحيحة الي غادي تعود عليهم بالنفع و الصحة والعافية

raihana
13-01-2010, 14:23
السلام عليكم ورحمة الله تعالى وبركاته كيف حالكم اخواتي تبارك الله عليكم كنت باغ نكتب البارح واقيل كان مشكل مابغاش يتفتح لي تقريبا الليل كله .
بارك الله اوفيك اختي مع الله على سؤالك علي الحمد لله شوية الدوخة كتجيني مرة مرة.
طبق اليوم؛ الدجاج معمر
2 دجاجات على حيسب عدد الافراد ـ نصف كيلو كفتة بيبي ـ بكية الشعرية الصينية صغيرة ـباقة المعدنوس ـ شوية الثومة والملح والابزاروسكينجبير ـ معلقة صغيرة لاموطارد نغسلو الدجاج مزيان ناخد زلافة كبيرة نديرو فيها معلقة كبيرة مروزية ـ شوية الثومة ـ شوية السمن ـ قطرة الزيت بلدية ـ زعفران شعرة ولاضويمة ونخلطو مزيان ونمرمرو فيها الدجاجة .كناخدو الكفتة والقشيوشاة ديال الدجاج مقطعين صغار والتوابل اللي دكرنا في الاول الشعرية مصلوقة ومقطعة على تلاتة اجزاء ونفقصو عليهم 3 بيضات ونخلطو كل شيء ونعمرو بيهالدجاجونخيطوها .في طنجرة نعملو البصلة تشحر مع شوية الزيت ونديرو الدجاج يتشحر مزيان ونخليوه حتى يطيب ومن بعد 2 معالق كبارلاموطارد و2 معالق زبدة نضربوهم مزيان وندهنوبهم الدجاج وندخلوهم الفران يتحمرو ونخليو البصلة حتى تدغمر مزيان ونصبوها فوق الدجاج والتقديم كل واحدة والطريقة ديالها.

lavie c lavie
13-01-2010, 15:27
السلام عليكم و رحمة الله تبارك الله عليكم البنات أشنو رأيكم نباقاو نكتبو النصائح الغدائية ديال الدكتور فايد و الدكتور نبيل العياشي ولا سيما هاد الاسبوع جد مهم الي كيتحدث على التجانس ونحاولو نغيرو العادات ديالنا ونعلمو لويلادتنا العادات الغدائية الصحيحة الي غادي تعود عليهم بالنفع و الصحة والعافية
انا متفقة معك الحبيبة واخ نقص غير ش كلوات من الكلوات اللي عندي هههههههههههههههههه

cuisineasma
13-01-2010, 16:13
ما شاء الله عليكن اخواتى الله يخليكم اللى سجلت طريقة الدجاج المحمر نتاع العراسات اللى قدمتو واحد الاخت مع جليلة تنزلو لينا لتعم الفائدة ولكن جزيل الشكر:67::67:

naima_123
13-01-2010, 16:23
السلام عليكم
تبارك الله عليكم
ولكم الشكر :74:
و الله يرفع درجاتكم في الجنة

انوار الهدى
13-01-2010, 16:30
الله يجازيكم كل خير

hakima09
13-01-2010, 20:05
شكرا لك اختي la vie c la vie على التفاعل ديالك ان شاء الله نكونو عند حسن الظن ونفيدو ونستافدو تبارك الله عليك

raihana
13-01-2010, 20:52
السلام عليكم ورحمة الله تعالى وبركاته الى اختي الحبيبة اللي طلبت وصفة الدجاج بحال ديال العرس على الراس والعين.
طبق يوم الجمعة؛ دجاج بالطعم ديال العرس
2 دجاجات مغسولين مزيان من كل الزلال والشحمة ونضعه يتسقطر وينشف ـ كيلو بصلة ـ ملعقة تحميرة ـ معلقة صغيرة خرقوم ـ معلقة صغيرة ثومة مدقوقة ـ ملح ـ حامضة مصيرة ـ قزبور ـ نصف كاس زيت .
باش يجي الدجاج بنين ناخدو حامضةونديروها في الملح ونحكو بها الدجاج مزيان منبعد ناخد بانيو ونعمل فيه الماء والخل وسكينجبير ونرقدو فيه الدجاج ليلة كاملة .وفي الغد ناخد طنجرة على نار مهيلة نديرو كل التوابل وكاس ماء ونمرمدو الدجاجة ونكتفوها ونديروها على الصدر ديالهاونزيدو معاها البصلة وربطة القزبرونزيدو معاها من زلافة حتى زلافة ونصف ماء ونخليوها على نار مهيلة المرة الاولى على الصدر تم على الجهة الاخرى تم على الجوانب ونتقبوها من جهة الجناوح وقلبو غير بشوية باش ما يتفرتت حتى تطيب ونزولوها ونزولو القزبرونقسمو الحامضة على زوج نصف نحيدو منه اللب ونديروه في طنجرة والنصف الاخر كنعسلوه مع شوية الماء ونشحرو الدغميرة حتى تولي ملبية ونزيدوعليها شوية الماء مع التحراك المستمر وناخدو الدجاج وندهنوه بالزبدة ونحمروه في الفرن ونحطوه في صحن معاه الدغميرة ومزين بالحامض والبيض ديال السمان مصلوق.

khadijamaroc
13-01-2010, 21:39
الله ما احلاكن عضوات هذا المنتدى الرائع لقد افدتموني بكل ما فاتني في اللقاء المفتوح فشكرا جزيلا لكن وجزاكن الله كل خبر وجعله في ميزان حسناتكن
http://www.anaqamaghribia.com/up//uploads/images/anaqamaghribia1877fc451d.jpg

bent bladi
13-01-2010, 23:04
تبارك الله عليكم

salima1
14-01-2010, 09:34
السلام عليكم
صباح لخير والربح لكل العضوات والمشرفات والمشاركات
فالحقيقة محتاجين لنصائح الدكتور لفايد غير نقولا بسم الله ونبداو
احبكم في الله

oum rayane06
14-01-2010, 10:34
محتاجين نصائح الدكتور لفايد
احبكم في الله

salima1
14-01-2010, 10:42
قولو لي الاخوات شكون لي عرفات التلفون ديال الاخت ربيعة من لقصر لكبير تعتقني به الله يجعلو في ميزان حسناتكم
بنتي لكبيرة عنها ستة عشر سنة وتعاني من مشكل الطبائع في الوجه بشكل يجعل الكل ينظر اليها بشكل يحرجها وهذا المشكل نفسيا اثر عليها كثيرا بالاظافة الى سن المراهقة وكثرة الملاحظات من طرف تلميذات الثانوية الاساتذة
انتظر الرد بفارغ الصبر كما انني احبكم في الله

hakima09
14-01-2010, 13:39
بسم الله الرحمان الرحيم اذن نبداو على بركة الله في كتابة نصائح الدكتور محمد الفايد الى خطأت ولانقلت شي خطأ المرجو منكن ان تنبهونني و جزاكن الله خيرا

-الفواكه نحاولو ما أمكن ناكلوها بوحدها يعني مانكلوهاش مور الماكلة كيما تعودنا ناكلوها مع 10 د الصباح و لا قبل الغداء على الاقل 1/2 ساعة قبل ولا مع العشية ف 4 ولا ف الليل ناخدوها بوحدها لانها تعتبر سريعة الهضم
-الماء مع الاكل يعني ملي نكونو ناكلو ما ندوزوش بالماء لانه خطير جدا اولا كيملأ المعدة ثانيا كيرشح الأكل و كينفخ المعدة
-زيت الزيتون كتمشي مع الخبز يعني نقدرو ناكلو الخبز مع الزيت ماكين موشكل لان الزيت كتهضم ف الامعاء و الزيت كاتمشي مع القطاني أكثر من الخبز والزيت مع الخضر كذلك
-المواد الحيوانية مثل اللحوم البيض ......تستغرق وقت طويل في الهضم تقريبا 5 ساعات ولهذا فهي طويلة الهضم و النشويات كذالك كتاخد وقت في الهضم أما الفواكه فكتاخد وقت قصير في الهضم
-الخضر متجانسة مع كل الاغذية (الزيوت اللحوم القطاني.. ) لانها لا تحتوي على النشويات( باستثناء البطاطس ) وتتوفر على عناصر تتطلب هضم قليل كالاملاح المعدنية و الاياف الخشبية تعتبر الخضر متوسطة الهضم
-العكس ديال الخضر كاين الفواكه الي ما كاتجانس مع المواد الاخرى يعني خاصنا ناكلوها بوحدها وكينصح الدكتور الناس الي كايبقاو ف العمل ديالهوم ياكلو الفواكه الطرية فبلاصت الغداء و حتى الفواكه الجافة يقدرو ياكلوها
-وكينصح باخد الخضر الخضراء الي فيها البنولين بحال البطاطا قصبية و الحلوة و الخرشف الخص .........لانها سهلة الهضم لتوفرها على الالياف الخشبية
-الماء نشربوه فقط ملي يجينا العطش
-الخضر من المواد الي كتمتص حموضة الدم ولهذا ينصح الناس الي عنهم الأسيدوز ياكلو الخضر ويحيدو النشويات
-البطاطس المقلية ماكاتهضمش من الاحسن تؤكل على شكل صلصة purée
اتمنى ان اكون قد افدتكم بما سمعت و أسألكم صالح الدعاء

z.hayate
14-01-2010, 15:04
السلام عليكم ورحمة الله تعالى وبركاته الاخوات الله يجزيكم بخير لي سمعت النصائح ديال اليوم الخميس 14 يناير من عند الاخت ربيعة من القصر الكبير تكتبهم لنا الله يوفقكم

hakima09
14-01-2010, 15:33
ازالة الشعر
نشدو الشمع البلدي ونحكوه ف الحكاكة وناخدو منو قدر حمصة و نضيفوه للحلاوة
قبل ازالة الشعر نرشو الجسم بالتالك
ونبداو نزولو الشعر بالحلاوة ضد منابت الشعر ونستعمل ورق خاص بازالة الشعر الى ماكانش متوفر نستعملو طرف ديال الدجينز
بعد ازالة الشعر ندهن ب
1- صابون زيت الزيتون المبشور + الملح الخشن الي نعمناه شوي يعني دكيناه شوي
او
2- الفول الاخضر بقشوره نطحنوه حتى يولي كريمة
او
3-رماد ديال العليق + الخل الابيض الرماد نجمعوه بالخل الابيض حتى يولي كريمة
او
4- صمغ ديال شجرة العنب يمزج مع زيت الزيتون او اللوز او اي زيت

قالت واحد الوصفة لازالة الشعر نهائيا من الذقن ولكن فيه شي مواد يمكن اضرو المهم خديجة شفيق قالت ليها غادي نسولو على هاد المواد من بعد نعاودوها
الحلاوة
2 كيسان سكر سنيدة + كاس حامض +1/2 كاس ماء الي بغاها عاقدة ولي بغاها جارية ادير كاس ماء و نديرو هاد العناصر على عافية مهيلة
قبل مانستعملوها نسخنوها ف بان ماري الى كانت جارية ونهزوها ب دوك العواد العراض بحال ديال لاكلاص ويلى كانت قاسحة ندلكوها بين يدينا و نستعملوها

hakima09
14-01-2010, 16:02
دجاجة معمرة من عند نجاة من هرهورة
المقادير
دجاجة من 2 كغ
شوي كفتة بيبي
كبيدة الدجاج
درس تومة محكوك
بصلة متوسطة مقطعة رقيق
شوي معدنوس
زعتر محكوك بين يدينا
م ص شابلير
1/2 م زيت الصوجا
شوي زيتون اخضر مقطع رقيق او يتطحن شوي
حك فطر معلب مقطع صغير
ملح
ابزار
شوي زبدة

لدهن الدجاجة من الداخل
زبدة + ضامة البنة دجاج + ابزار +ثوم مدقوق +شوي ملحة
لدهن الدجاجة من الخارج
تحميرة +م ك موطارد + زبدة
الطريقة
ندهن الدجاجة من الداخل بالخليط الي ذكرناه مزيان
نشدو البصلةو التومة نشحروهم ف الزبدة ونزيدو ملحة والابزار حتى دوب البصلة عاد نزيدو المقادير الاخرى الشامبينيو الصوجا الزيتون..........ملي يجانس الخليط نعمرو به الدجاجة و نخيطوها و ندهنو الدجاجة بالخليط ديال التحميرة و الموطارد ..ونفرشو بابيي كويسون ونغلفو الدجاجة ب بابيي الومنيوم و نحطوها على السدر و ندخلوها طيب فالفران

sousou01
14-01-2010, 16:09
السلام عليكمو رحمةالله
اخواتي شكون فيكم عندها هاتف ربيعة من القصر الكبير ترسله لي و لها جزيل الشكر و الاجر عند الله و شكرا

sousou01
14-01-2010, 16:10
السلام عليكم احبيبة ريحانة اتباركة الله عليك و كيف عاملة مع هدا البرد و الثلج المهم غير سولت فيك على قبل عندي عزيزة

sousou01
14-01-2010, 16:11
ام شدى فين راكي غابرة مع هدا البرد واش راكي لباس و كيف هو الكتكوت بوسيه ليا و شكرا

sousou01
14-01-2010, 16:12
الكوثر نجمة ركن شوميسة بدون منازع اتبارك الله عليك دائما منورة المنتدى كله

sousou01
14-01-2010, 16:14
حكيمة اتبارك الله عليك راكي خايدة في كتابة الوصفات و النصائح ما عندي ما يتسالك برافو عليك غير استمري و شكرا

ام وصال 2001
14-01-2010, 17:31
السلام عليكم ورحمة الله وبركاته
كيفكم يا الانيقات ان شاء الله تكونوبخير وعلى خير
الله ايجازيكم بالخير الى ماتقولو لي اشنو هو الشمع البلدي والله العظيم اول مرة نسمع بيه

hasna imintanot
14-01-2010, 17:42
بسم الله الرحمان الرحيم اذن نبداو على بركة الله في كتابة نصائح الدكتور محمد الفايد الى خطأت ولانقلت شي خطأ المرجو منكن ان تنبهونني و جزاكن الله خيرا

-الفواكه نحاولو ما أمكن ناكلوها بوحدها يعني مانكلوهاش مور الماكلة كيما تعودنا ناكلوها مع 10 د الصباح و لا قبل الغداء على الاقل 1/2 ساعة قبل ولا مع العشية ف 4 ولا ف الليل ناخدوها بوحدها لانها تعتبر سريعة الهضم
-الماء مع الاكل يعني ملي نكونو ناكلو ما ندوزوش بالماء لانه خطير جدا اولا كيملأ المعدة ثانيا كيرشح الأكل و كينفخ المعدة
-زيت الزيتون كتمشي مع الخبز يعني نقدرو ناكلو الخبز مع الزيت ماكين موشكل لان الزيت كتهضم ف الامعاء و الزيت كاتمشي مع القطاني أكثر من الخبز والزيت مع الخضر كذلك
-المواد الحيوانية مثل اللحوم البيض ......تستغرق وقت طويل في الهضم تقريبا 5 ساعات ولهذا فهي طويلة الهضم و النشويات كذالك كتاخد وقت في الهضم أما الفواكه فكتاخد وقت قصير في الهضم
-الخضر متجانسة مع كل الاغذية (الزيوت اللحوم القطاني.. ) لانها لا تحتوي على النشويات( باستثناء البطاطس ) وتتوفر على عناصر تتطلب هضم قليل كالاملاح المعدنية و الاياف الخشبية تعتبر الخضر متوسطة الهضم
-العكس ديال الخضر كاين الفواكه الي ما كاتجانس مع المواد الاخرى يعني خاصنا ناكلوها بوحدها وكينصح الدكتور الناس الي كايبقاو ف العمل ديالهوم ياكلو الفواكه الطرية فبلاصت الغداء و حتى الفواكه الجافة يقدرو ياكلوها
-وكينصح باخد الخضر الخضراء الي فيها البنولين بحال البطاطا قصبية و الحلوة و الخرشف الخص .........لانها سهلة الهضم لتوفرها على الالياف الخشبية
-الماء نشربوه فقط ملي يجينا العطش
-الخضر من المواد الي كتمتص حموضة الدم ولهذا ينصح الناس الي عنهم الأسيدوز ياكلو الخضر ويحيدو النشويات
-البطاطس المقلية ماكاتهضمش من الاحسن تؤكل على شكل صلصة purée
اتمنى ان اكون قد افدتكم بما سمعت و أسألكم صالح الدعاء





اختي فين يمكن لي نسمع لنصائح الدكتور الفايد الا جات على خاطرك

madi2010
14-01-2010, 18:56
شكراَ أُختي على الإفادة بالعربية كيفما طلبتي

madi2010
14-01-2010, 19:09
شكراَ أُختي على الإفادة بالعربية كيفما طلبتي

madi2010
14-01-2010, 19:29
المرجو من الأخوات لي عندها طريقة استخراج الزيوت الطبيعية الله يجزيكم بالخير

mcaziza
14-01-2010, 19:39
حبيبتي سليمه1 ممكن تبعتيلي الايميل ديالاك

hakima09
14-01-2010, 19:52
حكيمة اتبارك الله عليك راكي خايدة في كتابة الوصفات و النصائح ما عندي ما يتسالك برافو عليك غير استمري و شكرا

العفو احبيبة هدا أقل ما يمكن نقدموه لتعم الفائدة تبارك الله عليك اختي سوسو لهلا يخطيك حتى انت منورة المنتدى وجميع العضوات والمشرفات الله يعطيهم الصحة

hakima09
14-01-2010, 19:57
اختي فين يمكن لي نسمع لنصائح الدكتور الفايد الا جات على خاطرك

اختي حسناء نصائح الدكتور ف اللقاء المفتوح مع 09:30 gmt فراديو ولا موقع snrt ولا قناة الرابعة

عنبر
14-01-2010, 20:05
تبارك الله عليكم الحادكات شكون فيكم لسمعات حلوة عيد ميلاد تنزلها لينا الله يجيها بخير

hakima09
14-01-2010, 20:10
السلام عليكم ورحمة الله وبركاته
كيفكم يا الانيقات ان شاء الله تكونوبخير وعلى خير
الله ايجازيكم بالخير الى ماتقولو لي اشنو هو الشمع البلدي والله العظيم اول مرة نسمع بيه

اختي ام وص حتى أنا ماتنعرفش الشمع البلدي ياريت الي كتعرفو تشرح لينا وتكول لينا فين نلقاوه

raihana
14-01-2010, 21:24
السلام عليكم ورحمة الله تعالى وبركاته تبارك الله عليكم كاملين بخصوص الشمع البلدي انا سمعت الاخت كتقول بانه كيتباع عند العطار والاجود ديالو هو اللي لونه عسلي,

hakima09
14-01-2010, 21:30
شكرا لك اختي ريحانة على الشرح ديالك غادي نسول عليه

لازورد
14-01-2010, 21:32
الشمع البلدي حبيباتي هو خلية النحل من بعد ما كيعصروها مربيين النحل من العسل الحر .
و كتلقايه عند أي عشاب في أي منطقة من المغرب ، غير قولي ليه الشمع البلدي
و غدي يقطع لك منه القياس لي بغيتي ، حيت كيجيبوه كتل كبيرة ، و لونو كيكون بحال موطارد و ريحته قوية .
و نزيدكم معلومة أخرى ، هاد الشمع هو اللي كتعمل بيه لاسيير مع إضافات أخرى ، بحال هاديك لي كيستعملو ف الصالونات ديال التجميل بحال هذا
http://www.dohaup.com/up/2009-07-14/dohaup_387549690.jpg

z.hayate
14-01-2010, 21:43
السلام عليكم ورحمة الله تعالى وبركاته اختي ريحانا تباركالله عليك كيبقيت ياك لباس عليك الحمدالله الله يجعالها مغفرة الذنوب شكرا لك الحبيبة الله يوفقك

salima1
14-01-2010, 21:46
السلام عليكم اختيmcaziza
اتمنى ان يكون خير ان شاء الله
احبكم في الله

salima1
14-01-2010, 21:47
o.etoile@ hotmail.fr

cuisineasma
14-01-2010, 22:00
[شكرا لك اختى ريحانة على الوصفة الله يرحم ليك الوالدين]

TAWBA 1
14-01-2010, 22:33
الذين يشاهدون محتوى الموضوع الآن : 16 ( الأعضاء 8 والزوار 8) ‏TAWBA 1 (http://www.anaqamaghribia.com/vb/member.php?u=43213), ‏ليلاس (http://www.anaqamaghribia.com/vb/member.php?u=42092), ‏اسماء اخزان (http://www.anaqamaghribia.com/vb/member.php?u=44181), ‏jawhara42 (http://www.anaqamaghribia.com/vb/member.php?u=18282), ‏khadijamaroc (http://www.anaqamaghribia.com/vb/member.php?u=47562), ‏touriasi (http://www.anaqamaghribia.com/vb/member.php?u=13884), ‏yaraso (http://www.anaqamaghribia.com/vb/member.php?u=33333), ‏zahiato (http://www.anaqamaghribia.com/vb/member.php?u=31568)
كاميرا المنتدى شاداكم هههههه

ليلاس
14-01-2010, 22:34
الله يجازيكم بخير شكون اللي تتعرف رقم الهاتف ديال الاخت ربيعة من القصر الكبير تتعطيه لي

جوهرة القصر
14-01-2010, 22:44
بكل فرح اختى عنبر
المقادير
250شكلاط..5بيضات.كاس زيت.كاس سكر.كاس قهوة معصرة.م ك كاكاو.4كيسان فورص.3 خمارات.
للتزين دانون ديال الشكلاط
الطريقة
كندوبو14طوبة ديال الشكلاط فى القهوة
كنطربوالبيض مع السكر +زيت+كاكاو+شكلاط لمدوب مع القهوة مع التطراب+فورص+خمارات ونفرغو فى المول تم الى الفرن
ملى طيب نقسمها على نصفين .وناخد 16طوبة ليبقات ندوبوها فى حمام مريا نضيف دانون وندهن نصف الاول بالشكلاط ونحط نصف التانى وندهن بالشكلاط ليبقا

رحلة احزان
14-01-2010, 22:45
كوكو وانا مشديتينيش كنت مدسوسة فالكوزينة
ههههههههههههههههه.
اتبارك الله عالحادكات .

ياسمين..
14-01-2010, 23:43
السلام عليكم ورحمة الله وبركاته

اختي حكيمة جزيل الشكر لك على افادتنا بفوائد الكتور الفايد

تحياتي لك وكل المحبة

bismillah
15-01-2010, 00:06
الله يجازيكم بالخير حبيباتي في الله لي كتعرف هاتف السيدة ربيعة تعطيهلي راه عندي مشكلة كبيرة غير ماتبخلوش علي ياأهل الجود والكرم

raihana
15-01-2010, 11:17
السلام عليكم ورحمة الله تعالى وبركاته بارك الله اوفيكم اخواتي على سؤالكم علي وعلى دعيواتكم الطيبة بحالكم جزاكم الله كل خير ان شاء الل
حلوى لعيد الميلاد لاختي الحبيبة بكل فرح وسرور
رابعة شوكلاط اسوداو 30 قطعة ـ 5 بيضات ـ كاس عنبة زيت ـ كاس سنيدة ـ كاس القهوة مقطرة ـ معلقة كبيرة كاكاوـ 4 كيسان طحين ـ 3 خمارات ـ دانون الشوكلاط.
ناخد القهوة ونذوبو فيها الشوكلاط نضربو البيض مع الزيت وسنيدة مزيان تم نزيدو الكاكاو والقهوة المخلطة مع الشوكلاط مع التضراب تم نزيدو الطحين مخلط مع الخمارات ونفرغه في المول وندخله الفرن تطيب .كناخد 16 قطعة الشوكلاط كنذوبوهافي حمام ماريا ونخلطوها مزيان مع دانون الشوكلاط ونخليو الحلوى حتى تبرد مزيان ونقسموها على زوج بالخيط وندهنو بنصف الكريما والباقي ندهنو به الوجه ونزوقو بالفورشيط وممكن نزينو باش مابغينابالكاوكاو مهرمش او اللوز ايفيلي
ملحوظة مهمة؛ كنذوبو مع القهوة 14 قطعة و16 قطعة كنذبوها في حمام ماريا ويتخلط مع الدانون الشوكلاط كيولي بحال كريما للدهن.

hakima09
15-01-2010, 12:44
السلام عليكم ورحمة الله وبركاته

اختي حكيمة جزيل الشكر لك على افادتنا بفوائد الكتور الفايد

تحياتي لك وكل المحبة
العفو احبيبة لا شكر على واجب ولك خالص تحياتي

hakima09
15-01-2010, 13:15
تجانس الاطباق المغربية
معظم الاطباق المغربية جيدة مثل الطاجين بالخضر و قليل من اللحم و زيت الزيتون هدا الطبق متجانس لان اللحم ماكيكونش بزاف والخضر كتكون متنوعة والخبز هو اللي كيغلب على هاد الطبق يعني ماكاينش مشكل ف هاد الطبق فهو متجانس وصحي غير مانكتروش من اللحم نرجعو لعادات القديمة كانو كيديرو غير شوي د اللحم و كانو تبارك الله صحاح و ماشاء الله عليهم
بكري كان الخبز حامض لان كانو كايعجنوه بالخميرة البلدية ولهذا فكان يساعد بدرجة كبيرة على الهضم
الطريقة المغربية في الطهي كانت ذكية حيث كتستعمل بعض التوابل المفيدة الي كتساعد على الهضم مثل الكركم سكينجبير قرفة قرنفل
الي كاياكل زيت الزيتون + كركم او خرقوم عرق +سكينجبير لا يصاب بأمراض الجهاز الهضمي
الكسكس + خضركتكون متوسطة ماشي بزاف ماشي قليل+ اللحم قليل هاد الطبق جيد لان اللحم قليل و النشويات كثيرة
الي عندهم مشكل بالجهاز الهضمي لا ينصح ان ياكلو الاكل الي فيه الابزار
الكسكس الي فيه اللحم ممنوع يسقى بالحليب الى ماكانش اللحم ف الكسكس يعني غير الخضر ما عليش نقدرو نسقيو بالحليب
سيكوك باللبن الحامض مع الشعير جيد لان الشعير قليل النشا و اللبن مع الذرة هائل و أحسن لان الذرة مافيهش النشا
سيكوك الى كان جاري كيضر شوي ايكون عاقد احسن قدما غلبت النشويات كان أحسن
اللبن مع الكسكس جيد و نقدرو ناكلو سلطات مور الكسكس
سكان فاس سايس و حتى سلا والرباط كايخلطو البيض مع الخليع هاد الطبق متجانس من الاحسن ما يزيدوش الزيت و لا سمن لانه غني بالدهون الناس الي خدامين ف الاعمال الشاقة والي كتطلب مجهود كبير ماعليش الى كلاوه لان غدي يحرقو الدهون أما الناس الي ماكيتحركوش بزاف لا ينصح بأكل هاد الوجبة
الخبز + زيت الزيتون + أتاي نعم مزيان
الخبز + زيت الزيتون + حليب + قهوة ليس متجانس

hakima09
15-01-2010, 13:43
سفينجات بالشكلاط
المقادير
2 بيضات
حك ياغورت صغير مسوس
2 خمارات
لاباني
1/2 كاس عنبة زيت
1/2 كاس عنبة سنيدة
1/2 كيلو فورص
شكلاط للدهن
زيت للقلي
الطريقة
نضربو البيض و نضيفو اليوغوت و لباني و الزيت ولاخمارة والدقيق شوي بشوي حتى يولي العجين متجانس
نديرو كويرات صغار و نحربلوهم ونشكلوهم دوائر بحال السفنج و نقليوهم ف الزيت الساخن مسبقا و ندهنوهم بالشكلاط الي ذوبناه ف البان ماري

المشتاقة الى الفردوس
15-01-2010, 14:00
شكون سمعت وصفات التجميل ديال اليوم
الجمعة 15/01/2010

عنبر
15-01-2010, 14:23
شكرا اختي اسماء وraihanaعلى الوصفة وعلى المجهودات الله يعطيكم مانويتو قولو امين

mcaziza
15-01-2010, 15:04
السلام عليكم و رحمه الله وبركاته كيف حالك حبيبتي سليمه انشاء الله خير ولكن الايميل ديالك مبغاش يدخلي n est pas valide

ام هند و ياسن
15-01-2010, 15:46
السلام عليكم و رحمة الله و بركاته يسرني ان اشارك معكم لاول مرة

النصائح اللي اعطاتها السيدة فتيحة من مراكش

لكي لا تفتح الفلفلة الحارة في الطبخ نجعلها في قعر الكسكاس تفور عند اخر تفويرة

يمكن ان نستعمل 2 زلايف سميدة و زلافة دقيق الضراء او نفس العبار كسكس و سميدة الضراء و ندوزوه في غربال عيونو كبار.
*
في الكيكة نستعمل 2 كيسان فورص و كاس ايلان

لتدوم الفلفلة مرقدة وقت طويل نضيف لها 2 اضراس ثوم

hakima09
15-01-2010, 15:47
وصفات اليوم من عند السيدة حورية من المحمدية

حمام من الاعشاب قبل وضع الوصفتين
2 او 3 م ملحة حية مدقوقة شوي - شيح - أوراق البصلة الحمراء - الحلبة
نشدو واحد اناء او بانيو الي غادي نغطسو فيه رجلينا ونديرو فيه شي 2 لتر ماء سخون الحرارة الي نقدرو نتحملوها وهدك الاعشاب ونديرو فيه رجلينا واحد نص ساعة حتى يبرد الماء من بعد نشفوهم وندهنو رجلينا باحدى الوصفتين


الوصفة الاولى تعالج الكزيما و الحكة بين اصابع الرجلين
4 م ك د الحنة - م ك من مسحوق الحلبة - م ص شبة ماعامراش -الماء ديال 3 خزويات محكوكين
كنخلطو هاد العناصر وكندهنو به الرجلين و الاصابع و نغلفو رجلينا بشي ميكا تكون مثقوبة ونلبسو تقاشر ديال القطن و نخليوه ليلة كاملة واحد السيدة من فرنسا شكرات بزاف هاد الوصفة
الوصفة الثانية تعالج الكزيما و الحكة بين اصابع الرجلين
اوراق خيزو الخضراء ( انشفوهم غير ف الظل و ندقوهم ونديروهوم فشي قريعة ملي نحتاجوهم نلقاوهم) -3 م حلبة مسحوق - م حب الرشاد- ماء زهر او ماء ورد
تخلط هاد العناصر و ندهنو رجلينا بهاد الخليط ونغلفوا بميكا مثقوبة ومن بعد نلبسو التقاشر ديال القطن
ملاحظة: الوصفة ديال الكلف ما متأكداش منها مانعرف واش دكرات العصارة د الفجل و لا غير الورق الي سمعتها مزيان تنزلها الله يجازيها بخير

hakima09
15-01-2010, 15:55
الله يخليكم البنات الي سمعات الخبيزات صغار مملحين تنزلهم انا سمعت غير المقادير الطريقة ماسمعتهاش ولدي ماخلانيش نسمع ههههههههههههه

عنبر
15-01-2010, 16:07
علاج الاكزيما ديال الرجلين 4معالق ك الحنة م ك الحلبة م ص شبة هاد العناصر تكون مسحوق2خيزوات محكوكين ناخدو الماء دياهم يخلط الكل ويوضع على الارجل ونلبسو ميكا مثقوبة وتقاشر وقبل وضع الوصفة نستعمل هاد الحمام 3م ملحةبلدية مدقوقة الشيح اوراق البصلة الحمراء الحلبة يصب عليهم 2ايترو الماء طايب حتى يطلق ويبرد شوية يستحملوه الرجلين كتقول صاحبة الوصفة حورية من المحمدية انها مجربة 100ف 100

عنبر
15-01-2010, 16:33
خبيزات مالحين 500 فورص ملح خميرة الخبز خمارة ربع كاس الزيت نصف بيضة ونحتفض بالاصفر للدهن يجمع الخليط ويرش ويدلك بنصف كاس حليب نصف كاس ماء دافىء حتى تجمع وتلين ناخد كريسات صغاربحال ديال المسمن وتكرص كل كرصة بزيت والزبدة عندنا 100 ك زبدة 2م ك زيت ونعمر بالحشوة زلافة ديال الدجاج مقطع صغير بالكرادة ديال الربيع ملح م ك زعيترة والازير والفرماج محكوك وتلوى بحال البزطام كرواسةوتدهن ولا بغيتوهم حلوين نزيدو في المقادير 3م ك سنيدة وفي الحشوة الشكلاط الاخت خديجة قالت بانها غتعاود المقادير للاسف لا

عنبر
15-01-2010, 16:55
وصفة الكلف قشور الفجل تنشف في الفرن وتدق جهد معلقة ونحكو فجلة م ص العسل يستعمل ماسك نصف ساعة مرة في الاسبوغ قبل وضع الوصفة نستعمل حمام بخار خزامة او زعتر اومعدنوس وكل ليلة نمسح الوجه بالكرم محكوك يوضع فيه 4 قطرات زيت الزيتون او الخيار

ام وصال 2001
15-01-2010, 17:17
السلام عليكم ورحمة الله وبركاته
مشكورة اختي حكيمة على الاهتمام بسؤالي
جزاك الله خيرا اختي ريحانة على الشرح
بارك الله فيك اختي لازورد على التوضيح اذن الشمع البلدي هو الشهدة ملي كتعصر من العسل الحر والله لا موجود عندي بلحق عندي الشهدة بعسلها كنستعملو الحساسية الربيعية مشكورات حبيباتي الله يبارك ليكم فصحيحتكم او لهلا يخطيكم

ام وصال 2001
15-01-2010, 17:20
مشكورات البنات على نقل الوصفات جزاكم الله الف خير

عنبر
15-01-2010, 21:32
اهلا و سهلا بكن اخواتي بغيت نسولكم شكون فيكم لكتعرف العليق موجود في الوصفة ديال الشعر الزاءد للاخت ربيعة من القصر لكتعرفو تجاوبني الله يخليكم متبخلوش علية

ام شموسة
15-01-2010, 21:48
شكون سمعت وصفات التجميل ديال اليوم
الجمعة 15/01/2010


انا سمعتها هاهي الحبيبة هي على الاكزيما وقالت الاخت بانها وصفة راااااااااائعة وشفات بزااااااف ديال الناس وهي

الحنة 4 ملاعق

الشبة ملعقة صغيرة

الحلبة ملعقة كبيرة


ناخدو عصارة ديال 2 جزرات ونخلطو بيهم الخليط ويوضع على الارجل ويغطى بميكة تكون مثقبة تدهن الارجل مزيان

ولكن قبل من هدا الشي اولا حمام للرجلين ناخدو 3 معالق ملح غليضة + الشيح+ واوراق البصلة الحمراء مهمة جيدا مع 2اترو الماء غليان تا يبرد عاد حطي الرجلين ومسحي هم مزيان المدة نصف ساعة عاد انديرو الوصفة وانديو الميكة وعليها اتقاشر ونعسو تا الصباح

نتمنى اتكونو افهمتوني


وراه قالت هد السيدة الله يجازيها انها وصفة رااااااائعة كتزيل الاكزيما ولاتراس متبقاش


يتبع لعلاج الكلف غدا انشاء الله

لازورد
16-01-2010, 00:16
أختي عنبر
شجر العليق هو شجر التوت البلدي
لي كيدير ثمار صغيرة صفراء

هذي صورته
http://i67.servimg.com/u/f67/12/57/42/37/gffgfg10.jpg

http://img102.herosh.com/2009/05/10/958100222.jpg

عنبر
16-01-2010, 11:47
شكرا اختي لازود على الاستفادة الله يعطيك مانويتي يارب

لازورد
16-01-2010, 13:40
اللهم آمين أختي عنبر
جزاك الله خيرا على الدعوة ، ولك مثلها و أكثر

asmaitta
16-01-2010, 15:18
tbarklah 3likoum akhawati w lah yj3al hadchi f mizan 7asanatkoum

madi2010
17-01-2010, 21:40
شكراً للأنيقات على العمل الرائع القايمين به و المرجو الإجابة على سوألي الخاص بطريقة عمل الزيوت الطبيعية كانت قدمتها واحد الأخت[

lavie c lavie
18-01-2010, 11:31
شكراً للأنيقات على العمل الرائع القايمين به و المرجو الإجابة على سوألي الخاص بطريقة عمل الزيوت الطبيعية كانت قدمتها واحد الأخت[


http://www.anaqamaghribia.com/vb/showthread.php?t=104988&page=8

lavie c lavie
18-01-2010, 12:49
فاطمة من سلا الجديدة
ديسير بالروز على شكل اجاصة
250 غ روز مهرس مسلوق و مصفي
سكر كاس عنبة
قشرة حامضة محكوكة رقيقة
2 م ك قرفة
اعواد التفاح يابس
250 غ شكلاط
نصف زلافة شابلير
3 بيضات
نصف زلافة الدقيق
السيرو: 2 ك ماء - 2 ك سنيدة - 3 قشور برتقال مقطع مربعات صغيرة
كندبر السيرو حتى يتعسل
ندوب الشكلاط في حمام مريم مل يبرد شوية نشكل كويرات قد حبة العنب بدير في قلبها قشور البرتقال
ناخد الروز ندير ليه السكر و القرفة و الحامض و ندير الكويرة الشكلاط و الروز وسط الروز و نشكل اجاصة
نفندوه في الطحين ثم البيض ثم الشابلير و نقليوه في الزيت و ندردر عليها السكر و القرفة

لازورد
18-01-2010, 12:55
السلام عليكم أنيقات

شكون اللي سجلات وصفات التجميل ديال اليوم تنزلها لينا الله يرحم لها الوالدين

المشتاقة الى الفردوس
18-01-2010, 13:40
وصفة لنظارة الوجه من الأخت سعاد أم أنس من سيدي بنور

ملعقة عسل حر حتى لجوج معالق كندهنو بيها الوجه والرقبة ونكونو في حالة استرخاء لمدة نصف ساعة من بعد كنغسلوه و كنمسحو بالقطن والماء دافئ ثم كندهنو بالزيت البلدية لمدة ربع ساعة وكنغسلو الوجه بالماء البارد ومن الاحسن ندوزو المكعبات ديول الثلج على الوجه و هاد الوصفة نديروها فالليل لأن الزيت البلدية الى درناها وشفنا الشمس كتكحل الوجه وهاد الوصفة كتبان النتيجة ديالها من أسبوع ديال الإستعمال حيت كتعطي للوجه نظارة باااينة وكيولي مورد

لازورد
18-01-2010, 14:09
شكرا أختي المشتاقة إلى الفردوس
الله لا يحرمك منه إن شاء الله

hakima09
18-01-2010, 17:16
نصائح الدكتور نبيل العياشي

اليوم الدكتور تحدث على هاد المنتوجات les produits allégés و les produits lights
و les produits a faible teneur
المواد لايت كتكون خالية من السعرات الحرارية و لهادا ولا الاكثرية من الناس كيتقداو هاد المنتوجات لانها كتكون ناقصة شوية على المنتوجات الاخرى من حيث السعرات الحراية والسكريات و الدهنيات هادا لا يعني اننا نتيقو ونكثرو منها
les produits allégés : كتعني ناخدو مثلا الزبدة كتكون ناقصة 25% من السعرات الحرارية او المواد الدهنية بالمقارنة للزبدة العادية
0% سكريات هذا لايعني انه خال تماما من السكر مثلا الحليب الي مكتوب فيه بدون اضافة سكريات هدا لايعني انه مافيهش سكر لان الحليب يحتوي اصلا على السكريات
نحاولو ما أمكن نقصو من المشروبات الغازية و لو كانت لايت بحيت كاين شي ناس غير كيشفو لايت كيثر من داك المنتوج ضنا انه لاتحتوي على السكريات ولهدا يجب على المستهلك ان يقرا المحتويات و نحاولو نردو البال للسعرات الحرارية خصوصا بالنسبة الي عندهوم الكولسترول او السمنة

hakima09
18-01-2010, 17:30
بتزا بالخضر
صوص ماطيشة : بصلة محكوكة - 2 م زيت زيتون - 2 م سكر سنيدة - 4 ماطيشات محكوكين - ملح - ابزار - زعتر
في مقلاة نخلط جميع العناصر ونخليوها طيب حتى تعقاد المطيشة
الحشوة : حبة قرعة خضراء- حبة دنجال- 1/2 حبة فلفل احمر- 1/2 حبة فلفل اصفر فروماج محكوك
زيتون أسود للتزيين
العجين : لمخامر
نقطعو كل الخضر على شكل طولي و نقليوهم ف الزيت
نشدو المخمار ديالنا و نقسموها على 2 و نديرو وحدة ف الطاوة وندهنوها بلاصوص طوماط ونستفو من الفوق الخضر ونزوقو بالزيتون و نردرو الفوماج و شوي زعتر وندخلوها لفران حتى يدوب الفروماج

hakima09
18-01-2010, 18:08
الدجاج على طريقة لعراسات
دجاجة
بصلة متوسطة
سكينجبير
ملح شوي هريسة
خرقوم
سمن
زيت رومية + بلدية كاس تقريبا
ماء قزبر و معدنوس غير شوي
ثوم
م ك بسيبسة
الطريقة
نغسلو الدجاجة مزيان وتغسل بالملح و نخليوها شوي ونغسلوها و حيدو ليها كاع الريوك الي فيها و ناخدو 2 حامضات و كاس كبير ديال الماء و كنطحنوهم ونخويوها على الدجاجة ونزيدو الخل ونخليوها ترقد من بعد نشللوها ونخليوها تنشف
ناخدو بانيو ونديرو فيها العطرية + الثوم + قزبر ومعدنوس و 1/2 م ك بسيبسة ونمرمدو فيها الدجاجة
فطنجرة نقطعو البصلة و نديرو الدجاجةو نزيدو الماء ولبابة ديال الحامض مصير و عصير حامضة و الخليط الي شرمانا فيه الدجاجةو 1/2م بسيبسة ونخليوهم ايطيبو ملي يطيب دجاج نحيدوه و نخليوه يقطر نزيدو ف الطنجرة 2 بصلات و الكنازى مقطعين و القلب والعنق والكبدة ونخليوهم يتشحرو حتى يطيبو و تعقاد المرقة
ندخلو دجاجة تحمر ونقدموها ف طبق مع ديك المرقة ونزينو باش ما بغينا

المشتاقة الى الفردوس
18-01-2010, 18:21
شكرا أختي المشتاقة إلى الفردوس
الله لا يحرمك منه إن شاء الله
العفو اختي الله يبارك فيك

bent bladi
19-01-2010, 00:56
تبارك الله عليكم وجزاكن الله خيرا

ام شموسة
19-01-2010, 08:59
تبارك الله على الاخوات كلللللللللللللهم والله يجازيكم الف الف خير على هد المجهود والله يجعلو في ميزان حسناتكم امين ياربي

om ikram
19-01-2010, 09:37
كنشكركم على هاد العمل الىكديرو الله يجازيكم عليه
بغيت نسولكم على الوصفة ديال الكزيما شحال من مرة كنديروها
راه بغيت نجربها عافكم

salima1
19-01-2010, 11:02
السلام عليكم
اخواتي اليكم النصائح ديال اليوم من عند الاخت بشرى من مديونة
لتصفية الوجه,اربع م ك من الفول مع اربع م ك حليب سائل مع م ك من زيت الزيتون مع القليل من العكر الفاسي مع عصير نصف حامضة مع ابض بيضة بلدية يخلط الجميع ثم يوضع على الوجه كل يوم حتى تنتهي الكمية
يضع على الوجه لمدة 45د يوميا
شي دعيوة ديال الخير الله يجزكم بخير
احبكم في الله

salima1
19-01-2010, 11:09
لله الاخوات شكون فيكم باقي عاقلة على وحد الوصفة لشد الوجه كانت دازت شحال هدي فها الورد مدقوق كانت قلت ملتها انها كتكعد حتى الحواجب
الله يجعله في ميزان حسناتكم
احبكم في الله

حجابي عفتي
19-01-2010, 13:30
السلام عليكم أخواتي في الله..من سمعت حلقة اليوم بارك الله فيكم أرجو منكن أن تكتبو لي مقادير البانيني بالكفتة الله يرضى عليكم...ياريت الان لاني غادي نعملها بالغدا ان شاء الرحمن

hayditoti
19-01-2010, 13:52
السلام عليكم ورحمة الله وبركاتهالله يجازيكم بالخير بغيت الوصفة لي دازت البارح داليدين بالديكاباج

salima1
19-01-2010, 14:36
السلام عليكم
بالنسبة للاخت لي سولت على شحال من مرة \بخصوص وصفة الاكزماشفي اختي درها المرة الاولى غدي يبليك واش كافي مرة واحدة
ممكن تكون النتيجة من اول استعمال
احبكم في الله

عنبر
19-01-2010, 15:52
الوصفة ديال الديكاباج كتخدي 2كيسان ماء دافي مع 2م الماء الديكاباج وتنقعي ايديك كتزول الاوساخ ليفي اليدين والاضافر كيعودو رطبين وبيضين وبسهولة كتزول ديك الجلدة لدايرة بالاضافر

hakima09
19-01-2010, 16:37
نصائح اليوم للدكتور نبيل العياشي

الدكتور كينصح نردو للبال مزيان للمكونات ديال المنتوج الي كتكون مكتوبة ف العلبة كيكون فيها شحال د البروتينات دهنيات سعرات الحرارية د فيتامينات الاملاح المعدنية
وهد المعلومات كتكون غير ف كمية 100 غ
مثلا واحد المنتوج الكمية الاجمالية الي فيه 250 غ ولكن المكونات الي كيكتبو راه غير ديال 100 غ ولي بغا يعرف شحال الكمية بالضبط خصو يعمل عمليةحسابية ناخدو مثلا
منتوج ديال 250 غ كاتبين فيه% 10 ديال السعرات الحرارية
ف الحقيقة %10 غير ف 100 غ
اما 250 غ غادي تكون% 15 كيكتبو هادشي باش للواحد مايتخلعش من النسبة المئوية الي مكتوبة ف العلبة
ولكن خصنا نكونو أذكياء

ولهدا خصنا دائما نردو البال للاسم د المنتوج و الائحة د المونات و التاريخ و الكمية الي فيه و الاسم والعنوان ديال الشركة الي صنعات هاد المنتوج
وكنلقاو بعض الحروف بحال
e173 e111 e120
من 100 الى 200 هذا يعني ملون
من 200 الى 300 هدا يعني مواد حافظة
من 300 الى 400 مجموعة من المواد يمكن اضافتها مثل مضاد الاكسجين
و نحاولو نردو البال لان منها الي كضر بجسم الانسان لهدا ماتناولوهاش بشكل كبير و انما بشكل طبيعي و مقنن و نحاولو نبعدو ما امكن من المعلبات
المواد المستوردة من الخارج يمكن يمكن ايكون فيها مواد الي ما يمكنش لينا ناكلوها و خصوصا الاطفال

hakima09
19-01-2010, 16:45
بانيني بالكفتة
الحشوة
بصلة مشلضة
3 معالق كبار زيت
2 فصوص ثوم محكوك
فلفلة حلوة حمرا و خضرا مقطعين صغار
ملح و ابزار
نصف ملعقة صغيرة تحميرة
نصف ملعقة صغيرة كمون
رابعة كفتة مع التوابل ديالها
حبة طماطم مقشرة و مقطعة صغير
ملعقة كبيرة معدنوس مقطع رقيق
*العجين
رابعة دقيق الفينو
100 غرام فورص جيد
ربع ملعقة صغيرة ملح
ملعقة كبيرة خميرة الخبز
كاس كبير ماء دافي او حسب العجين
بياض بيضة للصق العجين
الطريقة
نوجدو الحشوة هي الاولى
نحمرو البصلة فالزيت مع الثومة والفلفلة و نضيف التوابل اللي عندنا ثم نضيف الكفتة مقومة و نحركو مزيان ثم نضيف مطيشة و المعدنوس و نحركو و نخليو العناصر تتشحر مزيان و يتبخر الماء ديال مطيشة و منين توجد الحشوة نخليوها تبرد و نوجدو العجين
نعجنو المقادير اللي عندنا عادي و ندلكو العجينة مزيان و نخليوها ترتاح (ما تخمرش بزاف) ثم نديروها على شكل كريصات
نرشو طبلة بالدقيق و نطلقو الكريصات مزيان بالدلاك على شكل مربع كبير يكون متوسط السمك ما نرققوش العجينة بزاف باش ما تخرجش الحشوة
ناخدو الحشوة و نبداو نديرو شوية شوية فوق المربع و نباعدو شوية بيناتهم و نطويو عليها العجين و نلصقو الجناب ببياض البيض و نقطعو غدي نحصلو على بانيني مستطيل و فيه الحشوة الداخل نديروهم فوق زيف حياتي و نخليوهم حتى نكملو (راه دغيا كيخمرو)
منين نكملو التعمار نديرو مقلة تسخن و نبداو نرشوها غير بشوية الزيت و ندهنو اليدين بالزيت و نبداو نطيبوهم حتى يتحمرو من الجهتين
السيدة ماشرحاتش الطريقة مزيان و لكن على ما فهمت كل كريصة غدي نطلقوها على شكل مربع كبير و كل مربع غدي يعطينا مجموعة من المستطيلات معمرين بالحشوة يعني منين نطلقو المربع كنمشيو للنصف و نديرو شوية حشوة و نخليو الفراغ و نديرو الحشوة حتى نكملو الصف و ندهنو الجناب بابيض البيض و نطويو المربع على الحشوات و نقطعو المستطيلات حسب مكان الحشوة و نلصقو الجناب مزيان و منين نكملو نطيبوهم فالمقلة
المهم هادشي اللي فهمت و اللي فهمت شي حاجة اخرى تنورنا

hakima09
19-01-2010, 16:46
صبيعات بالبطاطا والطون
المقادير
رابعة ديال بطاطا مقشرة و مصلوقة و مطحونة فالمكينة ديال اليد او نمعسوها مزيان بالفورشيت
بصلة مقطعة صغير
ملح و ابزار
ثومة مدقوقة
ملعقة صغيرة زعيترة
ملعقة كبيرة زيت
2 حكاك ديال الطون
ملعقة كبيرة معدنوس مقطع
قشرة نصف حامضة محكوكة
3 معالق كبار دقيق
بيضة مطربة
5 معالق كبار ديال لاشابلير
زيت للقلي
الطريقة
نحمرو البصلة مع الزيت و الثومة و الملح و البزار و الزعيترة
نصفيو الطون من الزيت و نزيدوه على البطاطا و نزيدو البصلة و المعدنوس و شوية الملح و البزار و نخلطو كلشي مزيان و نديرو صبيعات ندوزوهم من الدقيق ثم من البيض ثم نديروهم فلاشابلير و نقليوهم فالزيت ساخن حتى يتحمرو او نديروهم يطيبو فالفران

hakima09
19-01-2010, 16:47
حلوى معمرة باللوز و نيسلي على شكل كركاعة (السيدة نزيهة)
المقادير
العجين
250 غرام دقيق
125 غرام زبدة رطبة
نصف ملعقة صغيرة خميرة حلوى
شوية الملح
2 بيضات
2 معالق كبار سكر (او ملعقة حسب الذوق)
الحشوة
رابعة لوز مطحون بقشورو اخضر (او كاوكاو محمر و مطحون)
علبة نيسلي طايب فالكوكوت على شكل كراميل
الطريقة
نديرو الدقيق في اناء و نزيدو عليه الزبدة و الخميرة و رشة ملح و السكر ثم البيض و نخدمو كلشي حتى نحصل على عجينة لينة
ناخدو الطابع ديال الكركاعة اللي كيكونو فيه حفيرات على شكل كركاعة و نبداو نهزو شوية من العجين و نديرو كويرات صغار تقريبا قد الحمصة و نديروهم فالحفيرات و نسدو الطابع و نديروه على البوطة فوق نار هادئة و منين تطيب الحلوى من الجهة التحتانية نقلبو الطابع باش تطيب من الجهة الاخرى ماخصهاش تتحمر بزاف تبقى بيضا شوية و منين تطيب نزولوها و نديرو كويرات اخرى حتى نكملو العجين اللي عندنا
نخلطو اللوز مع كراميل نيسلي و نعمرو الحليوات بالحشوة و نلاصقو كل جوج باش نحصلو على شكل كركاعة

hakima09
19-01-2010, 16:48
طبق اليوم من عند بشرى من سلا
كراتان بالدنجال و الكفتة
المقادير
بصلة مشلضة رقيقة
زلافة روز مغسول
400 غرام مطيشة محكوكة فالجهة الرقيقة بلا زريعة
300 غرام دنجال
رابعة الكفتة
100غرام فرماج احمر محكوك
ضامة البنة
ملح
سكينجبير
كمون
تحميرة
ملعقة كبيرة مطيشة الحك
ورقة سيدنا موسى
زيت
معدنوس مقطع رقيق
الطريقة
نديرو البصلة تتقلى مع شوية الزيت و الملح و ورقة سيدنا موسى و منين تدبال نزيدو عليها مطيشة محكوكة و ديال الحك و التوابل و نخليو الصلصة تطيب ثم نقسموها على جوج النصف نخليوه فالطنجرة و النصف الاخر نديروه في زلافة و نخليوه جانبا
نزيدو الروز على مطيشة اللي فالطنجرة و ندوبو الضامة في الماء و نزيدوهم على الروز نديرو مقدار الماء الكافي و نخليو الروز يطيب
نقطعو الدنجال و نقليوه فالزيت و نخليوه ينشف من الزيت
نشحرو الكفتة شوية فالزيت
ندهنو مول ديال الفران و نديرو فيه فرشة ديال الدنجال و نديرو عليها فرشة ديال الروز و فرشة ديال الصلصة اللي خلينا فالزلافة و فرشة كفتة و هكذا حتى نكملو الطبقات حسب المقادير اللي عندنا و نرشو بشوية المعدنوس بين الطبقات و الطبقة الاخيرة نديرو الدنجال و فوقه الصلصة ثم الفرماج محكوك و ندخلو المول للفران حتى يطيب الكراتان و يتحمر شوية كيحتاج تقريبا 15 دقيقة

lavie c lavie
19-01-2010, 17:10
تبارك الله عليك ا لالة حكيمة

ام وصال 2001
19-01-2010, 17:26
لهلا يخطيك اختي حكيمة راكي قايمة بالواجب

hayditoti
19-01-2010, 17:46
مشكوووووور والله يعطيك الف عافيه

salima1
19-01-2010, 20:07
السلام عليكم
احواتي متنسونيش
طلبي هو
لي بقات عاقلة على الوصفة ديال شد الوجه كانت دزت شحال هدي فيها الورد مدقوق مبقيت عاقلة غلى الوصفة كاملة كانت كالت ملتها راه كتهز الحجبان الفوق بشدة المفعولية ديال الوصفة
متنسونيييييييييييييييييييييييييييييييييييييييييييي ش
بغتها ماما راه معروضة لعقبا لولدتكم
احبكم في الله

salima1
19-01-2010, 20:15
ا خواتي غدي نبقا نتسنا حتى تجوبني شي مرضية الوالدين
احبكم في الله

hakima09
19-01-2010, 21:37
تبارك الله عليك ا لالة حكيمة
العفو اختي la vie c la vie ماتحرجنيش حتى انت راكي قايمة بالواجب و اكثر

hakima09
19-01-2010, 21:39
لهلا يخطيك اختي حكيمة راكي قايمة بالواجب
حتى انت ام وص لهلا يخطيك علينا وتبارك الله عليك

hakima09
19-01-2010, 21:41
ا خواتي غدي نبقا نتسنا حتى تجوبني شي مرضية الوالدين
احبكم في الله
اختي سليمة1 ماعنديش فكرة غلى هاد الوصفة نتمنى شي وحدة تعتقك

hakima09
19-01-2010, 21:43
مشكوووووور والله يعطيك الف عافيه
الله يعافيك اختي هايديتوتي

مسلمة2007
19-01-2010, 23:08
الله يحفظكم على هدا المجهودات الجبارة ما خليتيو لي ما نقول انا بغيت غير رقم ديال لقاء المفتوح والإيميل ديال الأخت المقدمة خديجة الله يجزيها بخير هي وجليلة وصراحة كنا نتمنوا تبقى حتى خديجة كانت حلوة في كلامها وفي ضحكتها الله يحفظهم لينا وشكرا مرة اخرى.

LOULITA5
20-01-2010, 00:37
اهلا و سهلا بكن اخواتي الهاتف ديال اللقاء المفتوح هو 0537705939أما الإميل ديال الأخت خديجة فهو chafikhadija******.fr (chafikhadija******.fr) أتمنى نكون أفدتك يا أخت مسلمة

LOULITA5
20-01-2010, 00:38
chafikhadija******.fr

nadia270
20-01-2010, 11:13
السلام عليكم ورحمة الله وبركاته سبحانك اللهم وبحمدك ، أشهد أن لا إله إلا أنت أستغفرك وأتوب إليك

om ikram
20-01-2010, 11:28
كنشكركم الانيقات على هاد الموضوع وكنشكر الاخت لى جوباتنى
وجبت ليكم الوصفات اليوم


وصفات الجمال من عند الاخت سميرة من تازة

وصفة للبشرة السمراء والبقع البنية

طرف الصابون الحجرة ديال الكفـ + باكية الغاسول الابيض ديال 5 دراهم + قرعة ماء زهر ديال 5 دراهم + معلقة صغيرة خميرة الحلوى + 200 غرام سكر كلاصي
خوذي ثلتي الصابون وحكيه في الحكاكة الغليضة وزيدي عليه باقي المكونات وخلطي الكل في الخلاط الكهربائي ودريه في قرعة معقمة من الافضل تغطيها بغطاء بلاستيكي وهاد الخليط يحتفظ به في التلاجة مدة شهر. عند الاستعمال خوذي فقط لقياس ودريه على البشرة 20 دقيقة وغسليه بالماء الدافي ثم البارد. استعمليه يوميا مدة اسبوع من الافضل في حجرة مظلمة بعيد عن الشمس والضوء. تتقول الاخت سميرة هاد الماسك رائع يعطي نظارة للبشرة

عصير للبشرة الشاحبة

جزرة واحدة طحنيها مع نص كاس صغير ديال الماء يشرب كل صباح قبل الفطور تقريبا ب 15 دقيقة مدة اسبوع

وصفة لقشرة الراس وتساقط الشعر

2 معالق كبار ازير + 2 معالق كبار الزعتر + ربع لتر ماء غليان طالق السبولة خليه يرتاح 15 دقيقة وصفيه خودي منه كاس صغير وزيديه على الشامبوان باش تغسلي ديك اللحظة

وصفة للصلع والشعر الخفيف للرجل والمراة

دهني بزيت الزعتر قبل الحمام ويعد الحمام مباشر دهني فروة الراس بماء الزعتر
ماء الزعتر يعني = غلي الماء وكبيه على الزعتر وخليه يرتاح حتى ترجعي من الحمام واستعمليه

اتمنى من الاخوات تصححني الى غلطت في شي وصفة او تزيد اي اضافة كتبتها وشكرا

لازورد
20-01-2010, 12:38
ما شاء الله عليك أم إكرام
شكرا على الوصفات
جزاك الله خيرا

lavie c lavie
20-01-2010, 13:15
كاران من عند وسيلة
نصف كيلو حمص مطحون
2 او 3 بيضات
نصف كاس زيت
شوية الملح
2 لتر ماء
نخلط كلش في مولينيكس و نخويوه في طاوة الفران
كياخد من ساعة حتى 2 سوايع

lavie c lavie
20-01-2010, 13:24
كبسة من عند رجاء
نصف كيلو لحم غنمي مقطع طريفات
نصف كيلو روز كلاصي
نصف كاس زيت
بصلة مشلدة
ابزار زعفران قعقلة ورقة سيدنا مويسى + ماء
نطيب الروز في الماء و نصف كاس زيت وزعفران
اللحم نقليوه في الزيت و نزيد بصلة مشلدة و ورقة سيدنا مويسى و قعقلة و شوية الماء ( كاس عنبة) نخليوه حتى يعقد
كنفرشو الروز و نخويو فوق اللحيمات بحال الكسكس و نزوقوه باللوز

lavie c lavie
20-01-2010, 13:35
نصائح من عند نزيهة
-باش نقشر الكركاع نرقدوه واحد نصف ساعة في الماء
-لشابلير نضيف ليه الخميرة الكيميائية باش يج مقرمش
-الشيفلور مل نصلقوه نضيف له شوية الحليب باش يحافض على لون
-البوات ديال البلاستيك باش ميلصقش فيهم اللون ديال الاكل (صلصة الطماطم ...) ندهنوه بالزيت
-بسكو مدقوق نرشوه في اللاطة باش متيقاش لينا الاطة عامرة بالكيكة
-ندير مكعب سكر مع البسكو او الفقاص باش يبق مكرمل

hanine82
20-01-2010, 13:43
بارك الله فيكم على المجهود

hakima09
20-01-2010, 16:54
تبارك الله عليك la vie c la vie هاد النهار كاع ما سمعتش لطبق ولا الساعة المفتوحة و شعلت ابيسي ولقيتك كاع نزلت الوصفات وام اكرام كذلك تبارك الله عليكم

عنبر
20-01-2010, 17:00
اهلا و سهلا بكن اخواتي بغيت نكول ليكم الوصفة ديال البشرة السمراء فيها ماء ورد ماشي ماء زهر حسب قول صاحبة الوصفة

OM MOU3AD
20-01-2010, 17:16
الاقتباس غير متاح حاليا
السلام عليكم بالنسبة للماءفي كاران ٣لتر ماء وليس ٢ ؛للتصحيح فقط اختي la
vie c la vie

lavie c lavie
20-01-2010, 17:26
تبارك الله عليك la vie c la vie هاد النهار كاع ما سمعتش لطبق ولا الساعة المفتوحة و شعلت ابيسي ولقيتك كاع نزلت الوصفات وام اكرام كذلك تبارك الله عليكم
الله يبارك فيك
بغينا غير نسرحوك شوية

lavie c lavie
20-01-2010, 17:28
الاقتباس غير متاح حاليا
السلام عليكم بالنسبة للماءفي كاران ٣لتر ماء وليس ٢ ؛للتصحيح فقط اختي la
شكرا اختي
رجعت للورقة و لقيت 3 والله حتى خطا مطبعي اعتذر
كنتمنى من الاخوات يصلح الخطا و شكرا

neza331
20-01-2010, 17:46
شكرا أختي الى كان ممكن لي سمعات شي وصفة لحب الشباب الله يجزيها بالخير

hakima09
20-01-2010, 17:51
السلام عليكم ورحمة الله تعالى و بركاته
:77:
اليوم تحدث الدكتور نبيل العياشي على
القصور الكلوي أو الفشل الكلوي
ولهادا يجب لمرضى القصور الكلوي يتبعو واحد الحمية الي هي من أصعب الحميات الله يحفظ الجميع ماشي بحال أصحاب السكري عندهوم غير السكر الي يحتاطو منو
و اصحاب الطونسيو كيحتاطو من الملح أما أمرضى القصور الكلوي فعندهم مجموعة من الاغذية ما خصهومش ياكلوها بحال الاغدية الي فيها البوتاسيوم السكريات السوائل والصوديوم
ولهادا خصنا نوقفو مع مرضى الكلي نواسيوهم نفسيا و معنويا ونحاولو نعطيوهم غير الاغذية الي كتنفعهم لان العامل النفسي كيلعب دور كبير ف العلاج ومرحلة العلاج كتطول من 5 سنين حتى ل 10 وكاين الي ماكايتبعش الحمية كايمشي فيها و كيموت انا لله وانا اليه راجعون ولهادا فالله خلقنا باحسن تقويم خصنا مانهملوش الصحة ديالنا الي غادي يضر بصحتنا نحاولو ماأمكن نتجنبوه
مرضى الفشل الكلوي ماخصش يكون عندهوم سوء التغدية لان هادا غادي يزيد اعقد العلاج
الناس الي ف مرحلة ماقبل الدياليز خصهوم انقصو من البروتينات ياكلو شوي الي غادي يحتاج الجسم ديالهم يستاشرو الطبيب ديالهم باش ايعطيهم الكمية الي تفيدهم
اما الناس الي كي ديرو الدياليز خاصهوم ياخدو نسبة مهمة من البروتينات مثل اللحوم وابيض البيض و الحليب ومشتقاته
اما البوتاسيوم الى كثر منها المريض كتؤدي للوفاة ولاسيما الى كان المريض ما كايتبولش يعني ماكيخرجش السموم من الجسم ديالو ومن هاد الاغدية القطاني (العدس الحمص البيصارة) يستشر الطبيب ديالو الى سمح ليه ياكل كمية قليلة قبل الحصة ديال الدياليز
الفواكه الجافة(الكركاع اللوز الثمر .........) يجب اجتنابها لانها غنية بالبوتاسيوم
الفواكه مثل الموز والافوكا غنية جدا بالبوتاسيوم و ايضا الهندية والرمان و الكرموس
الى تشهاها ياكل كمية قليلة قبل الحصة
أما الخضر فتنلقاو ليها الحل بحيث كنرقدوها ف الماء لمدة ساعتين وهكدا كيخرج منها البوتاسيوم ونطبخوها كيما بغينا ف طاجين ولا مفورة و لامسلوقة ومانزيدوش الملح
المعلبات ممنوعة عليهم
السوائل ماخصهومش يكترو منها لانها كتبقى ف الجسم ولاسيما الي مكيتبولش اما الي كيتبول كيزيد واحد النسبة ما قدرتش نكتبها لان الدكتور كان كيزرب
السوائل المسموح ليه يشربها يوميا هي لتر الا ربع وداخل فيها جميع السوائل
ويحاولو يكترو من الكالسيوم مع الوجبات اما الى كان عندو نقص في الكالسيوم فخصو ياكلها خارج الوجبات
سبب هاد المرض هو التغدية الغير المتوازنة
نحمدو الله على الصحة و العافية ونحمدو الله مامحرومينش حتى من شي ماكلة عطاها لينا الله سبحانه و تعالىو مامحرومينش من السوائل ولاسيما ف الصيف
نحاولو نحافضو على الصحة ديالنا ونتعلو العادات الغذائية السليمة و نعلموها لوايداتنا الحمد لله اليوم كولشي موفر القنوات الهادفة الانترنيت المنتديات الرائعة مثل هادا المنتدى ايوا غير الي مابغاش
وماتنسايش دعاء الورد اليومي
اللهم عافني في بصري اللهم عافني في سمعي اللهم عافني بدني لا اله الا انت 3 مرات كل يوم
و السلام عليكم ورحمة الله نمنى نكون نقلت المعلومة كما هي
واسالكم صالح الدعاء

hakima09
20-01-2010, 17:58
الله يبارك فيك
بغينا غير نسرحوك شوية

شكرا ليك اختي la vie c lavie كنتمى من جميع العضوات يشاركو كل وحدة تكتب شي وصفة وهاكدا كلنا غادي نشاركو و نتعاونو احبك في الله

نعمة 87
20-01-2010, 18:14
السلام عليكم اخواتي .انا الأخت نعمة نتمنى تقبلو ني معاكم كصديقة للمنتدى خصوصا اني من محبات اللقاء المفتوح.

hakima09
20-01-2010, 21:30
مرحبا بيك اختي نعمة

z.hayate
20-01-2010, 23:08
اختي حكيمة واختي lavie ci lavieتباركالله عليكم راكم الله يسر اموركم ويجعل عملكم في ميزان حسااتكم

z.hayate
20-01-2010, 23:13
اخاي ريحانة اش خبارك شفتك غبرتي كنتمنى تكوني لباس وبخيرانشاء الله

lavie c lavie
21-01-2010, 10:24
السلام عليكم اخواتي .انا الأخت نعمة نتمنى تقبلو ني معاكم كصديقة للمنتدى خصوصا اني من محبات اللقاء المفتوح.
مرحبا بيك اختي

lavie c lavie
21-01-2010, 10:26
اختي حكيمة واختي lavie ci lavieتباركالله عليكم راكم الله يسر اموركم ويجعل عملكم في ميزان حسااتكم
الله يبارك فيك اختي يارب امين اختي

lavie c lavie
21-01-2010, 10:58
الاخت حكيمة بلا منبقاو نكتب نصائح الدكتور الفايد و العياشي حيت كين ركن خاص بيهم كنتمني من المشرفات باش يثبتوه

ام هند و ياسن
21-01-2010, 11:16
السلام عليكم اخواتي الانيقات

هده وصفات الجمال لهدا الصباح

للحفاض من المشك و تشقاق اليدين و الرجلين خصوصا في اماكن الثلج

كليسيرين و الحامض كمية متساوية نخلطهم جيدا حتى ينسجموا و نضيف عطر ريحة و ندهن اليدين و الرجلين

لتساقط الشعر

الزعتر والحريكة خضراء نرقدهم في الماء بارد 24 ساعة نصفيه و نشلل به الشعر دون اعادة غسله نستعمله 2 مرات في الاسبوع

للراس الاصلع
نقسم البصلة على 2 و نحك بها الصلعة عدة مرات حتى تضهر النتيحة

ماسك للشعر الجاف

2 معالق كريم فريش و بنانة ممعوسة نجعله ماسك على الشعر نصف ساعة ثم نغسله

ماسك اخر للشعر الجاف

بيضة و نصف افوكا و ملعقة كبيرة زيت الدرة نخلط و نجعل على الشعر نصف ساعة و نغسله

hakima09
21-01-2010, 15:19
اختي حكيمة واختي lavie ci lavieتباركالله عليكم راكم الله يسر اموركم ويجعل عملكم في ميزان حسااتكم
اامين اختي زاهية الله يبارك فيك

hakima09
21-01-2010, 15:21
الاخت حكيمة بلا منبقاو نكتب نصائح الدكتور الفايد و العياشي حيت كين ركن خاص بيهم كنتمني من المشرفات باش يثبتوه
ان شاء اختي la vie c la vie نتمنى من المشرفات الغاليات ايثبتوالموضوع للهمية ديالو

hakima09
21-01-2010, 16:04
كيكة السميدة
4 بيضات كبار
كاس (عنبة) و نصف زبدة + زيت
كاس و نصف حليب دافىء
كاس و نصف سنيدة
فاني
1/2 كيلو سميدة رقيقة
3 خمارات
شوي ملح
الطريقة
ناخد المقلة الثقيلة ديال وجدة الى بغيناها تنفخ و تطلع نديرو ف الصغيرة ويلا بغينا تكون عادية نديرو فالمقلة الكبيرة
ندهنو مزيان هاد المقلة ونرشوها بالسميدة مزيان مزيان ناخدو غير من داك 1/2 كيلو د السميدة
فالخلاط الكهربائي نخلطو البيض مزيان عاد نزيدو سنيدة ونخلطو مزيان ونزيدو الملح والزبدة والزيت و الحليب والفاني و 1/2 كيلو دالسميدة والخمارات وحدة ف الاول و التانيين ف الاخير وتخلطي حتى يبانو ليك الفوقاعات ايوا وتخويه ف المقلة وخليها طيب واحد 1/2 ساعة العافية تكون شوي قوية على العافية الي كنطيبو عليها الكيكة
وبالصحة والراحة

hakima09
21-01-2010, 16:12
براوني
المقادير
250غ شكلاط اسود ممتاز
150غ سكر كلاصي
150غ زبدة
3 بيضات
فاني
شوي ملح
60غ دقيق مغربل
الطريقة
ندوبو الشكلاط ف بان ماري
ندوبو الزبدة ف كاسرولة
نخلطو الزبدة مع الشكلاط و البيض و الفاني الملح و السكر والدقيق ونضربو مزيان ونخويو الخليط ف صفيحة مدهونة و مرشوشة الصينية المناسبة من الاحسن تكون عنها هاد الابعاد 40سنتم*30سنتم باش السمك ديالها اجي هو هاداك و نخليوها طيب ف الفران لمدة 15 دقيقة و نطفيو الفران و نخليوها تما واحد 5 دقائق
ونجبدوها ونخليوها تبرد وندخلوها للثلاجة واحد 2 سوايع ونخرجوها ونغبروها ب سكر كلاصي و نقسموها مربعات

sanaa asafi
21-01-2010, 17:32
ana jarabt wasfa ta3 btata lé fiha ton katji ray3a walah

رجاء المغربية
21-01-2010, 23:00
تبارك الله على كل الاخوات على المجهودات لتتبدلهم الله اجعلوا فى ميزان حسناتكم

مدام بندادة
21-01-2010, 23:11
merci beaucoup

om ikram
22-01-2010, 09:13
دجاجة معمرة بالخضر لأصحاب الريجيم من عند أمينة

المقادير:
دجاجة من وزن 2 كيلو
125 غ خيزو
125 غ لفت
125 غ بطاطا
125 غ جلبانة( للي عندو الحساسية من جلبانة يقدر يعوضها باللوبيا مقطعة طريفات صغار)
بصلة مشلضة
2 أو 3 ضراس ديال الثوم
الربيع
زيت العود
ملح_ ملون (اختياري) _ لبزار _ سكين جبير

الطريقة:
نقطعو الخضر مكعبات صغيرة ونخلطوهم مع الثومة والبصلة والربيع والعطرية وزيت العود وناخدو الدجاجة ونعمروها ونخيطوها أو نشدوها بالعويدات ونحطوها تبخر
نوضعو الخضر للي شاطت لينا فالكسكاس مع الدجاجة (ونقدرو نضيفو بطاطا مقطعة دواور إلى كانو عندنا الأطفال صغار ) واحد الملاحضة إلى كانت الدجاجة غادين نقدموها لأصحاب الريجيم كناخدوها ونوضعوها فوق فراش ديال الخس ونزينوها بالخضر والزيتون..والى كنا غادين نقدموها لأشخاص عاديين ندهنوها بالزبدة ونحمروها ونقدموها مزينة بالخضر والزيتون..

شلاضة المرافقة:
كناخدو راس ديال الخس ..نغسلوه ونقيوه ونخليوه صحيح وناخدو خيزو والبطاطا والباربا ومطيشة
خيزو والبطاطا والباربا نسلقوهم ونقطعوهم مكعبات وكاس ديال الروز الابيض نسلقوه والزيتون الأخضر والأسود
كناخدو الوريقات ديال الخس من ينشفو وحدة نعمروها بخيزو ونديرو ليها الفينيكريت ديالها ونرشوها بالمعدنوس مقطع والباربا حتى هي نحطوها فورقة بوحدها ونديرو ليها قوامها بوحدو والروز نديرو ليه المايونيز ونزلوه فورقة ونزينوه بزيتون اسود
المهم كل ورقة واشنو نحطو فيها وضروري الفينيكريت ونزينو حسب الذوق
والروز للي شاط لينا نوضعوه فالوسط ونزينوه بورقة ديال المعدنوس..



http://www.****************/vb/images/statusicon/user_offline.gif http://www.****************/vb/images/buttons/reputation.gif (http://www.****************/vb/reputation.php?p=5000488) http://www.****************/vb/images/buttons/report.gif (http://www.****************/vb/report.php?p=5000488) http://www.****************/vb/images/buttons/quote.gif (http://www.****************/vb/newreply.php?do=newreply&p=5000488)

om ikram
22-01-2010, 09:16
نصائح من عند خديجة من القنيطرة

البصلة إلى بغيناها متنوضش كنديروها حدا الثلاجة الجهة الخاوية للي فيها السخونية (مابين الثلاجة والحايط) واخة تبقى فالشبكة حتى شهر

الى بغينا نعاودو نستعملو الصوف المخدومة كناخدو التريكوات للي قدام ديال الصوف كيتحلو ..كيرجعو خيط كيباتو فالفريكو ليلة كاملة فالصباح كيتفورو وكيتخدم بيهم طاقية ولا تقيشرات ولا كاش كو ديال الوليدات فحال جديدة كتولي.

باش منضيعوش المسحوق باش كنغسلو الماعن كناخدو بوديزة ديال 5 لتر وكاس ماء جافيل وكاس ديال المسحوق كيدي تقريبا اسبوع وحنا كنغسلو بيه الماعن

أم سناء
22-01-2010, 13:28
السلام عليكم ورحمة الله وبركاته
أخواتي مستمعات اللقاء المفتوح شكون سمعات اليوم حلوى الكوك اللي كتكون معلكة عرفتوها ياك راه فاتني الطريقة ما سمعتهاش مزيان الله يجازيكم بخير اللي سمعاتها تكتب لي المقادير والطريقة راه 2 ديال المستمعات اللي عطاو هاذ الحلوى الأولى سيدة والثاني سيد من الشمال وصاحب باتسري

ام وصال 2001
22-01-2010, 16:06
حلوى الكوك للسيد يحيى
15بياض البيض
كيلو سنيدة
كيلو كوك
في اناء ايكون ناشف تماما (خص بياض البيض مايقيصو لا نقطة الماء ولا نقطة اصفر البيض وهذا هو السر في نجاح الحلوى) ترش سنيدة بقليل ماء ثم توضع فوق النار حتى تبدا تدير فوقعات نطلعو بيها بياض البيض وهي ساخنة باضافتها شوية بشوية الى بياض البيض ومع التطريب الكهربائي حتى ايولي مورانكي ثم نحيدو الطراب ونضيف الكوك نخلطو ويوضع الخليط في جيب الحلواني نخرج الحلوى ثم تطهى
اختي ام سناء الحلوى لي عطات السيدة لم اسمعها اتمنى شياخت تفيدنا

LOULITA5
22-01-2010, 16:20
حلوى الكوك من عند يحيى من الحسيمة
15 أبيض البيض ـ كيلو سنيدة ـ كيلو الكوك نعمل سنيدة مع شوية الماء على النار حتى تعمل فقاعات ونطفيو نأحد أبيض البيض ونطربوه في إناء مايكونش فيه حتى قطرة الماء ولا نقطة صفر البيض باش تنجح الوصفة ثم نضيف خليط سنيدة سخون تدريجيا على ابيض البيض مع التطراب ثم في الأخير نضيف كوك و نخلط باليد ونعملوه في جيب الحلواني على شكل وردة وندخلوها للفرن.
يا صاحبات هدا المنبر ادعو ن معي في هد الجمعة الله ينول لي فبالي ولجميع المسلمين

أم سناء
22-01-2010, 16:34
الله يجازيكم بخير وينول ليكم ما تمنيتو

moutfou
22-01-2010, 20:25
حلوة الكوك اللي كتكون معلكة - ديال 2 دراهم -


500 غ الكوك
250 غ سميدة رقيقة
كيلو السنيدة
10 ابيض البيض


*نطربو البيض مع 500 غ السنيدة والسميدة والكوك


*والسنيدة اللى بقات ترش بقليل من الماء وتدوب فوق نار مهيلة غير تبدى تلصق في الاصابع نزولوها وكبوها مباشرة فوق خليط البيض


* نترك الخليط يرتاح 3 ساعات


*ونديروها فى الجيب الحلوانى وتستف فى لاطة وتدخل للفرن

hakima09
22-01-2010, 21:28
تبارك الله عليكم البنات راكم رائعين

hakima09
22-01-2010, 21:36
المادلين
4 بيضات
200غ سنيدة
200غ زبدة مدوبة
200غ طحين
2 خمارات
ملح
الطريقة
نخلطو البيض مع السكر ثم الطحين والخميرة والملحة و نخلطو مزيان حتى يتجانس الطحين اومايبانش عاد نزيدو الزبدة ونبقاو نخلطو حتى تجانس الزبدة وتدخل مع الخليط ونخليوها واحد الساعتين ناخدو ليمول ديال المادلين وندهنوهم ونخويو غير شوي تقريبا معلقة ولا النص ديال الحفرة و لا نديرو فكويغطات كبار ديال المادلين و ندخلوهم للفران ملي يطيبو ندهنوهم بالشوكولا ولا نخليوهم هاكاك

LOULITA5
22-01-2010, 21:40
هاد الحلوى لي كتبت يا أخت moutfou هي ديال 10دريال و الحلوى ديال يحيى هي لي2 دراهم و قال على هاد الوصفة لي كتبت نضيف لها نصف كاس حليب

hakima09
22-01-2010, 21:48
كيكة بالكركاع و التفاح
المقادير
4 بيضات
1/2 كاس عنبة سكر
1/2 كاس عنبة زيت
1/2 كاس عنبة حليب بودر
2 فاني
كاس عنبة تفاح مقشر ومحكوك ف الحكاكة الغليظة
2 كيسان عنبة دقيق ماعامرينش
2 خمارات

50غ كركاع مهرمش رقيق
1/2 م ص قرفة
تفاحة كبيرة مبشورة و محكوكة ف الحكاكة الغليظة
للتزيين
ناباج او عسل دافىء
الخليط 1
بالضرابالكهربائي نضربو البيض مع السكر و الفاني لمدة 10 دقائق من بعد نزيدو الزيت ونضربو ونزيدو الحليب ونضربو وناخدو دابا غير الضراب اليدوي ونزيدو التفاح و الدقيق و الخميرة ونخلطو حتى يتجانس الخليط ندهنو مول بالزبدو ونرشوها بالطحين ونصبو الخليط
الخليط 2
نخلطو الكركاع و التفاح والقرفة مزيان ونفرتتوه على الوجه ديال الخليط الاول و ندخلوها لفران ملي طيب ندهنوها بناباج ولا العسل

TAWBA 1
22-01-2010, 23:52
الذين يشاهدون محتوى الموضوع الآن : 19 ( الأعضاء 5 والزوار 14)
الكاميرا الخفية لهذه الليلة و الأخريات نيام ولا في الكوزيــنة هههههههه
‏TAWBA 1 (http://www.anaqamaghribia.com/vb/member.php?u=43213), ‏ASSIA B (http://www.anaqamaghribia.com/vb/member.php?u=45531), ‏بسمة امي (http://www.anaqamaghribia.com/vb/member.php?u=17157), ‏mounia maaroufi (http://www.anaqamaghribia.com/vb/member.php?u=23058), ‏سيمة (http://www.anaqamaghribia.com/vb/member.php?u=26720)

TAWBA 1
22-01-2010, 23:55
شكرا أختي حكيمة 09 على المجهود الرائع في تعميم الفائدة
الله يجازيك خيرا ويجعله في الميزان المقبول بإذن الله .

عنبر
25-01-2010, 13:19
ماسك يقاوم التجاعيد شوية معجون الثمرمع ماء ورد يطلى الوجه حتى ينشف يغسل بالماء دافئ ثم بارد
لازالة البقع السوداء 4معالق ك حلبة حبوب يصب عليها نصف كاس الماء مدة 6 ايام حتى يطلق مزيان ويمسح الوجه يوميا

عنبر
25-01-2010, 13:31
ماسك يعطي اللمعان ولون جميل ويقوي الشعر شوية زيت اللوز شوية زيت العود شوية زيت اركان شوية عسل حر بيضة بلدية قهوة سريعة الدوبان يوضع القناع على الشعر ووضغ فوطة مبللة بالماء ساخن من بعد يغسل

salima1
25-01-2010, 15:41
يسم الله
كذلك قالت الاخت خديجة شفيق نشللو الشعر بهد الوصفة
نصبوا الماء الغليان على نبتة الحريكة وعندما يبرد نغسل به الشعر في اخر غسلة دون ان نشلله
احبكم في الله

hakima09
25-01-2010, 17:09
شكرا أختي حكيمة 09 على المجهود الرائع في تعميم الفائدة
الله يجازيك خيرا ويجعله في الميزان المقبول بإذن الله .
العفو اختي توبة امين امين الله يقبل لينا و ليك ان شاء الله

aicha10
25-01-2010, 18:34
الاقتباس غير متاح حاليا
السلام عليكم ورحمة الله وبركاته

okhti brayt ri n3raf bi nissba masque dyal ch3ar li fih l9ahwa wach ndowboha fi lma jawbini 3afak

عنبر
25-01-2010, 18:56
اختي كدوبي القهوة في شوية الماء باش تطلق عاد تخلطيها مع العناصر الاخرى

aicha10
25-01-2010, 19:11
jazaki llaho kola lkhayer okhti

chokran bezafffffffffff 3la rad

zahiato
25-01-2010, 23:34
أختي سليمة كنت قرأت في مجلة femme actuelle أن الحريكة إذا استعملتها للشعر المصبوغ يرجع لونه أخضر
إلى كان إسم الحريكة هو l'ortie

غدا يوم اخر
26-01-2010, 01:51
البنات الله يخليكم شكون سمعات الوصفه ديال الدجاج بالبرتقال لي قالت السعدية لديب

رحلة احزان
26-01-2010, 13:08
السلام عليكم.وصفة اليوم.
وصفة للوجه الشاحب.اللقاء المفتوح
نصف كاس خيار محكوك في الجهة الرقيقة.
ابيض بيضة.
2 معالق كبار حليب غبرة
نطلي الوجه بالخليط لمدة 20 د ونغسل بالماء الدافئ واخيرا بالماء البارد كالعادة.

رحلة احزان
26-01-2010, 13:19
اهلا الاخت سموووره
لك الوصفة بكل فرح.
المقادير على حسب امكانية كل واحد.
مقدار من الدجاج.
بصلة...الثوم...الربيع... سكين ج... والابزار.. زعفران.
الملح..الزيت..يتشرمل الدجاج بهذه العناصر.
غير التمراق عوض ان نضع الماء نعوضه بعصير البرتقال ولما تاخد وقتها فالطياب نديرو القليل من القشرة على الدجاج ويعقد الكل.
كنتمنى نجربوها وتكون جميلة ونلتقي بها في قسم الوصفات المجربة.
تحياتييييييييييييي.

بهيجة الصحراوية
26-01-2010, 21:44
chokran bazaaaaaaaaaaaaaaaaaaaaaaaf

ام طيبة
26-01-2010, 21:54
تبارك الله عليكم

غدا يوم اخر
26-01-2010, 22:00
اهلا الاخت سموووره
لك الوصفة بكل فرح.
المقادير على حسب امكانية كل واحد.
مقدار من الدجاج.
بصلة...الثوم...الربيع... سكين ج... والابزار.. زعفران.
الملح..الزيت..يتشرمل الدجاج بهذه العناصر.
غير التمراق عوض ان نضع الماء نعوضه بعصير البرتقال ولما تاخد وقتها فالطياب نديرو القليل من القشرة على الدجاج ويعقد الكل.
كنتمنى نجربوها وتكون جميلة ونلتقي بها في قسم الوصفات المجربة.
تحياتييييييييييييي.

مشكوره حبيبتي رحلة احزان لهلا يخطيك وبارك الله فيك

mamachida
27-01-2010, 00:03
الله يخليكم البنات لي سمعات الوصفة الوجه ديال الحلبة لي قلتها المديعة تكتبهالي الله يخليكم وشكرا

mamachida
27-01-2010, 00:07
الله يخليكم كتبولي الحلوى ديال الكوك لي كتباع بي 20ريال لي اعطاتها واحد السيدة

z.hayate
27-01-2010, 16:16
الاخوات الله يجزيكم بخير شي وحدة طمني على الاخت ريحانة شفتها غبرات كنتمنى يكون المانع خير

raihana
27-01-2010, 16:30
السلام عليكم ورحمة الله تعالى وبركاته الحبيبات ديالي كنتمنى ليكم الصحةوالعافية اوتبارك الله على مجهوداتكن الله يجعلها في ميزان حسناتكن ان شاء الله .
كنشكرك بزاف الحبيبة حياة على سؤالك علي لهلا يخطيك اوبارك الله او فيك ما كندخلش بزاف لانني مازلت اعاني من آلام في اذني وحرارة مرتفعة لكنني دائما معكن بقلبي وروحي ودائما كنت اقرا كل جديد الله يوفقنا جميعا لمافيه خير اخواتنا جميعا.
اما بالنسبة للاخت ماماشيدا فالوصفات المطلوبة في الصفحة 23 وشكرا.

عنبر
27-01-2010, 16:31
وصفة البقع لي في الوجه 4 م ك الحلبة حبوب ترقاد 6 ايام في نصف كاس ماء بعد دلك يمسح بها الوجه يوميا
اما بالنسبة لحلوة الكوك موجودة في الصفحة 22 اتمنى اختيmamachia ان تكونا الوصفتين لي محتاجة لهم

z.hayate
27-01-2010, 23:56
الحمدالله على كل حال اختي ريحانة الله يخفف عليك ما نزل الحبيبة ، الله يعجل بالشفاءلك ولجميع المسليمين والله يشافي كل واحد كيعاني من شي ألم،الله يشوف فيك اختي لوليداتك والعائلتك ولنا، والله يجعلها مغفرة الذنوب،الله معاك الحبيبة خليت لك الراحة

attaiba ila all
28-01-2010, 01:41
سبحانك اللهم وبحمدك ، أشهد أن لا إله إلا أنت أستغفرك وأتوب إليك

شكرا جزيلا لكن عضوات هذا المنتدى الرائع وجزاكن الله خير وجعله في ميزان حسناتكن
لقد افدتموني بكل ما فاتني في اللقاء المفتوح ..................... فشكرا جزيلا لكن......... على مجهوداتكن الكبيرة

عنبر
28-01-2010, 15:50
اهلا و سهلا بكن اخواتي بغيت نسولكم شكون الممثلات لي تمت استضافتهم اليوم في اللقاء المفتوح وشكرا

zohi
29-01-2010, 00:10
تبارك الله عليكم

nofikha
29-01-2010, 18:45
الاقتباس غير متاح حاليا لله يخليكم بالنسبة لسفينجات بشكلاط بغيت نعرف الاخت كالت دانون مسوس صغير واش هداك ديال 2 دراهم ياك

المشتاقة الى الفردوس
30-01-2010, 18:34
لبنات الله اخليكم شكون سجلات حلوة الثمر وحلوة الكوك من عند المديعة كريمة بطنجة
وشكرا

رحلة احزان
30-01-2010, 19:39
حلوة الكوك
للاخت كريمةابطال.
250غ زبدة.
3 بيض.
2 كيسان سكر كلاصي.
خمارة.
ليمونة محكوكة.
2 كيسان زيت.
2 زلايف دقيق.
نصف كيلو كوك.
الطريقة.
يخلط الكل ونشكل كراة.
ناخد نصف زلافة كوك اخر ونخلط معه كاس ساندةوتفند فيه الكراة وتزين ب قطاعة البطاطا
ديال لفريت الجهة ديال لبلاستيك البيضاء.......... للي كيتباع ب 20dh .
وهذا الرابط لقيته بالمنتدى فيه الشكل المرغوب فيه ولكن المقادير مختلفة
لكن الرابطhttp://www.anaqamaghribia.com/vb/showthread.php?t=103805